Mateo 23:19 - La'aqtaqa Ñim Lo'onatac 'Enauacna 2013

¹⁹ ¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.

Nuevo Testamento Toba Sur

¹⁹ ¡Ÿataqta saqco' ca qauaÿajñiÿapec, qataq qami' qanamaiqa! Cha'ayi ¿négue't cam ÿoqta ÿacteec da huo'o naq 'enec, peta'a aca nachitaqtaxanaqte, huo'otaq añi nca'atoxonaxalate mayi i'ot da sa qaishitapec naq'en aca nachitaqtaxanaqte?

Nuevo Testamento Toba Sombrero Negro

¹⁹ ¡Yataqachiñe ami qana'mi! ¿Jach'e jogamaĝa yataqachiñe p'ajaye: qo'li jaga'me najaqaje uotaĝa ga'me c'atoĝonaĝala' 'me ja e'n 'te 'nalegue jaga'me najaqaje?

Mateo 23:19 Referans Kwoze

Éxodo 29:37

Qataq ivittrec que'ecaua siete na'axa'te da 'auavigaxattac aca nachetaqtaxanaqte maye sa imauaq da qaỹavigaxat, nache aca'aca nca'atoxonaxalate ỹataqta sa qaishetapec, qaq da huo'otaq huo'o ca ipoteua'a, huo'otaq nhuoiguet acamaye, nache nataqa'en camaye sa qaishetapec.»

Éxodo 30:29

Qaq 'era da 'eetec da 'auỹotauga camayepi da yaqto' sa qaishetapec, qaq da huo'o ca choche nhuoiguet camayepi nache nataqa'en iuen da qaiỹotauga».

Hageo 2:12

«Da huo'otaq huo'o ca ỹale da irouo ca mashe qui'itta lapat laỹe da lachetaqtaxanaxat, nache ỹaxaalec ca lapo' laỹe camaye. Qaq cam laỹe que'eca lapo', da nhuocteguet aca nauole 'ayiiña, huo'otaq ca lỹa nallec, huo'otaq ca lataxa, aceite, huo'otaq camachaqca lỹa nallec; ¿qaq peta'a camaye nataqa'en qui'itta?» Nache so ntaxaỹaxanaxanecpi ỹasat 'eeta', saishet.

Mateo 23:17

¡Qami' ỹataqta qaica ca qauaỹaañiỹapec qataq qami' 'oopaiqa! Cha'aye saisheto' peta'a da qauloỹa'a da añi no'onaxanaxaqui da napacalec da la'amaqchec ca oro, qataq añi no'onaxanaxaqui nachañi añi ỹo'ot da ca oro huo'o da lyac da hueto'ot Ñim Lo'onatac 'Enauacna.

Mateo 23:18

Nataqa'en qauapaxaguenataxañiiteguec da huo'o ca shiỹaxaua da ỹan ca la'aqtac chegoqchigui da la'añaxac añi nca'atoxonaxalate maye netaña añi no'onaxanaxaqui late'erai, qalaq camaye ishet da sa ipaguelec ca la'aqtac. Qalaxaye da huo'otaq ỹan ca la'aqtac da ỹachegoxotchigui da la'añaxac ana nachetaqtaxanaqte, qalaq camaye iuen da ỹataqta ipaqueelec ca la'aqtac.

Mateo 23:20

Cha'aye ca shiỹaxaua da huo'o ca ỹachaxanapec, qataq ỹan ca la'aqtac da chegoqchigui da la'añaxac añi nca'atoxonaxalate maye netaña añi no'onaxanaxaqui late'erai, nache camaye saishet da nachaqañeta añi nca'atoxonaxalate da chegoqchigui da la'añaxac, nacherata da imauec nataqa'en cam huetalec añimaye.