Mateo 22:40 - La'aqtaqa Ñim Lo'onatac 'Enauacna 2013

⁴⁰ Qaq ne'enaua dos namaxasoxonaxaco, nachenaua naua na'attaleguete 'enauac nam laỹepi namaxasoxonaxacpi maye ỹiyiñi so Moisés.

Nuevo Testamento Toba Sur

⁴⁰ Qaq ne'enaua dos namaxasoxonaxaco nachinaua naua n'attalguete 'enauac nam lqataxacpi so Moisés qataq nam lapaxaguenataxanaxacpi som l'aqtaxanaxanecpi ñi Dios.

Nuevo Testamento Toba Sombrero Negro

⁴⁰ Naajo' dojolqa namaĝajoĝonaĝaco nach'enaua chiyoqotelo'te yema gaa'me laqaya' 'me Dios lamaĝajoĝonaĝaco nataq'aen jogaa'me lapaĝaguenataĝanaĝaco dia'me Dios 'laqataĝanaĝanaqa.

Mateo 22:40 Referans Kwoze

Romanos 13:9

Cha'aye na nqataxacpi huo'oi naua damaxasoxooleguete maye 'eeta'am de'era, 'eeta': «Saishet da 'ancachetague' aca sa 'arhua. Saishet da qaualaataxañi. Qataq saishet da qaucache. Saishet da qoquiitague' da qarqopitaxanaqtaiqui da qauqopichiita'a ca hueto'ot ca qarỹai.» Qaq ne'enaua namaxasoxonaxaco qataq 'enauac na laỹepi, naamaye imatta't da na'aqtac maye, 'eeta': «Ñi 'oonolec iuen da ỹauotec ca lỹa, 'eeta'am naqa'en da lauotaxanaqtaic da maiche nachaalataxac.»

Mateo 7:12

Qaq ỹoqo'oye qami' cam no'on maye qansheetaique da qami' ỹo'oteque na shiỹaxauapi, qaq nacheca iuen da hua'auñi qome qauo'ochec 'enauac namayepi. Cha'aye nachera dam damaxasoxoolec nam lamaxasoxonaxacpi so Moisés qataq naua leregui'she so la'aqtaxanaxanecpi Ñim Lo'onatac 'Enauacna.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Santiago 2:8

Da qami' qaualaqaiguet da namaxasoxonaxac maye napacalec na laỹepi maye qomi' ỹanema Ñim Lo'onatac 'Enauacna, nache ỹataqta 'onaxaic de'era qauo'oche. De'era namaxasoxonaxac 'eeta': «Qauennachiỹa'a da ñi 'oonolec iuen da ỹauotec ca lỹa, 'eeta'am da lauotaxanaqtaic da maiche nachaalataxac.»

1 Timoteo 1:5

Dam ỹoqta 'eetapeguec de'era namaxasoxonaxac, damaye iuen da ñi 'oonolec ỹauotec ca lỹa, qaq de'era lauotaxanaqtaic ỹataqta chegoqchiguinguit añi lquiyaqte maye qui'itta, qataq da ỹaỹamaqchiguiñi ntoonaxac qataq da huesota lpi'iỹaxac.

Gálatas 5:14

Cha'aye 'enauac na lqataxacpi Ñim Lo'onatac 'Enauacna 'oonolec da lataxac maye imatta't namayepi, 'eeta': «Ñi 'oonolec iuen da ỹauotec ca 'ena'am lỹa, 'eeta'am da lauotaxanaqtaic da maiche nachaalataxac.»