Mateo 22:13 - La'aqtaqa Ñim Lo'onatac 'Enauacna 2013

¹³ Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Nuevo Testamento Toba Sur

¹³ Nachi so nta'a 'enapega nam ilotague'pi so nqui'axala', 'eeta': “Ñi'iñi shiÿaxaua qaucoñiyiÿa't qome naua lchil qataq naua lhua'q. Ime, nachi qauasaqaiuga na napalaxa da pa'auec, yim huaña qome da noÿiitac qataq ÿataqta inaga't naua lhue da nqui'ic.”

Nuevo Testamento Toba Sombrero Negro

¹³ Chane'eja ñe'me jaliaĝanec enapegalo gaa'me jo'ne yelodelegue ga'me niqui'yaĝala': «Auecoñidiye' naa'me lapia'te nataq'aen naa'me loua' qama'le auajaqayi'ya ga'me p'aye 'me 'naltapiye. Ua'a da'me noyenaĝac nataq'aen lachoĝodec.»

Mateo 22:13 Referans Kwoze

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Mateo 25:30

Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

2 Pedro 2:17

Ne'ena dapaxaguenataxaatacpi maye saq 'en namayepi, 'eeta'am aca ñi'illoxoqui maye qaica ca le'ec 'etaxat, qataq 'eeta'am na lo'oc na piguem maye choche ỹachetac na la'at. Namayepi Ñim Lo'onatac 'Enauacna ỹauo'o ca nhuaxanaguec qataq ỹasaxaña ca nhuaxanaqa' maye chochaq tatec na napalaxa.

2 Pedro 2:4

Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

2 Ts 1:9

Namayepi ỹataqta saq llalcolec ca nhuaxanaguec maye choche tatec, qataq qaimaqauec, ỹataqta qaỹoqteuga qanqoỹen da yaqto' sa ỹalegueua'a da llo'oxoyec qataq da la'añaxac So Qarataxala'.

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 24:51

nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Judas 1:6

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Mateo 13:30

Qom ivita ca laloqo' da ñeqataq ana ala na trigo, nache huaña da seỹotaqauga na trigo qataq ana huoue maye le'enaxat cizaña. Ñaq qauaqaita'alo ne'enaua dos da ñaxa't. Qom ivita que'eca laloqo' da qanqat ana ala, nache samaq na ỹo'onataxanaxanecpi da yaqto' hua'auñi da napoc ana huoue maye le'enaxat da cizaña, qataq laỹona't da ỹavigaxat. Ime, nache laỹona't na trigo, nache ỹachaigui ñi ỹaponaxanaxaqui. Nache aỹem samaxalec qome ca ỹo'onataxanaxanecpi da ỹa'auaxaañi da nqateua'a ana huoue. Ime, qaq ỹauo'o ana laqtapi da yaqto' ỹavigaxat. Qaq da ime, nache ỹaỹamaxat na trigo da ỹachaigui ca ỹaponaxanaxaqui.›»

Mateo 12:29

Cha'aye da huo'o ca huotaique da decachigui ca lma' ca ỹale maye 'añaxaic, nache iuen da hua'auñi da icoñerai' camaye. Ime, nache ishet da decachiỹa 'enauac na logoxot camaye.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Salmos 112:10

Qaq ca qauemaic da ila'a de'era nache dalemata, nache inaga't naua lhue qalaxaye taỹa'a da imeuo. Qataq da lqopitaxanaqtaic na qauemaicpi taỹa'a da imeuo.

Salmos 37:12

Na qauemaicpi nmitta'a da ỹo'otec ca qauem ca ỹale no'on da lataxac, da ỹamata'a qalaq nlaqchigui da lquiỹaxa da lmeenaxanaxac.

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Juan 21:18

Qaq ỹataqta 'eesa de'era 'am sa'axatem nagui, da co'ollaq ñaq 'am nsoqolec, qalaq 'am maiche 'aỹa'aayiñi naua 'ogo da 'ano'ot qataq 'am maiche 'oiqueetac cam 'aigue. Qalaxaye da ivita da 'am ỹa'axaiquiolec, nache 'am 'aỹa'aatrauec naua 'arhua'q qataq ỹaqa'a ca 'am no'otaxanaxan, qataq 'am qaỹaueegue cam saishet da ỹoqta 'atapeegue.

Daniel 3:20

ime nache ỹama'q soua ale't maye ỹataqta 'añaxaiqa ỹachegoxotaigui som nalleppi somaye, da icoñerai'salo soua Sadrac, Mesac qataq so Abednego, da yaqto' ỹasaxaroiguilo na le'eraxa aso nqatelaxanaxaqui.