Mateo 21:16 - La'aqtaqa Ñim Lo'onatac 'Enauacna 2013

¹⁶ Nache somayepi 'enapega So Jesús, 'eeta': –¿'Am peta'a 'aua'aqtega dam 'eetega nam ñaqpiolec? Nache So Jesús 'enapeco': –Aja', sa'aqtega. Qalaxaye qami' ¿saishet peta'a da qautaxaỹaxañi naxa da 'enapec naua ñiyigui'she la'aqtaqa Ñim Lo'onatac 'Enauacna maye, 'eeta'?: «Nam ñaqpiolec maye ñaq qapio'olecpi, qataq nam ñaq lleptacpi, do'onaxaatac 'am ỹo'oxoreetac.»

Nuevo Testamento Toba Sur

¹⁶ Nachi somayipi 'enapega so Jesús, 'eeta': –¿'Am peta'a 'au'aqtega da 'enapec ne'enapi? Nachi so Jesús 'enapeco': –Aja', sa'aqtega. Qalaxayi qami' ¿sa ishito' peta'a da qautaxaÿaxañi naxa da 'enapec naua ñiyigui'shi l'aqtaqa ñi Dios? Mayi 'eeta': 'Au'otec nam ñaqpiolec qataq nam ñaq lliptac da ÿataqta ÿaÿamaqchiguiñi da lli'oxonnataxanaxac.

Nuevo Testamento Toba Sombrero Negro

¹⁶ Chane'eja eedapega ñe'me Jesús, enapega't: —¿Qo'li auomachiyalo naa'me 'laqataqa naa'me naajo'? Jesús 'yategueta: —Jaja'a, jomachiyalo. Qalaĝaja, ¿qo'li ja auec'achiñe daa'me nedii's jo'ne 'yaĝatetedac da'me dojo'? Eet'oi: «Joote jiyamaĝateta'ajalo gaa'me nalaco qaedi am 'nonaĝachidegue ga'tae'me ñoqolqapi nataq'aen ga'tae'me maliaĝa uanoque'tape.»

Mateo 21:16 Referans Kwoze

Salmos 8:2

Qaq souaxat na 'ampa'aguenaxauapi, nache 'auachegoxotchigui da llo'oxonnataxanaxac na ñaqpiolecpi qataq natai' ñaq lleptacpi, da 'ano'oxoosheguem ca ñi'iguenaxaqui, da yaqto' vi'iiguet 'anqa'en da ltaxaỹaxac na sa ỹalaqpi qataq na depa'aguenataxaatacpi.

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Mateo 19:4

Nache So Jesús 'enapeco': –¿Saisheto' peta'a da qautaxaỹaxañi' naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna? Anamaye nanettalec co'ollaq cheta'ague da do'onataxan Ñimaye, nache ỹo'ot so ỹale qataq aso 'alo da yaqto' nmayaxau'.

Mateo 12:3

Nache Somaye 'enapeco': –¿Saisheto' peta'a da qautaxaỹaxañiỹapec da 'eetec so David co'ollaq huo'o so na'a'q somaye qataq soua lỹata'ape co'ollaq ỹataqta ỹaguec na lqouaqa'?

Marcos 2:25

Qalaxaye So Jesús 'enapego' somayepi, 'eeta': –¿Ỹataqta saỹauano' peta'a da qautaxaỹaxañi da ỹo'ot so David maye nanettalec ana nere maye huetalec na la'aqtacpi Ñim Lo'onatac 'Enauacna, co'ollaq so na'a'q da so Abiatar lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna? Da so David qataq soua lỹa't huo'o da lta'araic lhuenaxanaqa' qataq ỹataqta iqoua't. Nache somaye pa'aigui so lauo' Ñim Lo'onatac 'Enauacna, nache chec aso nauole maye nda'a't nam ntaxaỹaxanaxanecpi da qaitaxaỹapegue' Ñim Lo'onatac 'Enauacna da ishet da chec, ime qataq ỹache't soua nnaictagueto. So Jesús nataqa'en 'enapeco':

Mateo 22:31

Qaq de'era lataxac qom qaltaq nca'alec na leuaxaicpi, qalaq qami' iuen da qautaxaỹaxañi ana nere maye huetalec na la'aqtacpi Ñim Lo'onatac 'Enauacna maye, 'eeta':

Marcos 13:17

Qaq cam 'alpi maye hualaxaipi que'eca na'a'q ỹataqta lta'araic da lachoxoyec. ¡Qalaxaye ỹactec da lachoxoyec aca ñaq cheta'ague da ñiguiñi ca llalec que'eca na'a'q!

Lucas 21:23

Qaq ¡choxoraale qome aca 'alo maye hualaxai qataq acam ña illepaxaatac ca llalec! Cha'aye 'enauac nam huetalec ne'ena 'alhua, huo'o qome ca lta'araic nque'eenaxac qataq ca nhuaxanaguec.