Mateo 21:5 - La'aqtaqa Ñim Lo'onatac 'Enauacna 2013

⁵ «Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Nuevo Testamento Toba Sur

⁵ 'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

Nuevo Testamento Toba Sombrero Negro

⁵ “A'uaĝachem di'me noic Sión: «Auec'aten na'me Adejaliaĝanec am nec'ata. Ja 'yoĝodaq, netalegue ga'me ajena, ga'me ajenolec 'me c'oĝot jaga'me jiyac 'me nachoĝonaĝalate.»”

Mateo 21:5 Referans Kwoze

Isaías 62:11

Ñim Nataxala' ỹa'axata'a de'era ivira'alo naqa'en naua loga'te ana 'alhua: «Qaua'aqtaxañim qome ye huaqta'a't nỹecpi ye Sión, da mashe nvi' na lca'alaxaqui. Ñim Nataxala' ñe'eguelaq naqa'en nam lalamaxat nhuo' le'ecpi co'ollaq mashe ime da nca'alaxatec.»

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Oseas 1:7

Qalaxaye nachaqnata qome na maiche nalamaxat nhuo' Judá le'ecpi da sechoxoren, nache ñeca'alaxatec, Aỹem Nataxala' maye Natamnaxala' namayepi. Qalaxaye saishet da sachegoxotchigui ca nchecnec, ỹeelonec, alaataxac, caipi huo'otaq ca alleppi maye netalec na caaỹo, da ñeca'alaxatec namayepi.»

Isaías 40:9

'Am Sión maye 'auachetac da no'on na'axaỹaxac 'aunotsheguemec qome añi ỹataqta qaỹoqotcheguemec qasoxonaxa, nache ỹataqta 'anlamaxaren qome da 'aua'axat dam no'on na'axaỹaxac. 'Am Jerusalén, saishet da 'añe'etac da 'ana'axannec da 'arvilỹaxac da 'aua'aqtaxanem ye huaqta'a't nỹecpi maye ỹotta'a't naua nañalo ye Judá, qoneta': ¡'Ena nam Qanatamnaxala'ai!

Ezequiel 37:24

Ñi ỹamaxashec David nacheñita qome da nta'a qataq 'oonolec da ilo'ogue 'enauac namayepi, qaq namayepi qome Aỹem ỹalaxaguet, qataq ipacchigui na iqataxacpi qataq na ỹamaxasoxonaxacpi.

Ezequiel 34:24

Qaq Aỹem Nataxala' nachaỹem qome da Aỹem Natamnaxala', qaq so ỹamaxashec David qalaq nacheso so lataxala'. Qaq 'era da ỹa'aqtac Aỹem Nataxala'.

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Mateo 2:6

«Qaq 'am Belén, maye qouetaigui na na'alhua na Judá, ỹataqta lta'araic da 'ara'amaqchec, Da qonetaigui na laỹepi nma'pi na Judá; cha'aye 'am chegoqchiguiña qome ca Nataxala', maye ilo'ogue na Israel le'ecpi maye ỹalamaxatpi.»

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Miqueas 5:2

Qaq 'am Belén, Efrata maye 'am saq 'amaqtaq da 'aualectaigui nam nhuo' le'ecpi na Judá, qalaq nache 'am chegoxoigui cam nataxala' qome na Israel, maye chegoxoguet so ỹataqta hua'auchiguiñi nhuo' le'ecpi.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

1 Reyes 10:26

So Salomón laỹona't co'ollaxa aso naigonapi qataq so alleppi maye neteguelec naxa so caipi. Nache ivi' mil cuatrocientos aso naigonapi, qataq doce mil so alleppi maye neteguelec so caipi. Nache ỹamaxa aso laỹonaxaqui aso naigonapi, qataq ỹauo'o so lauanaxanaxanecpi da hueta'a ye Jerusalén.

1 Reyes 1:33

nache somaye 'enapeco': «Qannaicỹapegue' qome na nta'alpi maye itauapi, nache so ỹalec Salomón, nelec qanqa'eñi ñi ilo mola, nache qauaviquiỹa ye Guijón,

2 Samuel 16:2

Nache so nta'a inato' so Sibá, 'eeta': ¿Ta'ainco' da 'andouec ne'ena? Nache somaye 'enapeco': Ñaue'c ne'enaua 'ashena yaqto' neleguete 'anqa'en na 'aỹa'alaqpi, qaq ana nauolepi, qataq ana nqaxaỹaqta nañiguishe ala, nache lqo na alleppi, qaq na lataxa qalaq nỹomigui ca ilem na laquip qom hualec ye toolec 'alhua.

Jueces 12:14

Nache ivi' soua ocho vi'iye da nataxala'. Qaq so Abdón ivi' co'ollaxa cuarenta so llalaqpi, qataq treinta so laualpi, qaq ñi 'oonolec somayepi nnotaxala' naxa na 'ashena.

Jueces 5:10

¡Qaua'aqtaxañi qami', maye qoñiitalec naxa ana 'ashena lapagaxaipi, qataq qarauala'ai naxa na no'on no'oxonecpi, nataqa'en qami', maye qauapiitañi naxa da qoquiitegue na nqa'aicpi!

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Números 24:19

Qaq que'eca doxonaxan qome camaye chegoxoguet so Jacob, nache camaye nlaxaañi qome na no'onañipi que'eca huaqta'a't nỹecpi.»

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Mateo 21:6

Nache soua lapaxaguenataqa je'c tareua'a so nỹecpi da ỹo'o't dam damaxasoxoolec So Jesús.

Lucas 24:27

Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.