Mateo 22:3 - La'aqtaqa Ñim Lo'onatac 'Enauacna 2013

³ Nache ỹamaq so lamaxashecpi da yaqto' icoyeguen 'enauac som huotaique da ỹalectauo naqa'en se'eso lquia'axac. Qalaxaye som qaicoyeguenpi saishet co'ollaxa da huo'o ca anac.

Nuevo Testamento Toba Sur

³ Nachi ÿamaq so lamaxashicpi da icoyiguen 'enauac so lqui'axauapi. Qalaxayi somayipi sa ishit da huo'o ca anac.

Nuevo Testamento Toba Sombrero Negro

³ Yamaĝalo'te jogaa'me lalemaĝaje'te qaedi yiyaĝanalo jogaa'me nepodae's, qalaĝaja jogaa'me ja jetaque yec'adeta.

Mateo 22:3 Referans Kwoze

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Romanos 10:21

Qataq co'ollaq detaxaỹa na Israel le'ecpi Ñim Lo'onatac 'Enauacna ỹachegoxotchigui so la'aqtaxanaxanec Isaías, qalaq 'eeta': «Ỹataqta ima ye na'a'q da sachaxaatacot da itaunaxanaxac nam shiỹaxauapi maye qaramchigui qataq sa ỹalaq.»

Juan 5:40

qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Hechos 13:45

Qalaxaye nam judiopi co'ollaq ila'a da ỹataqta qalota na shiỹaxauapi, nache huo'o da lquiỹaqa' soomaye. Nache quetot da 'eetega so Pablo da choche isomtac 'enauac nam ỹa'axattac, qataq nataqa'en ỹataqta isheueetac.

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Lucas 15:28

Qalaxaye som lqaỹa ỹe dalemata, nache saishet da pa'auo. Qaq ỹoqo'oye so lta'a nqo'oneuga, nache nachoxoreetacot da pa'auo.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Sofonías 1:7

¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!

Oseas 11:7

Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.

Oseas 11:2

Qalaxaye co'ollaq ỹapac da seỹaxaatega, nache lamaxa nquictauec da aỹem ca'ai. Nache namayepi ỹaatacot ana lachetaqtaxanaqte nam saq 'en atamnaxala'pi, qataq ỹavigaxattac na lchenaxanaxat da ỹanot nam ne'enaqtacpi.

Jeremías 35:15

Qataq she'eguelaxattalec da qami' ñamaxalo so ỹamaxashecpi maye ỹa'aqtaxanaxanecpi, da yaqto' qami' 'enapegalo, 'eeta': Qaỹa'axañiiuec da qauem qarataxaqui qataq nam qauem maye qauo'ocheetacpi. Qataq saishet da qaca'acheetague' na ỹaqa'a atamnaxala'pi, qataq saishet da qavio'oxoyiñiitac, yaqto' nache queta da qoñeetalec na 'alhua maye qami' sanema co'ollaxa qataq so hua'au qarta'ailpi. Qalaxaye qami' saishet da Aỹem qauqocheetega, qataq saishet da Aỹem qaualaqaiguet.

Jeremías 25:4

Qaq na'aictaxa da Ñim Nataxala', ỹe'eguelaxattalec da qami' namaxalo so lamaxashecpi maye la'aqtaxanaxanecpi, qalaxaye qami' saishet co'ollaxa da qauqochiitega somayepi, qataq saishet da qana'axaỹaxañiỹa qataq saqaualaqaiguet.

Isaías 30:15

Qaq cha'aye Ñim Nataxala' Ñim Qui'itta Natamnaxala' na Israel le'ecpi, 'eeta': «Qañe'eguelaqai qome, qataq qanmacheeuec yaqto' qanca'alleeuec. Cha'aye da qara'añaxaqui huetaigui da qavi'imaqaitac qataq da Aỹem qaua'amaqcheñi.» Qalaxaye qami' saishet da qauaỹamaxayiñi damaye,

Salmos 68:11

Ñim Nataxala' ỹan da la'aqtac, nache qalota na 'alpi na jec da ỹa'axatec de'era la'aqtac, 'eeta':

1 Samuel 9:13

Qaq qom choche qaviyiiua'a yemaye nache qanmichiỹaique camaxa, qom saxanaxa da tasheguema ye qaỹoqotcheguema atamnaqa' da yaqto' deque'e, cha'aye na shiỹaxauapi saishet da deque'e da saxanaxa da qaila'a da nvi' camaye, cha'aye nacheca naxa cam nqouagaxaueelec na nachetaqtaxanaxatpi, qaq da ime, nache cheta'ague da deque'e nam qaicoyeguenpi da yaqto' huanaxauapi. Qaq ỹoqo'oye nache qoqui nagui yaqto' qaviyiỹalec qome.»

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Mateo 21:34

Qaq co'ollaq mashe ivita so laloqo' da qanqat ana ala na nañiguishec, nache somaye huo'oi soua ỹamaq som lamaxashecpi, da yaqto' iỹaxanot se'eso 'onataxanaxaicpi da icolaxateuga cam talec somaye qanqa'en.

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

Hebreos 9:15

Qaq ỹoqo'oye chegoqchigui So Jesucristo da senoxonaxaua'a dam dalaxaic naỹamaxataxac Ñim Lo'onatac 'Enauacna. Cha'aye so Jesucristo ileu co'ollaxa da yaqto' Ñim Lo'onatac 'Enauacna ỹapalaxat nam qauem maye so'otaq co'ollaq so'onataxanaqteguelec som togoshec aỹamaxataxac. Qataq chegoqchigui da l-leuaxa da qomi' maye qomi' lca'agui'she Ñim Lo'onatac 'Enauacna, saconaxaguet da nca'alaxa chochaq tatec maye ỹachaxanapec Ñimaye.