Mateo 23:14 - La'aqtaqa Ñim Lo'onatac 'Enauacna 2013

¹⁴ [¡Ỹataqta qauem da qa'aita'ague qami' fariseopi maye qoñiitega qami' 'eesora! Cha'aye qami' ỹataqta qui'itchiguilo qanqa'eñi naua lma'ate ana pa'aipi, qataq qanqañoxochiỹoigui da qauo'oche da logoraic qanatamnaxaqui, qaq souaxat de'era nache qami' ỹataqta lta'araic qome ca qanhuaxanaguiqui.]

Nuevo Testamento Toba Sur

¹⁴ ¡Ÿataqta choxodaxasodo' qami' mayi qauapaxaguenataxañiitac qataq qami' fariseopi mayi qoñiitega da qami' 'eesoda! Cha'ayi qami' ÿataqta qauqui'itaxachiite' naua lma'te ana pa'aipi, nachi qami' chochi qanqañoxochiÿoigui da qau'ochi da logodaic qanatamnaxaqui. Qaq ÿoqo'oyi qami' ÿataqta lta'adaic qome da qanhuaxanaguiiqui.

Mateo 23:14 Referans Kwoze

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Marcos 12:40

¡Qaq nachena namayepi na decachetapigui na lma'pi ana pa'aipi, ime naxa, nache ỹo'ot da nqouagaxaunaxac ỹataqta logoraic naqa'en! Qalaxaye Ñim Lo'onatac 'Enauacna ỹataqta ỹactec naqa'en ca nhuaxanaguec namayepi, saq 'ena'am na laỹepi shiỹaxauapi.»

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Éxodo 22:22

Saishet qome da sa qauyacñiỹapec aca pa'aipi qataq ca saploqpi,

Da na'aqtaguec so Job 22:9

Ana pa'ai qalaq qaica ca 'aỹa'anem, qataq ỹataqta 'anhuotta na qaicaua caua lta'al.

Da na'aqtaguec so Job 31:16

Aỹem saỹauanago' da sa sa'axaỹa da nachoxonnaxac na choxoraqpi, qataq saishet da sasheetem ana pa'ai da ỹoqouat.

Mateo 11:24

Qaq Aỹem qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, qaq saq 'ena'am se'eso shiỹaxauapi maye netaña se'eso nỹecpi ye Sodoma.»

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Lucas 12:48

Qalaxaye cam namaxashec maye ỹoqta 'itchiguiñi da sa ỹaỹaten cam ỹo'ottac maye ishet da chegaqaigui da huo'o qanqa'en ca nhuaxanaguec, qaq camaye saq 'amaqtaq qome ca nhuaxanaguec. Ñim Lo'onatac 'Enauacna ỹataqta qami' ỹauoteque, ỹoqo'oye nataqa'en iuen da qauauochec Ñimaye. Qaq de'era 'eetec da Ñimaye qami' ỹachaxanalo da lqouagaxanaqtaic, qaq nataqa'en Ñimaye qami' iuatta'alo da qauachaxañi nataqa'en da qarqouagaxanaqtaiqui da qauo'onataxañiỹot Ñimaye.

2 Timoteo 3:6

Cha'aye namayepi, da lataxac taua'alo naua nma'ate da ỹatenachet ana 'alo maye 'oopai qataq 'etaxaloxoi maye saishet da nllañi da qauem lqopitaxanaqtaic,

Tito 1:10

Cha'aye mashe qalota na sa ỹalaq, qaq namayepi nachena nam chegaqaigui da la'amqaanataxanaxac na judiopi. Namayepi naua ltaxaỹaxaco ỹataqta qaica ca naiguilo, qataq ỹatenachettac na shiỹaxauapi.

Santiago 3:1

Qami' ỹaqaỹarolqa maye sa'amaqtenaqtac So Cristo, saishet qome da 'enauac da shenaqta da ñepogoxoinaqapegue' da seviraqa'a da sapaxaguenataxanaqpec. Cha'aye Ñim Lo'onatac 'Enauacna ỹataqta sa llalcolec naqa'en ca nmitaguec qome nam dapaxaguenataxaatac, saq 'ena'am na laỹepi shiỹaxauapi.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!