Mateo 22:15 - La'aqtaqa Ñim Lo'onatac 'Enauacna 2013

¹⁵ Qaq huo'o so na'a'q nache nam ỹalectaigui na fariseopi detaxaỹapega't da naỹaana't da huo'o ca nasaxauec la'aqtac qanqa'en So Jesús cam chegoqchigui da qaỹauo'o ca lasouaxashet.

Nuevo Testamento Toba Sur

¹⁵ Nachi nam ÿalectaigui na fariseopi jec da detaxaÿapigui ca lataxac da ÿauotaique ÿauo'o ca ÿachigoxotchigui lasouaxashit so Jesús da inat.

Nuevo Testamento Toba Sombrero Negro

¹⁵ Chane'eja eque' joga'me fariseopi qama'le nayatena't qaedi qoyachiyoĝotaye ga'me nenaĝategue da'me qoyen uajouem.

Mateo 22:15 Referans Kwoze

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Salmos 59:3

'Am Nataxala' ñaq 'aula'a na ỹalleppi 'añaxaicpi, huaxaỹa't da ỹoiqueetac da ñachaalataxac, na'aictaxa da qaica ca ñe'enaxac qataq qaica ca sasouaxat.

Hebreos 12:3

Qaq ỹoqo'oye qami' qauennataxañiilec da lataxac So Jesús. Qalota so shiỹaxauapi 'etaxaloxoicpi nquiỹa qataq ỹauo'o da nque'eenaxac, qalaxaye Somaye nache queta. Qaq ỹoqo'oye qami' saishet da qanañañi qataq saishet da qaica ca qara'añaxaqui,

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Salmos 57:6

Na ñepa'aguenaxauapi ỹauo'o aso lqoina da aỹem nqovin, nache ỹo'ot da qaica ca ỹa'añaxac, qataq ỹo'ot aso lshere ỹanangui so ñeqa'aic, qalaxaye namayepi maiche tangui asa'aso lshere.

Salmos 41:6

Namayepi da anac da aỹem nmeenaxaneua'a qalaq saishet da ỹoqta 'eesa, cha'aye da lhuennataxa huetaigui 'enauac na qauemsat, ỹoqo'oye da tauga na nqa'aic nache ỹa'axattac.

Mateo 12:14

Nache so fariseopi huenoxonec da detaxaỹapigui ca lataxac da ỹalauat So Jesús.

1 Corintios 7:35

De'era ỹa'aqtac maye qami' sanema, damaye maiche qanaỹamaxataxaqui, qaq saishet da 'eeta'am da qami' secoñerai'salo. Nachaqrata da sauotaique da qaica ca qana'aqtaguiqui sa ỹaỹamaxañi, qataq yaqto' qaica ca qami' nqanaxa't da qoquiitague' So Qarataxala'.