Mateo 22:12 - La'aqtaqa Ñim Lo'onatac 'Enauacna 2013

¹² nache 'enapega somaye, 'eeta': ‹¡'Am iỹa! ¿Ca 'eeteco' da 'ausheto' co'ollaxa da 'ampa'auo ye 'aỹa'aatrañi naua anogo maye saishet da lataxau' da qaỹalegueua'a de'era naponaxac?› Qalaxaye somaye saishet da ỹasat.

Nuevo Testamento Toba Sur

¹² Nachi 'enapega somayi, 'eeta': “'Am iÿa, ¿tá'ainco' yi 'anpa'auo co'ollaxa yi sa ishit da 'ai'aatrañi caua anogo mayi lataxa'u da qaÿalectau'a ca nadonaxac?” Qalaxayi somayi sa ishit da ÿasat.

Nuevo Testamento Toba Sombrero Negro

¹² Qama'le enapega: «Am yaqaya, ¿toqoch'e anec'ate'uo jenjo' da'me ja auaidiñe gaa'me adeuo 'me yelo'tegueta jenjo' 'nonaĝac?» Qalaĝaja ga'me 'nemaĝadela't.

Mateo 22:12 Referans Kwoze

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Mateo 20:13

Qalaxaye se'eso 'aco' 'enapega so 'oonolec somayepi, 'eeta': «¡Ñaq aỹem 'ana'axaỹaxana 'am ñauochaxaua! Aỹem saishet da huo'o ca 'am so'otec saỹaỹamaxañi. 'Antoueeta'actaxa da qomi' co'ollaxa, ñaỹaanaqchigui da 'am 'auo'onataxaalec añi lasheue ca 'onataxanaxaic ye 'oonolec na'a'q.

Da na'aqtaguec so Job 5:16

Qataq Ñimaye ỹo'ot da naquitaxac ca choxoraq. ¡Qataq ỹapogui na alap na qauemaicpi!

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Tito 3:11

Cha'aye mashe qaỹaỹaten que'eca shiỹaxaua da sa nateneueegue da ỹataqta 'eesa napaxaguenataxanaxac. Cha'aye da lasouaxashet, nachera da yo'oq naqa'en da ỹataqta isomapec.

Mateo 26:50

Nache So Jesús 'enapego': –'Am ñauochaxaua, cha'aye mashe qonetaina'a, qaq no'on da ñaq 'auỹalaxatapeguec da 'auo'ot cam huotaique da 'auo'ot. Nache so ỹalleppi ỹaconeua'a So Jesús da icoñerai'.

Jeremías 2:26

«Qaq 'eeta'am ca cachaxaic da huo'o da la'aloxo da qaỹauanalec, qaq nache 'eetec na Israel le'ecpi da huo'o qome da la'aloxo, nataqa'en na nta'alpi qataq na nataxala'pi, qataq na ntaxaỹaxanaxanecpi qataq na na'aqtaxanaxanecpi.

Jeremías 2:23

¿Qaq ca 'eeteco' da qoneta': ‹Saishet da aỹem nshepaxan qataq saishet da sho'oxoreetac nam atamnaxala'pi maye saq 'en›? Ña 'aulogui da 'arataxac co'ollaq huaña ye ca'amegue, ña 'aumeten 'enauac nam 'auo'otpi, 'am nauanaxanaxa maye saishet da 'anamaañi,

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Mateo 5:20

Qaq ỹoqta 'eesa de'era qami' sa'axatema da saishet da qanapacỹalec da lalaxayec nam fariseopi qataq nam dapaxaguenataxaatapeguec na namaxasoxonaxacpi, nache saishet qome da qaunoxoñiiua'a da lo'onataxanaxac Ñim Lo'onatac 'Enauacna.