Mateo 23:16 - La'aqtaqa Ñim Lo'onatac 'Enauacna 201316 ¡Ỹataqta qauem da qa'aita'ague! Cha'aye qami' taxa maye qauapaxaguiñi na shiỹaxauapi da ỹalaxaguet Ñim Lo'onatac 'Enauacna, qalaxaye qami' ye sa qauaỹaañi cam qoñiitec: «Nachaqrata da qauapaxaguiñic ca shiỹaxaua da ỹan ca la'aqtac da huaigui añi no'onaxanaxaqui, qalaq ishet da nlaxaañi. Qalaxaye da huo'otaq ỹan ca la'aqtac da 'eetega ỹaneua'a añi no'onaxanaxaqui late'erai ca oro, nache camaye iuen da ỹataqta ipaqueelec ca la'aqtac.» Gade chapit laNuevo Testamento Toba Sur16 ¡Ÿataqta choxodaxasodo' qami', nataxala'te qanamaiqa! Mayi qoñiita': “Da huo'o ca ÿan ca l'aqtac da iÿaxaatega ca nhuaxanaguec da chigaqaigui añi n'onaxanaxaqui, qalaq camayi ishit da sa ipaguelec. Qalaxayi da huo'otaq ÿan ca l'aqtac da iÿaxaatega ca nhuaxanaguec da chigaqaigui na oro mayi lalamaxatpi añi'añi n'onaxanaxaqui, qalaq camayi ÿataqta ipacchigui qome ca l'aqtac.” Gade chapit laNuevo Testamento Toba Sombrero Negro16 “¡Degueja da'me adachoĝodequi qomle, ami najoĝola'te 'me qana'mi! Qa'a aueñiyapega: «Qom 'uo ga'me en 'naĝataĝac da'me tamenaĝaiqui lenaĝat queda'me 'yaeñi ga'me 'laqatac, qaya'te yelo'teguet da'me 'naĝataĝac. Qalaĝaja qom en 'naĝataĝac da'me oro jo'ne li'yoĝodaĝat da'me tamenaĝaiqui qamqa'me eja qopacapegue'.» Gade chapit la |
¡Qami' maye qami' nataxala'ate ỹataqta qaica ca qauaỹaañiỹapec! Qaupaquiiteleguete naua lataxaco maye ỹataqta qaica ca la'amaqche'c naua namaxasoxonaxaco, qalaxaye saishet da qaupaquiilec nam ỹataqta huo'o da la'amaqchec namayepi. Qami' qoñiita'am nam nỹomtapigui na lataxa da nqatsheguem ana 'aỹat, qalaxaye 'eeta'am da iuoxonañi ana shiguiỹac le'enaxat nauanaxanaxa maye huetangui ca lataxa.
Qami' ỹaqaỹarolqa, dam ỹoqta napactelec 'enauac na laỹepi 'eeta': Saisheto' qome da 'an ca 'ara'aqtac da chegoqchigui 'anqa'en da la'añaxac na piguem huo'otaq ana 'alhua, huo'otaq ca lỹa. Nachaqrato' da 'oonolec ca 'ara'aqtac 'anqa'en da 'auasat. Qoneta': «Aja'.» Qaq da sa 'ashet, qaq qoneta': «saishet.» Ten, qom ỹauo'o ca qanhuaxanaguiiqui Ñim Lo'onatac 'Enauacna, da saishet da qaupaquiilec ca qara'aqtaqui.
¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.
Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.