18 Nataqa'en qauapaxaguenataxañiiteguec da huo'o ca shiỹaxaua da ỹan ca la'aqtac chegoqchigui da la'añaxac añi nca'atoxonaxalate maye netaña añi no'onaxanaxaqui late'erai, qalaq camaye ishet da sa ipaguelec ca la'aqtac. Qalaxaye da huo'otaq ỹan ca la'aqtac da ỹachegoxotchigui da la'añaxac ana nachetaqtaxanaqte, qalaq camaye iuen da ỹataqta ipaqueelec ca la'aqtac.
18 Nataq'en qami' qoñiita': “Da huo'o ca ÿan ca l'aqtac da iÿaxaatega ca nhuaxanaguec da chigaqlec añi nca'atoxonaxalate, qalaq camayi ishit da sa ipaguelec ca l'aqtac. Qalaxayi da huo'otaq ÿan ca l'aqtac da iÿaxaatega ca nhuaxanaguec da chigaqaigui cam huetalec aca'aca nca'atoxonaxalate, qalaq camayi ÿataqta ipacchigui qome ca l'aqtac.”
¡Ỹataqta qauem da qa'aita'ague! Cha'aye qami' taxa maye qauapaxaguiñi na shiỹaxauapi da ỹalaxaguet Ñim Lo'onatac 'Enauacna, qalaxaye qami' ye sa qauaỹaañi cam qoñiitec: «Nachaqrata da qauapaxaguiñic ca shiỹaxaua da ỹan ca la'aqtac da huaigui añi no'onaxanaxaqui, qalaq ishet da nlaxaañi. Qalaxaye da huo'otaq ỹan ca la'aqtac da 'eetega ỹaneua'a añi no'onaxanaxaqui late'erai ca oro, nache camaye iuen da ỹataqta ipaqueelec ca la'aqtac.»
¡Qami' ỹataqta qaica ca qauaỹaañiỹapec qataq qami' 'oopaiqa! Cha'aye saisheto' peta'a da qauloỹa'a da añi no'onaxanaxaqui da napacalec da la'amaqchec ca oro, qataq añi no'onaxanaxaqui nachañi añi ỹo'ot da ca oro huo'o da lyac da hueto'ot Ñim Lo'onatac 'Enauacna.
¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.
Da huo'o ca shiỹaxaua da ỹanot ca la'aqtac Ñim Nataxala', huo'otaq da ỹan ca 'eetega ipacchigui la'aqtac, qaq camaye iuen da ipacchigui que'eca la'aqtac, qataq ỹo'ot 'enauac cam ỹachaxanapec.
Qaq da huo'otaq huo'o ca hueto'ot ca lasouaxashet ca lỹa, nache da qaỹamaxalec da naua'a añi nca'atoxonaxalate maye naña ana atamnaxaqui da ỹan ca la'aqtac,
Qalaxaye qami' da qarapaxaguenataxanaxaqui ye qoñiitega da ca ñalec saishet da qaỹamaqalec da itauan ca lta'a da huo'otaq, mashe 'eeta': «Sa seshet da 'am setauan, cha'aye 'enauac na aỹem hueto'ot mashe sanot Ñim Lo'onatac 'Enauacna.»
Qaq ỹoqo'oye qaltaq she'eguelaxalec da itelaqtaxanaxac da camachaqca shiỹaxaua da ỹauo'o ca la'anaxat na lo'oc, nache camaye iuen da ỹalaxaguet na namaxasoxonaxacpi.