Mateo 22:22 - La'aqtaqa Ñim Lo'onatac 'Enauacna 2013

²² Qaq co'ollaq hua'aqchigui de'era so chegaqaigui na fariseopi, nache somayepi ỹataqta huo'o da la'aalaxa, nache jec.

Nuevo Testamento Toba Sur

²² Qaq co'ollaq qai'aqchigui de'eda, nachi somayipi ÿataqta huo'o da l'aalaxa. Nachi qoÿaxaañi somayi, nachi somayipi jec.

Nuevo Testamento Toba Sombrero Negro

²² Ca'li domachita da'me dojo', yataqachiñe yoqochetem, qama'le queda'ae joñe'me da'me eque'.

Mateo 22:22 Referans Kwoze

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

Hechos 6:10

Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Mateo 22:46

Nache saishet da huo'o ca choche 'oonolec somayepi da ỹasateguet So Jesús. Nache chegoqchiguiña se'eso na'a'q da saishet da huo'o ca qaltaq inattac Somaye.

Mateo 22:33

Qaq co'ollaq hua'aqchigui de'era so shiỹaxauapi, nache ỹataqta huo'o da la'aalaxa naua lapaxaguenataxanaxaco So Jesús.

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Mateo 8:10

Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!