Mateo 22:7 - La'aqtaqa Ñim Lo'onatac 'Enauacna 2013

⁷ Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Nuevo Testamento Toba Sur

⁷ Nachi se'eso nta'a ÿataqta qalota da lalemataic. Nachi ÿamaq so nallippi, da yaqto' ÿalauat 'enauac se'eso laataxanaxaicpi qataq da ÿavigaxat 'enauac na lma'pi.

Nuevo Testamento Toba Sombrero Negro

⁷ Ñe'me jaliaĝanec yataqachiñe jalcote da'me dalemata, qama'le yama' jogaa'me necoico laje' qaedi yala't gaa'me lataĝanaĝayaqa nataq'aen yidoue ga'me noic jo'ne 'lachaqa't.

Mateo 22:7 Referans Kwoze

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Lucas 21:24

Qataq huo'o qome na qaỹalauat qaira'a ca ỹeelonec qataq huo'o na qaỹauec ncoñeteguishecpi qaỹauegalo naua ỹotta'a't 'aleu'. Na nỹecpi na Jerusalén qome ỹataqta qailaxachigui qataq noxonec, loxonec na shiỹaxauapi maye chegaqauec, choche ivitta'a qome ca laloqo' da nataqa'en que'eca shiỹaxauapi qailaxachigui.

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

Lucas 21:21

Nache nam netaña na 'alhua Judea no'on da datauec da ỹe'egueesheguemec qome ana qaỹoqotcheguemec 'alhuapi. Qaq nam netaña na Jerusalén qalaq no'on da ca'ai qome namaye. Qaq cam huetalec na no'onaxa, qalaq no'on qome da saishet da ñe'eguelaxaua'a na nỹecpi.

Joel 3:2

nache llaỹona't qome 'enauac na ỹotta'a't shiỹaxauapi, nache sauega ye ca'amegue Josafat, yem huaña da ñemit qome namayepi, souaxat nam ỹo'otecpi co'ollaxa nam ỹalamaxat nhuo' Israel le'ecpi, da ilagaxaalec nam ỹotta'a't 'alhuapi, qataq namayepi nalogui na ña'alhuapi.

Joel 2:25

Qaq aỹem qami' she'eguelaxatema qome som deqat ala na nañiguishe, maye chec co'ollaxa na qoche'l, pelgaxanaq qataq ana shiiquioxoipi, maye ỹamaxashecpi da qami' ñamaxalo co'ollaxa.

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Mateo 22:6

qaq so laỹepi qalaq ỹataqta ỹaconeua'a so lamaxashecpi so nta'a, nache iuaxaatac, choche ivitta'a da ỹalauat.

Mateo 22:8

Ime, nache so nta'a 'enapega so lamaxashecpi, 'eeta': ‹Da tonaxac da qantonec da naronaxac mashe qaỹacoolec, qalaxaye nam temaq qanhuanaxauapi saq anac.