Mateo 22:11 - La'aqtaqa Ñim Lo'onatac 'Enauacna 2013

¹¹ Qaq co'ollaq pa'auo so nta'a da demeenaxaneua'a som ncoyeguenatacpi, nache ila'a so 'oonolec da saishet da ỹaatrañi naua anogo maye lataxaua da qaỹalegueua'a de'era naponaxac,

Nuevo Testamento Toba Sur

¹¹ Nachi so nta'a pa'auo da demejnaxaneu'a som ncoyiguinguishicpi. Nachi ilalec so shiÿaxaua mayi ÿalectauo da sa ishit da ÿaatrañi caua anogo mayi lataxa'u da qaÿalectau'a ca nadonaxac.

Nuevo Testamento Toba Sombrero Negro

¹¹ “Qalaĝaja ca'li yenoĝoneuo ñe'me jaliaĝanec qaedi yec'ate'n jogaa'me nepodae's, qama'le 'uo ñe'me jiyaĝaua yauana queda'me ja yatedañe ga'me leuo nale ga'me yec'ata ga'me 'nonaĝac.

Mateo 22:11 Referans Kwoze

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

2 Corintios 5:3

Qaq qomi' saỹaanaqta da qom souaqta'a yemaye, nache ỹataqta qomi' qanpaxattaleguete.

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Gálatas 3:27

Cha'aye co'ollaq qami' qanachelaxa'n, nache qami' qana'ayeeua'a So Cristo, qaq nagui qami' qoñiita'am Somaye.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Romanos 3:22

Ñim Lo'onatac 'Enauacna ỹaconeguet 'enauac nam ỹa'amaqten qataq huo'o da lpi'iỹaxac So Jesucristo, saishet da iuen da huo'otaq judío qalqo' saishet.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Mateo 13:30

Qom ivita ca laloqo' da ñeqataq ana ala na trigo, nache huaña da seỹotaqauga na trigo qataq ana huoue maye le'enaxat cizaña. Ñaq qauaqaita'alo ne'enaua dos da ñaxa't. Qom ivita que'eca laloqo' da qanqat ana ala, nache samaq na ỹo'onataxanaxanecpi da yaqto' hua'auñi da napoc ana huoue maye le'enaxat da cizaña, qataq laỹona't da ỹavigaxat. Ime, nache laỹona't na trigo, nache ỹachaigui ñi ỹaponaxanaxaqui. Nache aỹem samaxalec qome ca ỹo'onataxanaxanecpi da ỹa'auaxaañi da nqateua'a ana huoue. Ime, qaq ỹauo'o ana laqtapi da yaqto' ỹavigaxat. Qaq da ime, nache ỹaỹamaxat na trigo da ỹachaigui ca ỹaponaxanaxaqui.›»

Isaías 64:6

'Enauac da shenaqta, shenaqta'am ca ỹale maye nshepaxan da lataxac, qataq 'enauac nam no'on qaro'onatacpi 'eeta'am ca hualoxolaỹi maye ỹataqta nshepaxan, 'enauac da sanataxañi shenaqta'am aca qo'oipaq laue maye deqaqta, qataq da qaralaataxanaxac qomi' ỹauogoleeta'ape 'eeta'am ca la'at.

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Sofonías 1:12

Qaq que'eca na'a'q qalaq sacona qome aca ncoỹaraxanaxaqui nache ñemit ye Jerusalén. Huaña nache sauo'o ca nhuaxanaguec nam shiỹaxauapi maye ỹe'emaqtac 'eeta'am na lataxa da qaica ca ldaxac, qataq 'enapec naxa: Ñim Nataxala' saishet da ỹo'ot ca no'on qalaxaye nataqa'en, saishet da ỹo'ot ca qauem.

Lamentaciones 5:22

¿Qalqo' mashe imauec peta'a da qomi' 'auasaxare'c, qataq peta'a ỹataqta qomi' 'aualemataỹalo?

2 Reyes 10:22

Nache so Jehú, 'enapega co'ollaxa som ilotague' aso naỹamaqtaxaqui som nogoxot, da nqatec som nogoxotpi da yaqto' ỹaañi 'enauac som shiỹaxauapi maye ỹo'oxoreetac so Baal, nache somaye ỹo'ot de'era.

Mateo 22:10

Nache som namaxashecpi jec da queguelo naua nqa'aico da icoyeguen so qalota shiỹaxauapi, somayepi huo'o na qauemaic, qataq huo'o na 'onaxaic da lataxac, qaq huaña, nache ỹataqta nlaqchigui se'eso nỹec maye huaña se'eso naronaxac.