Mateo 23:2 - La'aqtaqa Ñim Lo'onatac 'Enauacna 2013

² Nam dapaxaguenataxaatapeguec na namaxasoxonaxacpi qataq nam fariseopi, namayepi nachena nam ỹataqta ỹaỹaten da ỹa'axategue da llec na lamaxasoxonaxacpi so Moisés.

Nuevo Testamento Toba Sur

² –Nam dapaxaguenataxaatapeguec na nqataxacpi qataq nam fariseopi, namayipi qoÿanagui da nachina na i'axategue da llic na lqataxacpi so Moisés.

Nuevo Testamento Toba Sombrero Negro

² —Joga'me fariseopi nataq'aen ga'me judiopi napaĝaguenoqo'tpi 'uo da'me lañoqotaĝanaĝa'j jo'ne chiyoĝoguet di'me Moisés.

Mateo 23:2 Referans Kwoze

Lucas 20:46

–Maxatchoxo' qome, qarvichiỹa'aguet nam dapaxaguenataxaatapeguec na namaxasoxonaxacpi. Cha'aye namayepi nqopita da ỹaatrañi naua no'o'n nogo maye ỹo'oxora'q, qataq nqopita da qaiyaata da qaiquin da huaña ca naponqa', qataq namayepi nmitta'ai anam so'onaxaqui maye ỹataqta ỹo'oxoraq anam paxaguenaxaquipi qataq nam ỹataqta no'on nquia'aqa'pi.

Marcos 12:38

So Jesús queto'ot da dapaxaguenataxaatac, nache 'enapeco': «Ỹataqta qarvichiỹa'aguet qome na dapaxaguenataxaatapeguec na namaxasoxonaxacpi, cha'aye namayepi ỹataqta nqopita da 'ena'am da no'otaxac na 'amaqtaqaicpi, qataq da hueta'a ca menaqa' qalaq ỹataqta huo'o da 'enec qanqa'en da qaiquin.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Deuteronómio 33:3

Ñim Nataxala' ỹauotec na lalamaxat nhuo' le'ecpi, qataq ntela'a na nañanotpi Ñimaye, qataq na ỹalaxaguet, qataq na ỹo'ot na lamaxasoxonaxacpi.

Mateo 23:3

Qaq ỹoqo'oye qami' iuen da qauo'oche 'enauac cam la'aqtac namayepi, qalaxaye saishet qome da qauo'oche nam ỹo'ottac namayepi, cha'aye da ỹauo'o ye dapaxaguenataxanec, qalaq namayepi ỹaqa'a na ỹo'ottac.