Mateo 23:12 - La'aqtaqa Ñim Lo'onatac 'Enauacna 2013

¹² Cha'aye cam ipettega da nataỹaña da la'amaqchec na laỹepi, nache camaye qaỹo'otec da qaica ca la'amaqchec. Qaq nam sa na'amaqten, qalaq nachena na qaỹamata'ac da 'amaqtaqaic.

Nuevo Testamento Toba Sur

¹² Cha'ayi cam maichi n'amaqteetac, qaq nachica qome ca qaica ca l'amaqchic qanqoÿin. Cha'ayi cam sa n'amaqten, qaq nachica qome ca 'amaqtaq qanqoÿin.

Nuevo Testamento Toba Sombrero Negro

¹² Qa'a ga'me jo'ne mach'ega eetapega p'ajaye, nach'ega ja qoyi'yoĝoden qomle. Nataq'aen ga'me ja ni'yoĝodela't nach'ega qoyi'yoĝoden qomle.

Mateo 23:12 Referans Kwoze

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Mateo 18:4

Cha'aye da qanayeetaigui da lo'onataxanaxac Ñim Lo'onatac 'Enauacna, nache ca shiỹaxaua maye 'amaqtaqaic nacheca cam 'eeta'am ne'ena nogotolec.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Da na'aqtaguec so Job 22:29

Cha'aye Ñim Lo'onatac 'Enauacna huetaiya' naqa'en ca ño'oxonnaxaic qataq nauaxaỹaxaasheguem ca sa na'amaqten.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

1 Pedro 5:6

Qaq ỹoqo'oye saishet qome da qana'amaqchiñi, qataq qauacoñiiguet da lamaxasoxonaxac Ñim Lo'onatac 'Enauacna, cha'aye Ñimaye ỹataqta 'añaxaic. Qaq qom ivita ca laloqo', nache Ñimaye qami' ỹo'oteque da qoñiỹa'am na laỹepi shiỹaxauapi maye 'amaqtaqaicpi.