Mateo 21:44 - La'aqtaqa Ñim Lo'onatac 'Enauacna 2013

⁴⁴ Da huo'o ca camachaqca tatelec so coma' maye ỹo'otan co'ollaxa so do'oxonaxaatacpi, nache camaye dolachigui. Qataq se'eso coma' da huo'otaq huo'o ca tatelec, nache ỹataqta dolachigui naqa'en.

Nuevo Testamento Toba Sur

⁴⁴ Qaq se'eso coma', qalaq da huo'o ca camachaqca talec somayi, nachi camayi dolachigui. Qataq se'eso coma' da huo'otaq huo'o ca talec, nachi ÿataqta dolachigui naq'en.

Nuevo Testamento Toba Sombrero Negro

⁴⁴ Qama'le ga'me netouoĝo'ye' ga'me qa' yataqachiñe yolaĝachigui.

Mateo 21:44 Referans Kwoze

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Romanos 9:33

Ana nere maye huetalec na la'aqtacpi Ñim Lo'onatac 'Enauacna Ñimaye 'eeta': «Aỹem sanaña qome ye Jerusalén ca 'oonolec coma'. Qaq camaye qome qalota na depoxolaxaisop qataq huañi naqa'en. Qalaxaye Ñim Lo'onatac 'Enauacna sa ỹatenachet 'enauac nam pi'iỹa'a Ñimaye.»

Lucas 20:18

Qaq da huo'o ca camachaqca talec se'eso coma', nache camaye dolagui; qaq se'eso coma' da huo'o ca talec, nache camaye ỹataqta dolachigui.

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

1 Ts 2:16

Qaq ỹoqo'oye naxa da sauoqtaique da sa'aqtaxanaxam na saq judiopi, da yaqto' ivirauga nataqa'en da qanca'alaxatec, qaq namayepi qomi' sa ỹashenema da shenaqtapeguec. Qaq de'era 'eetec namayepi maiche nquigaxattauec da lasouaxashet. Qaq ỹoqo'oye nagui namayepi talec qome da saqca ca 'ena'am nhuaxanaguec maye chegoqo'ot Ñim Lo'onatac 'Enauacna.

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Zacarías 12:3

Qaq que'eca na'a'q, na Jerusalén 'eeta'am ñaqa'en ca qapa'atta coma' da talec 'enauac na ỹotta'a't shiỹaxauapi. Nache ique'emaqchet qome cam huotaique da nauaxaỹaxaasheguem. Qaq 'enauac na ỹotta'a't shiỹaxauapi, huaxaỹa't qome da dataỹa'aguet na Jerusalén,

Juan 19:11

Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Isaías 60:12

Qaq cam shiỹaxauapi maye saishet da 'am do'onataxanot qalaq qaỹapalaxat qome, qataq ca ỹotta'a't shiỹaxauapi imauec qome da qailaxachigui.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Isaías 28:13

Qaq ỹoqo'oye Ñim Nataxala' qom detaxaỹot namayepi, nache 'eeta'am naqa'en catai' ñaqpiolec maye ña qapio'olecpi, maye ñaq cheta'ague da napaxagueetega da ltaxaỹaxanataxanaxac. Qaq huaña nache da queuoỹapigui' nache datatcheguem da huañi, qataq que'emaq tangui aca qoina nache noxonec qome.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Mateo 21:45

Qaq so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq so chegaqaigui na fariseopi, co'ollaq hua'axaỹa de'era daloqnaxaatega So Jesús, nache ỹaỹaten da So Jesús 'eetega somayepi.

Lucas 2:34

Nache so Simeón ỹan da no'on la'aqtac. Ime, nache 'enapega aso María asom late'e So Jesús, 'eeta': –Ñim Lo'onatac 'Enauacna namaq ne'ena nogotolec da yaqto' qalota na nca'alec na Israel le'ecpi, qaq ca laỹepi na Israel le'ecpi qalaq huo'o ca nhuaxanaguec. Ñim Lo'onatac 'Enauacna namaq namaye da yaqto' qaỹaỹateeteguet da 'eetapeguec Ñimaye, qalaxaye qalota qome na dataỹa'aguet.