Mateo 22:16 - La'aqtaqa Ñim Lo'onatac 'Enauacna 2013

¹⁶ Huaña, nache huo'oi soua qaỹama'q nam lapaxaguenatacpi somayepi, nnaictague' qanqa'en nam ỹalectaigui na quetague' so nta'a Herodes, da yaqto' 'enapega So Jesús, 'eeta': –'Am Napaxaguenataxanaq, qomi' saỹaanaq da 'am ỹataqta 'eesora naua 'ara'aqtaqa, qataq 'auapaxagueeteguec na shiỹaxauapi da 'enauac ỹalaxaguet Ñim Lo'onatac 'Enauacna. Qataq saishet da 'auqochetega nam quetapeguelec da 'arapaxaguenataxanaxac, cha'aye 'am saishet da 'autaqtac da 'auauotaique da 'am ỹaỹamaxareeta namayepi.

Nuevo Testamento Toba Sur

¹⁶ Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Nuevo Testamento Toba Sombrero Negro

¹⁶ Qama'le yamaĝata ñe'me Jesús jogaa'me mach'e lalemaĝaje'te, nach'e ena'ama gaa'me lauegaqataqa ñe'me Herodes, qaedi yachimaĝadeta, enapega't: —Jaliaĝanec, jayatenaq queda'me a'uaĝatetac da'me yataqachiñe eja, nataq'aen auapaĝaguenataĝanec ga'me nadic jo'ne yelo'ta ñe'me Dios, nataq'aen ja anajetoue da'me ta'le oquegue ga'me jo'ne nenaĝatedapeguegue ga'me jiyaĝadipi, qa'a ja anenaĝategue gamachaqaega qaedi ch'e am qoyiyamaĝaden.

Mateo 22:16 Referans Kwoze

Marcos 3:6

Huaña, nache so fariseopi ca'ai aso napaxaguenaxaqui na judiopi, nache sanaỹaloxon da nqo'ona nam quetague'pi so nta'a Herodes da qaitaxaỹapigui ca lataxac da qaỹalauat So Jesús.

Lucas 20:21

Qaq ỹoqo'oye soomaye ỹauo'o da lnataxanaxa'c, 'eeta': –'Am Napaxaguenataxanaq, qomi' saỹaanaq da nache 'eetai' naxa da saishet da saq 'en ca 'aua'axat qataq saishet da 'auqochetega ca maiche 'eetapeguec na shiỹaxauapi, chaqrata da ỹataqta 'alotelec da 'arapaxaguenataxanaxac qaltaq nache 'eetai' da qoqueto'ot da qomi' qonetegalo da ỹataqta salaxasoxoguet Ñim Lo'onatac 'Enauacna.

Marcos 12:14

Nache somayepi jec, nache inat So Jesús, 'eeta': –'Am Napaxaguenataxanaq, qomi' saỹaanaq da nache 'eetai' naxa da saishet da saq 'en ca 'aua'axat, qataq saishet da 'auqochetega cam maiche 'eetapeguec na shiỹaxauapi, nachaqrata da ỹataqta 'aulotelec da 'arapaxaguenataxanaxac, qataq nache 'eetai' da qoqueto'ot da qomi' qonetegalo da ỹataqta salaxasoxoguet Ñim Lo'onatac 'Enauacna. Ñaq 'auauo'o nagui ca 'ara'aqtac. ¿Ỹaỹamaqchiguiñi peta'a da sesheetenaq ñim lta'a na nta'alpi maye netaña ye Roma?

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 7:18

Ca shiỹaxaua da huo'otaq maiche nallegoxottela't ca ltaxaỹaxac, camaye 'eetec de'era, cha'aye nshetaique da na shiỹaxauapi ỹo'oxoren. Qalaxaye Aỹem ñeshetaique da Ñim Lo'onatac 'Enauacna maye Aỹem namaq, nacheñi Ñim talec cam llo'oxoyec maye maiche lalamaxat; qaq ỹoqo'oye Aỹem nache 'eetai' da sa'axattac ca 'eesa.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

1 Ts 2:4

Nachaqrata da Ñim Lo'onatac 'Enauacna qomi' ỹaỹamaxareete', nache qomi' ipataxaleguete da sa'axataq da no'on na'axaỹaxac, qaq nachera dam so'otaqtac. Saishet da sauoqtaique da qomi' ỹaỹamaxareete' ca choche shiỹaxaua, nachaqñita Ñim Lo'onatac 'Enauacna, cha'aye nacheñi Ñi imeteetac 'enauac da qarvilỹaxac qataq da qarhuennataxac.

Gálatas 2:6

Qaq se'esoua maye na 'amqaanataxanaxaicpi ỹataqta ỹauattoote' da nataxala'ate, soomaye saishet da huo'o ca dalaxaic da iqotteereuo de'era na'aqtaxanaxac maye sa'axattac. Qataq saq shectega da ỹoqta 'eesa da nataxala'pi huo'otaq saishet, cha'aye Ñim Lo'onatac 'Enauacna saishet da ilotagui ca yo'oqchigui lataxac ca shiỹaxaua.

Gálatas 1:10

Saishet da shectaigui da choche ñimitta'a da na shiỹaxauapi ỹaỹamaxareeta ca shenapec. Qataq saishet da ñimitta'a da aỹem qaỹamateguet. Cha'aye da nache sheetec de'era, nache saishet da aỹem lamaxashec So Cristo. ¡Cha'aye da ỹoqta ỹaỹamaqchiguiñi ñaqa'en da Ñim Lo'onatac 'Enauacna aỹem ỹaỹamaxareeta!

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

2 Corintios 4:2

Saishet da huo'o ca qomi' ỹa'aloqche't, qataq saishet da huo'o ca soxotaqtañi. Saishet da satenachetaqtac na shiỹaxauapi qataq saishet da ñaralaxataq da la'aqtaxanaxac Ñim Lo'onatac 'Enauacna. Nachaqrata da Ñim Lo'onatac 'Enauacna qomi' ỹaỹateete' da qara'aqtaxanaxac da ỹataqta 'eesa. Ỹoqo'oye 'enauac na shiỹaxauapi ishet da pi'iỹa'alo qomi'.

2 Corintios 2:17

Qalaxaye qomi' saishet da 'eco' qomi' nmenaxaiqa da semenaqta'ape naua la'aqtaqa Ñim Lo'onatac 'Enauacna, da huo'otaq shenaqta'am nam qalota maye ỹashaxaare'c naua na'aqtaqa. Nachaqrata da ỹataqta qomi' 'eesora da sa'aqtaxanaqtac, qaq qomi' ỹaỹate'n Ñim Lo'onatac 'Enauacna, cha'aye maiche qomi' lamaxa'she qataq ña'araqtaua'a So Cristo.

Lucas 7:40

Nache So Jesús 'enapega so fariseo, 'eeta': –Simón, huo'o da huotaique 'am sa'aqtaxanem. Nache som fariseo 'enapeco': –Aja', 'am ña'axaỹaxana 'am Napaxaguenataxanaq.

Marcos 10:17

Qaq So Jesús co'ollaq queta, nache nvi' so ỹale nqalgoqtalec Somaye. Nache ỹa'aroto naua l-llectel, nache inattac So Jesús, 'eeta': –'Am Napaxaguenataxanaq maye 'am soxoraic, Aỹem 'aua'aqtaxanem ¿negue't ca so'ot da yaqto' Aỹem taỹot ca nca'alaxa maye qaica ca loga't?

Mateo 26:49

Nache so Judas nquicot So Jesús, nache iquin, 'eeta': –¡La', 'am Napaxaguenataxanaq! Nache napigoxoi'.

Mateo 26:18

Nache So Jesús 'enapeco': –Qanqo'oñiiua'a qome ye nỹecpi, nache qanmichiỹaique ca lma' ca qanauochaxaua maye qarauattonataqui, nache qaỹa'añim de'era ỹa'aqtac: «Ñim Qanapaxaguenaxala' 'eeta': mashe saqaỹapeque da ivita da seleu; ỹoqo'oye sauotaique da huaña na 'arma' da sequi'iỹa'a'isalo naua ỹapaxaguenataqa da sacheguenaq cam nallec na na'a'q Lapascua.»

Mateo 22:26

Qalaxaye nache 'ena'am co'ollaq qaỹata'ague nache nataqa'en ileu somaye, qalaxaye nataqa'en qaica ca llalec. Qataq jec so lỹa lqaỹa. Nache queto'ot de'era, choche ivitta'a som pa'atec se'esoua siete nqaỹa't.

Mateo 22:24

nache somayepi inattac So Jesús, 'eeta': –'Am Napaxaguenataxanaq, so Moisés co'ollaxa 'enapec da huo'otaq huo'o ca ỹale da huaron, qaq da ivita da ileu da huo'otaq qaica ca llalec, nache ca lqaỹa ishet da qaltaq huaroneguet aca llo'oxoua, da yaqto' huo'o naqa'en ca llalec som lqaỹa maye saqca, yaqto' saishet da deqat da le'enaxat.

Malaquías 2:9

Qaq ỹoqo'oye, souaxat da Aỹem saqaualaqaiguet, qataq souaxat da qauapaxaguiñi na shiỹaxauapi, nache qalca'aitagui, nache Aỹem so'ot qome, da 'enauac nam nhuo' le'ecpi qami' deqaigalo, qataq qami' saq maigueta. Qaq 'era da la'aqtac Ñim Nataxala' maye Qaica ca Ỹaqalanapec.

Malaquías 2:6

Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi.

Proverbios 29:5

Ca ỹale maye choche no'onaxa't naua la'aqtaqa da detaqtacot ca nauochaxaua, camaye choche nqoviitac que'eca lỹa.

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Salmos 5:9

Cha'aye namayepi saishet da 'eesora naua la'aqtaqa, qataq naua lhuennataxaco qalaq nda'a't na qauem, ana lqoichiqui qalaq 'eeta'am aca huachiqui nauattangui ñi lachaxat qalaq ỹataqta shepecaic.

1 Reyes 22:14

Nache so Micaía, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

Deuteronómio 33:9

som 'eetega so lta'a qataq aso late'e, 'eeta': ‹Sa ỹauana da qami' selota'alo›, qataq co'ollaq ila'alo soua lqaỹa't qalaq, 'eeta': ‹Qami' sa sauatto'n› nataqa'en co'ollaq ila'alo soua llalqa nache, 'eeta': ‹Saishet da qami' sauatto'n.› Qalaxaye ỹataqta ỹalaxaguet da 'ara'aqtac qataq ipactelec da ỹo'ot da 'anaỹamaxataxac.

Marcos 12:13

Qaq co'ollaq ime, nache huo'o so qaỹamaxa So Jesús som chegaqaigui na fariseopi, qataq som quetague'pi so nta'a Herodes, da qaỹauotaique da qaỹe'eguen So Jesús, da yaqto' ishet da qaỹachegoxotchigui da qaỹauo'o ca lasouaxashet.