Mateo 21:17 - La'aqtaqa Ñim Lo'onatac 'Enauacna 2013

¹⁷ Nache So Jesús ca'ai ye nỹecpi ye Jerusalén, nache taỹa ye nỹecpi ye Betania da lo'ochaqa' se'eso pe.

Nuevo Testamento Toba Sur

¹⁷ Nachi ca'ai somayipi, qataq ca'ai yi la ciudad da taÿa yi Betania da l'ochaqa' se'eso pe.

Nuevo Testamento Toba Sombrero Negro

¹⁷ Qama'le Jesús ca'ae jogaa'me, yec'ata di'me noic 'me Betania, nach'e ua'a ga'me pi'yaq.

Mateo 21:17 Referans Kwoze

Juan 11:18

Qaq yem nỹecpi ye Betania, yemaye saqaỹapeque ye Jerusalén, ivi' tres kilómetros ye lshecta.

Juan 11:1

Qaq huo'o so shiỹaxaua le'enaxat Lázaro, somaye sa no'on. Qaq somaye naigui so lma' ye nỹecpi le'enaxat Betania, yem nataqa'en lma' aso María qataq aso lqaỹa Marta.

Lucas 24:50

Nache So Jesús nqateeguesop soomaye ye Jerusalén da ỹauega ye Betania. Huaña yemaye, nache ỹachaxaayishegue'm naua lhua'q da ỹaalec da no'on la'aqtac soomaye.

Marcos 11:11

Nache So Jesús co'ollaq inoxoneua'a ye Jerusalén, nache taua'a aso no'onaxanaxaqui late'erai, huaña, qaq imeteetac 'enauac nam huo'o. Qalaxaye souaxat da mashe avit, nache jec nnaicapegueto soua lapaxaguenataqa da taỹa ye nỹecpiolec le'enaxat Betania.

Marcos 11:19

Qalaxaye co'ollaq mashe pe, nache So Jesús qataq soua lapaxaguenataqa, quera'ai ye Jerusalén.

Mateo 16:4

Qami' qauỹaxañiitaique ca na'anec, cha'aye qami' qauemaiqa qataq saishet da qauauoitaique da qaua'amqaanataxañi. Qalaxaye saishet da qami' qoỹanema ca na'anec, nachaqrata dam huaigui co'ollaxa so na'aqtaxanaxanec Jonás. –Qaq co'ollaxa ime da nasaxauec de'era So Jesús, nache ca'ai somayepi.

Lucas 19:29

Qaq co'ollaq mashe nayeetaua'alo yeua Betfagué qataq ye Betania yem saqaỹapeque añi saqaỹoqotcheguemec 'alhua maye nanqa' ana Olivo. Huaña, nache ỹama'q soua dos lapaxaguenataqa.

Lucas 10:38

Co'ollaq taỹa'ague da Jerusalén So Jesús qataq soua lapaxaguenataqa, nache huo'o ye taaleguete nỹecpi. Qaq yemaye, nache hueta'a aso 'alo le'enaxat Marta asomaye ỹaconeguet So Jesús qataq ỹauegueua'a so lma'.

Marcos 11:1

So Jesús qataq soua lapaxaguenataqa, co'ollaq ivilda aso qaỹoqotcheguemec 'alhua maye nanqa' ana Olivo, maye saqaỹapigui yeua Betfagué qataq Betania, qataq ye nỹecpi ye Jerusalén.

Marcos 3:7

So Jesús jec, nnaicapegueto soua lapaxaguenataqa da taraxaama so loigue aso lapel. Nache qalota so ca'ategue shiỹaxauapi som hua'aqtapeguelec nam ỹo'otpi Somaye. Somayepi huo'o na chegaqa'a ye 'alhua Galilea, qataq ye Judea qataq ye nỹecpi ye Jerusalén, qataq ye Idumea. Qataq huo'o na chegaqa'atague da le'ego so tala Jordán, qataq huo'o na shiỹaxauapi maye chegaqa'a ye saqaỹapeque ye 'alhua Tiro, qataq ye Sidón.

Mateo 26:6

So Jesús hueta'a ye nỹecpi le'enaxat Betania, hueta'a ye lma' so Simón maye nchega na lo'oc co'ollaxa.

Oseas 9:12

Qaq na'aictaxa da ishet da ỹaqchet cam llalaqpi, qalaxaye Aỹem ñeqat qome da nachaalataxac, nache qaica ca ño'onaxatañi. Qaq choxoraxaso' qom sheca'ai ne'ena shiỹaxauapi.

Jeremías 6:8

'Anaralaxat da 'arataxac 'am Jerusalén, cha'aye da saishet da qonetec de'era, nache salemata nache 'am sheca'ai, Qataq so'ot da 'am toolec, nache qaica ñaqa'en ca netalec 'am.»

Marcos 14:3

So Jesús hueta'a ye nỹecpi ye Betania, netaña ca lma' so Simón maye nchega na lo'oc co'ollaxa. Qaq Somaye co'ollaq ñaq deque'etac, nache nvireuo aso 'alo nasoqta'a aso laỹe' so coraxat maye ỹataqta qaỹoqteua'a. Nache nquigueua'a So Jesús, ime, nache ilaxat aso laỹe' so coraxat, nache icorelec na lqaic So Jesús.