Mateo 22:5 - La'aqtaqa Ñim Lo'onatac 'Enauacna 2013

⁵ Qalaxaye som ncoyeguenatacpi saishet da ỹalaq. Nachaqrata da ñi 'oonolec ỹaqa'a na ỹo'ot. Huo'o so nqo'oneuga ca na'alhua, qataq huo'o so nqo'ona ca nmenaqa',

Nuevo Testamento Toba Sur

⁵ Qalaxayi som qaÿauotaique nqui'axauapi sa ishit da ÿalaq. Chaqdata da huo'o so nqo'oneuga ca n'alhua, qataq huo'o so nqo'ona ca nmenqa',

Nuevo Testamento Toba Sombrero Negro

⁵ Qalaĝaja jogaa'me ja yoqochideta qama'le ja yec'adeta. Uo'oe gaa'me yec'atalo gaa'me 'nale'u 'me 'lonataĝanaqa', laqaya' yema'egueta daa'me nemenaĝaco,

Mateo 22:5 Referans Kwoze

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

2 Timoteo 3:4

Namayepi saishet da qaipi'iỹa'a, cha'aye ne'ena ño'oxonnaxaicpi, namayepi saishet da deuennataxaalec da huo'o ye ỹo'ot. Qataq saishet da ỹalaxaguet Ñim Lo'onatac 'Enauacna, nachaqrata da ỹagaqchenapeguec da ỹo'ottac ca maiche 'eetapeguec.

Romanos 8:6

Cha'aye da seuennaqtega 'enauac nam qauem maye 'eetapeguec da qarapachiỹaxac, nache ỹataqta qaỹoqtalo qome qomi' Ñim Lo'onatac 'Enauacna. Qaq da nda'a't da seuennaqtega cam 'eetapeguec So Saqcha'a Na'añaxac Qui'itta, nache qomi' taỹoto ca qarca'alaxa chochaq tatec qataq ca nlagaxayec.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Hechos 24:25

Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.

Hechos 2:13

Qalaxaye huo'o na laỹepi na ỹe'eetac somayepi, 'eeta': –Namayepi souaxai' choche taxaicpi.

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

Génesis 25:34

Qaq huaña, nache so Jacob ỹanem so Esaú, aso nauole, qataq so lhuoshec lenteja maye deqaqchigui. Qaq so Esaú co'ollaq ime da lquia'axac, qataq da nỹomaxac, nache ñisheguem, nache jec. Qaq nache qaica ca naigui naqa'en, da 'enec da na'auaxanec ñalec.

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Mateo 22:4

Nache so nta'a qaltaq ỹauo'o so ỹamaq laỹepi lamaxashecpi, nache ỹache naqa'en da la'aqtac, 'eeta': ‹Da nallec mashe imeta. Mashe samaxasoxoolec da qaỹalauat som ỹataqta no'on ilo huaca llalec. ¡Qauanaiua'a da naronaxac!›

Mateo 22:6

qaq so laỹepi qalaq ỹataqta ỹaconeua'a so lamaxashecpi so nta'a, nache iuaxaatac, choche ivitta'a da ỹalauat.

Juan 2:16

Nache 'enapega na imeetac na qoto'pi, 'eeta': –¡Qanqacheeuec 'enauac ne'enapi! ¡Saishet da qauo'ochec na lma' Ñim Ita'a da menaqa'!

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.