Mateo 21:12 - La'aqtaqa Ñim Lo'onatac 'Enauacna 2013

¹² Qaq So Jesús co'ollaq inoxoneua'a ye nỹecpi ye Jerusalén, nache nqo'ona aso no'onaxanaxaqui late'erai. Huaña, nache Somaye ỹo'orauec 'enauac som nmenaxaicpi qataq som desheenaxatega na nmenec. Qataq ỹamaxañi so nmenaxala'pi som nmenaxanaxaatega't ana alom na shiỹaxauapi, da nmenaxaatapeeguet ana alom añi no'onaxanaxaqui late'erai qataq ỹasaqtega't aso laỹe' so qaimeetac qoto'pi.

Nuevo Testamento Toba Sur

¹² Qaq co'ollaq ime, nachi so Jesús inoxoneu'a so lauo' ñi Dios. Nachi somayi i'odauec 'enauac nam nmenaxaicpi qataq nam deshijnaxaatega na nmenec. Qataq ÿamaxañi na nmenaxala'pi nam nmenaxanaxaatega't ana alom na shiÿaxauapi, qataq ana nso'onaxaquipi na imeetac na qoto'pi.

Nuevo Testamento Toba Sombrero Negro

¹² Jesús taue ga'me tamenaĝaiqui qama'le yema yamaĝadegue ga'me jo'ne demenaĝa'tape nataq'aen neuode'tape. Yamaĝadiñe gaa'me uodenaĝala'te, lachaĝala't nale qoya'uo tayí jaga'me naicaua ga'me jiyaĝadipi, nataq'aen ga'me nedapi'ña nale joga'me jo'ne yemedec ga'me doqoto'pi;

Mateo 21:12 Referans Kwoze

Levítico 1:14

Qaq da huo'o ca ỹanot ca lachetaqtaxanaxat qaỹavigaxatta Ñim Nataxala' da huo'otaq maỹo, nache ỹauota'a ca qoto' lta'araic, huo'otaq ca qoto' llalec.

Levítico 5:7

Qaq da huo'otaq sa nalolec da desheenaxana aca qagueta huo'otaq aca quetaq, nache ỹanot Ñim Nataxala' caua dos qoto' lta'araiqa, huo'otaq caua dos qoto' llalqa da yaqto' lachetaqtaxanaqte. Qaq ca 'oonolec caamaye ỹaneuo da lachetaqtaxanaxat maye sa imauaq da qaỹavigaxat, qaq ca lỹa nache lachetaqtaxanaxat qaỹavigaxatta.

Lucas 2:24

Na namaxasoxonaxacpi nataqa'en ỹa'axat da iuen da qaỹauo'o aca nachetaqtaxanaqte da qoỹanot Ñim Lo'onatac 'Enauacna, ishet da qaỹauota'a dos qoto', huo'otaq caua dos llalqa na 'ollolec.

Levítico 12:8

Qaq aca 'alo da huo'otaq sa nalolec da desheenaxana ca qagueta, nache acamaye ishet da ỹaareuo caua dos qoto' llalqa, huo'otaq caua dos qoto' lta'araiqa, nache 'oonolec ca lachetaqtaxanaxat qaỹavigaxatta, qaq ca lỹa nache lachetaqtaxanaxat maye sa imauaq da qaỹavigaxat. Nache ca ntaxaỹaxanaxanec ỹanot Ñim Nataxala', da yaqto' qaỹapalaxat na lasouaxashet aca'aca 'alo, huaña nache acamaye qui'itta.

Levítico 14:22

qaq da nalotaleguete da desheenaxanalo caua dos qoto' lta'araiqa, huo'otaq caua qoto' llalqa, nache ca 'oonolec ỹaneuo da lachetaqtaxanaxat maye sa imauaq da qaỹavigaxat, qaq ca lỹa, nache lachetaqtaxanaxat qaỹavigaxatta.

Éxodo 30:13

Qaq ñi 'oonolec que'eca 'ereguishecpi Aỹem ỹanot qome aca cinco gramos ca lcat plata, maye tachigingui na laiñi ye lcata aca nsheetenaxanaqte da qoỹaneua'a ca npe'l.

Marcos 11:11

Nache So Jesús co'ollaq inoxoneua'a ye Jerusalén, nache taua'a aso no'onaxanaxaqui late'erai, huaña, qaq imeteetac 'enauac nam huo'o. Qalaxaye souaxat da mashe avit, nache jec nnaicapegueto soua lapaxaguenataqa da taỹa ye nỹecpiolec le'enaxat Betania.

Levítico 14:30

Ime, nache ca ntaxaỹaxanaxanec ỹaareuo caua qoto' lta'araiqa, huo'otaq caua qoto' llalqa, cam ỹaareuo cam shiỹaxaua maye nqui'itaxattac.

Levítico 12:6

Nache da iviraxattrec caua laloxoqui' da nqui'itaxatta, souaxat da lañoxoc ca llalec ỹale huo'otaq 'alo, nache acamaye iroua'a ye ñegueuo ñi npe'l, ca qagueta llalec maye ivi' ca 'oonolec vi'i yaqto' lachetaqtaxanaxat qaỹavigaxatta, qataq ca 'oonolec qoto' llalec huo'otaq ca qoto' lta'araic, yaqto' lachetaqtaxanaxat maye sa imauaq da qaỹavigaxat. Qaq ỹanem ca ntaxaỹaxanaxanec,

Levítico 15:29

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa, nache iroua'alo ca ntaxaỹaxanaxanec huaña ye ñegueuo ñi npe'l.

Levítico 15:14

Qaq da ivireuga ca na'a'q ocho, nache ỹaconalo caua dos qoto' lta'araiqa, huo'otaq caua dos qoto' llalqa. Ime, nache taua'a ye ñegueuo ñi npe'l maye huaña naxa da qanauane' Ñim Nataxala', nache ỹanema ca ntaxaỹaxanaxanec.

Levítico 5:11

Qalaxaye que'eca shiỹaxaua da ỹataqta sa nalolec da desheenaxanalo caua dos qoto' lta'araiqa, huo'otaq caua qoto' llalqa, nache irouo ca dos kilos ca ỹataqta no'on lsoche na ala ca nañiguishec, da yaqto' lachetaqtaxanaxat. Qalaxaye saishet da icorelec ca aceite qataq da ỹachalec ca nchenaxanaxat qo'oipaq lcha'q ama na laita, cha'aye nachetaqtaxanaxat maye sa imauaq da qaỹavigaxat souaxat ca nasouaxashet.

Juan 2:13

Qaq co'ollaq mashe saqaỹapeque so laponaxac na judiopi maye le'enaxat da Lapascua, nache So Jesús nqo'oneua'a ye Jerusalén.