Mateo 21:21 - La'aqtaqa Ñim Lo'onatac 'Enauacna 2013

^21-22 Nache So Jesús 'enapeco': –Ỹataqta 'eesa de'era qami' sa'axatema, da ỹoqta 'eesa da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qauoita'a da qanqouagaxaunaxaqui, nache ishet da huo'o. Nataqa'en ishet da ivira'a da qauo'oche dam so'otec ara higo lcheyec, qataq ishet da ỹactec ca qauo'oche da huo'otaq qoñiỹapega ana qaỹoqotcheguemec 'alhua da, qoñiita': «Qoca'ai ne'ena qonetaña, ime, qaq 'angui aso auaxai», qaq de'era qara'aqtaqui ỹataqta ipacchigui.

Nuevo Testamento Toba Sur

²¹ Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Nuevo Testamento Toba Sombrero Negro

²¹ Jesús 'yategueta: —Eja ami ja'aĝatema queda'me qom eja 'uo da'me adepi'i nataq'aen ja auoqoleguechi, qama'le ja nach'edata da'me auaqanachichi ta'le auauoyi da'me dojo' jo'ne je'etem jaga'me higuera, dite da'me qom aueñiyapega jenjo' qajoĝonaĝa: «Oca'e na'me oneta'ña, añgui jena'me noĝop», qama'le naq'aeta da'me yepaquichigui.

Mateo 21:21 Referans Kwoze

Santiago 1:6

Qalaxaye ỹataqta qaỹo'ot da npi'iỹaxac Ñim Lo'onatac 'Enauacna da ỹan damaye. Cha'aye nam huo'o da lqolectaxanaxac qalaq 'ena'am ana lapaxa aso auaxai da maicheye ca ỹamaxague na la'at.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

1 Corintios 13:2

Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

Mateo 8:12

Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Mateo 21:20

Qaq co'ollaq ỹauaachigui de'era soua lapaxaguenataqa, nache ỹataqta huo'o da la'aalaqa', nache inattrac So Jesús, 'eetra': –¿Chaq hua'ague ca 'eetec ara higo lcheyec ye saqaỹaloq da deqaqa?

Mateo 14:29

Nache So Jesús 'enapeco': –¡Aja'! ¡'Auanac! Nache so Pedro sa naỹaloxon da huenoteeguesop aso nllocta, nache pelec na 'etaxat da ca'ata'aguet So Jesús.