Mateo 21:11 - La'aqtaqa Ñim Lo'onatac 'Enauacna 2013

¹¹ Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.

Nuevo Testamento Toba Sur

¹¹ Nachi som shiÿaxauapi 'eeta': –Qomyi nachiso so Jesús mayi l'aqtaxanaxanec ñi Dios, som chigaqa'ague da Nazaret mayi huaigui yi 'alhua Galilea.

Nuevo Testamento Toba Sombrero Negro

¹¹ Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Mateo 21:11 Referans Kwoze

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 7:40

Nache huo'o na shiỹaxauapi na hua'aqchigui co'ollaxa de'era, nache 'eeta': –De'era shiỹaxaua ỹoqta 'eesa da nachera da la'aqtaxanaxanec Ñim Lo'onatac 'Enauacna, maye qaỹa'axatta'aguet co'ollaxa da naỹa'acna.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Juan 9:17

Nache somayepi ỹe'eguelaxalec da inattac se'eso ỹale maye qanamaic co'ollaxa, 'eeta': –Qaq 'am, ¿hua'ague ca 'eetec ca 'ara'aqtac som ỹale maye 'anauaañi naqa'en? Nache somaye 'enapeco': –Qomye aỹem, Somaye 'eeta'am ñaqa'en da la'aqtaxanaxanec Ñim Lo'onatac 'Enauacna.

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Juan 4:19

Qaq co'ollaq hua'axaỹa de'era aso 'alo, nache 'enapeco': –'Am Nataxala', aỹem sela'a da ỹoqta 'eesa da 'am la'aqtaxanaxanec Ñim Lo'onatac 'Enauacna.

Juan 1:21

Nache somayepi ỹe'eguelaxalec da inat, 'eeta': –Qaq ¿chaq negue't 'am qone'? ¿Peta'a nache 'am Elías? Nache so Juan 'enapeco': –Saishet; saishet da aỹem Elías. Qaq somayepi qaltaq ỹe'eguelaxalec da inat, 'eeta': –¿Peta'a nache 'am que'eca na'aqtaxanaxanec maye qaỹa'axatta'aguet da naỹa'acna? Nache somaye ỹasat, 'eeta': –'A'i, saishet da nachaỹem.

Marcos 6:15

Qataq huo'o na 'eetega da Somaye, nacheso so na'aqtaxanaxanec maye le'enaxat Elías, qataq huo'o na 'eetega da nacheso so 'oonolec som hua'au na'aqtaxanaxanecpi.

Lucas 24:19

Nache Somaye 'enapeco': –¿Negue'to' camaxa? Nache soomaye 'ena'apo': –Qomye dam huaigui So Jesús maye Nazaret le'ec, som la'aqtaxanaxanec Ñim Lo'onatac 'Enauacna. Se'eso ỹale qaica ca ỹaqalanapec da huo'o ye la'aqtac, qataq da huo'o ye ỹo'ot, qaq ỹataqta ỹaỹamaxareeta Somaye Ñim Lo'onatac 'Enauacna qataq 'enauac na shiỹaxauapi.

Juan 1:25

'eeta': –Da saishet da 'am Lca'aguishec Ñim Lo'onatac 'Enauacna, huo'otaq 'am Elías, huo'otaq ca lỹa la'aqtaxanaxanec Ñim Lo'onatac 'Enauacna. Qalaq ¿ta'ainco' qone' ye 'auachelaxanataxaatac?

Lucas 13:33

Cha'aye ỹoqta 'eesa da nagui qataq qonte' qataq que'eca lỹa na'a'q, da Aỹem iuen da shecto'ot da ỹecỹaxac, choche sevitta'a ye nỹecpi ye Jerusalén. Cha'aye nache huaña yemaye da qaỹalauat som na'aqtaxanaxanecpi.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Mateo 21:10

Nache So Jesús co'ollaq mashe inoxoneua'a ye nỹecpi ye Jerusalén, nache 'enauac nam shiỹaxauapi maye netaigui yemaye ỹataqta huo'o da le'elaxa. Nache qalota na denataxaatac, 'eeta': –¿Negue't de'era ỹale?

Mateo 21:26

Qataq huo'o da qarcolanaxa da shenaqapec da choche shiỹaxaua ca ỹami' da la'añaxac so Juan, cha'aye 'enauac na shiỹaxauapi ỹataqta ỹa'amaqten da somaye la'aqtaxanaxanec Ñim Lo'onatac 'Enauacna.»

Mateo 21:46

Nache somayepi ỹauotaique da icoñi' So Jesús. Qalaxaye huo'o da lcolanaxa na shiỹaxauapi, cha'aye namayepi 'eetega da So Jesús ỹataqta 'eesa da la'aqtaxanaxanec Ñim Lo'onatac 'Enauacna.