Mateo 21:32 - La'aqtaqa Ñim Lo'onatac 'Enauacna 2013

³² Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Nuevo Testamento Toba Sur

³² Cha'ayi anac so Juan mayi nachilaxanataxanaq, da yaqto' qami' ÿapaxaguenque ca lataxac da yaqto' no'on da qadataxaqui, qalaq qami' sa ishit da qau'amaqchiñi somayi. Qalaxayi nam ÿacootapeeguet ana nshiitenaqte ca nta'a qataq nam quishiguetaxaipi i'amaqten somayi co'ollaxa. Qalaxayi qami' nai'ctaxa da qauauañiichigui 'enauac de'eda, qalaxayi ñaqaiyita da sa ishit da qai'axañiideec naua qan'onataxacolli' da yaqto' qau'amqajnataxañi.

Nuevo Testamento Toba Sombrero Negro

³² Qa'a Juan 'me chilaĝanataĝanaĝaic ami nec'atalo ca'li qaedi ami yapaĝagueneque ga'me nadic jo'ne chimaqategue, qama'te ami ja auep'iiya'a. Qalaĝaja gaa'me lo'ol da'me nejetenataĝanaĝac nataq'aen jaga'me quejeguetaĝaipi qamqa'me p'iida'a. Qama'te ami, mate mane'e auañiya, ja nejouoĝodiñe naa'me adai'lidi' qaedi auep'iiya'a.

Mateo 21:32 Referans Kwoze

2 Pedro 2:21

Cha'aye ỹaỹamaqchiguiñictaxa namayepi da saishet co'ollaxa da ỹaỹaten da lataxac da achaalataxac maye ỹaỹamaxareeta Ñim Lo'onatac 'Enauacna. Qalaxaye nagui ye ỹaỹaten, nache da ỹaxaañi da ỹalaxaguet Ñim Lo'onatac 'Enauacna, nache namayepi ỹactec da ỹo'ot sa ỹaỹamaxañi, saq 'ena'am so hua'auchiguiñi.

Apocalipsis 2:21

Qaq Aỹem mashe sami' da ldaqa' añimaye, da yaqto' ỹe'eguelaxa da ỹalaxaguet Ñim Lo'onatac 'Enauacna. Qalaxaye añimaye saishet da ỹalaq da ỹo'ot damaye, qataq saishet da ỹaxaañi da ỹa'amaqteetac na ne'enaqtac nqui'ipi maye saq 'en.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

2 Timoteo 2:25

qataq huesotta da lataxac da nlaxanec ca depa'aguenataxaatac. Cha'aye saiuena'a da Ñim Lo'onatac 'Enauacna ishet da ỹami' camaye da naralaxat da lhuennataxac, qataq ỹami' da ỹaỹaten da 'eesa lataxac,

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Mateo 5:46

Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Mateo 21:31

Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.