Mateo 21:27 - La'aqtaqa Ñim Lo'onatac 'Enauacna 2013

²⁷ Nache somayepi ỹasateguet So Jesús, 'eeta': –Aque', sa saỹatenaq. Nache So Jesús 'enapeco': –Aỹem nataqa'en saishet da qami' sa'aqtaxanema ca sachegoxota'ague de'era ỹa'añaxac da so'ot de'era.

Nuevo Testamento Toba Sur

²⁷ Nachi somayipi 'enapega so Jesús, 'eeta': –Aque', sa saÿatenaq. Nachi so Jesús 'enapeco': –Aÿim nataq'en sa ishit da qami' sa'aqtaxanema ca sachigoxota'ague de'eda shinec da so'ot de'eda.

Nuevo Testamento Toba Sombrero Negro

²⁷ Chane'eja 'yadeteguet ñe'me Jesús: —Ja jayatenaq. Qama'le ñe'me 'yategueta: —Chane'eja jayem nach'e ena'am ja ami 'te ja'aĝatema ga'me chiyoĝogue da'me yañoqotaĝanaĝac da'me jauo'oe daa'me daajo' 'yonataqa.

Mateo 21:27 Referans Kwoze

2 Corintios 4:3

Nachaqnata nam saishet da ỹaỹaten de'era no'on na'axaỹaxac maye sa'axataqtac, namayepi saishet da qanca'alaxatec.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Juan 9:30

Nache se'eso ỹale 'enapeco': –¡Ỹataqta ỹoxosa'a de'era! ¡Qache qami' saishet da qauaỹaañi ca chegaqa'ague Somaye! ¡Qalaq Somaye ye isheto' da aỹem nataren!

Mateo 16:3

Qaq da ña nte'etom, qalaq qoñiita': «Ỹoqta da qauem na na'a'q, cha'aye ỹataqta toc da nala' lliguisheguem qataq napalgui.» ¡Qami' maye qoñiitega da qami' llalqa Ñim Lo'onatac 'Enauacna! Ỹataqta qauaỹachiñi da qaua'axache da lataxac na piguem. Qaq ¿ta'ainco' qone' ye saishet da qauaỹaañi da nam so'ottacpi nagui namayepi la'anec Ñim Lo'onatac 'Enauacna?

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

Isaías 28:9

Qataq aỹem ỹe'eetac nache, 'eeta': «¡Qalaq anac da qomi' ỹapaxague'n qataq qomi' da'aqtaxanema nam lauanaqchecpi maye chegoqo'ot Ñim Lo'onatac 'Enauacna! ¡Da shenaqta'am naqa'en catai' ñaqpiolec maye ñaq qapio'olecpi,

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Mateo 21:26

Qataq huo'o da qarcolanaxa da shenaqapec da choche shiỹaxaua ca ỹami' da la'añaxac so Juan, cha'aye 'enauac na shiỹaxauapi ỹataqta ỹa'amaqten da somaye la'aqtaxanaxanec Ñim Lo'onatac 'Enauacna.»

Mateo 21:28

Nache So Jesús nataqa'en 'enapeco': –¿Chaq 'eetec ca qarhuennataxaqui de'era qami' sa'axatema? 'Eeta': Huo'o so ỹale huo'oi soua dos llalqa. Nache 'enapega so llalec ỹe, 'eeta': «'Am ỹalec, qojec qome 'auo'ot ye ỹanaxanqa' maye uva lma'.»