Mateo 21:10 - La'aqtaqa Ñim Lo'onatac 'Enauacna 2013

¹⁰ Nache So Jesús co'ollaq mashe inoxoneua'a ye nỹecpi ye Jerusalén, nache 'enauac nam shiỹaxauapi maye netaigui yemaye ỹataqta huo'o da le'elaxa. Nache qalota na denataxaatac, 'eeta': –¿Negue't de'era ỹale?

Nuevo Testamento Toba Sur

¹⁰ Nachi so Jesús co'ollaq mashi inoxoneu'a yi Jerusalén, nachi 'enauac nam netaigui yimayi ÿataqta huo'o da l'elaxa. Nachi qalota na denataxaatac, 'eeta': –¿Négue't som so'?

Nuevo Testamento Toba Sombrero Negro

¹⁰ Ca'li Jesús yenoĝonoue di'me Jerusalén, yema ga'me jiyaĝadipi 'yala'tec, enapega't: —¿Jach'e da'me dojo'?

Mateo 21:10 Referans Kwoze

Hechos 9:5

Nache so Saulo denataxan, 'eeta': –'Am Ỹataxala', ¿negue't 'am? Nache se'eso nvilỹaxac qataq 'enapeco': –Qomye Nachaỹem Jesús, Nachaỹem maye Aỹem 'aucaatac. ['Am 'eeta'am da maiche 'anque'emaqchettapeguela't, qoneta'am da 'eetec ca nauegaxanaxala' huaca da maiche ỹasottapeeguet aca na'araxanaqte.

Lucas 9:9

Qalaxaye so Herodes 'enapeco': «¿Chaq negue't dam da' ỹale maye ỹataqta ỹaguec da na'aqtaguec? Damaye saishet da nachera da Juan maye nachelaxanataxanaq, cha'aye aỹem samaxasoxoolec caillaye da qaỹalauat.» Qaq ỹoqo'oye so Herodes ỹataqta huo'o da lyaxa da ỹauatton So Jesús.

Lucas 7:49

Nache so nhuanaxauapi Somaye maye nso'oota'ai' deuennataxaatac, 'eeta': «¿Ta'ainco' Ñimaye ye ivira'a nam nasouaxashetpi da 'eetega ishet da ỹapalaxat?»

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

1 Samuel 16:4

Nache so Samuel ỹo'ot dam ỹamaxalec Ñim Nataxala'. Qaq co'ollaq ivita ye Belén, nache so nqueroxonecpi maye lma' se'eso huaqta'a't nỹecpi ca'atta'aguet co'ollaxa somaye, qalaxaye ỹataqta huo'o da lcolanaxa, nache qainato', qoỹeeta': «¿Peta'a qaica cara dam 'arviraxac?»

Rut 1:19

Qaq huaña nache soomaye je'c, quetregue so nqa'aic nache choche ivittra'a ye Belén. Qaq co'ollaq mashe ivildeua'a ye Belén, nache so shiỹaxauapi ỹataqta huo'o da le'elaxa souaxat soomaye. Nache so 'alpi 'eeta': «¿Saishet peta'a da nachana ana Noemí ana'ana?»

Juan 2:18

Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Lucas 20:2

Nache inattac Somaye, 'eeta': –Ña qomi' 'aua'aqtaxanema, ¿hua'ague ca 'auachegoxota'ague ca 'ana'aqtac da huo'omshe 'auo'ot de'era? ¿Negue't ca 'am ỹami' da 'ara'añaxac da 'auo'ot de'era?

Mateo 2:3

Nache so nta'a Herodes qataq 'enauac som shiỹaxauapi maye netaña ye nỹecpi ye Jerusalén, ỹataqta dalemata co'ollaq hua'aqchigui de'era na'aqtaxanaxac.

Mateo 21:9

Nache 'enauac nam shiỹaxauapi maye hua'auta qataq nam nca'ataxaatauo ỹataqta ỹa'alaqtagui, 'eeta': «¡Qomi' 'anca'alaxatre'c, 'am maye 'am Lca'aguishec Ñim Lo'onatac 'Enauacna! ¡Ỹataqta no'on da 'icỹaxac 'am maye 'auanactaigui da le'enaxat Ñim Lo'onatac 'Enauacna! Qomi' 'anqouagueque, ¡qomi' 'anca'alaxatre'c, 'am maye 'Aro'onatac 'Enauacna qataq 'am 'amaqtaqaic!»

Mateo 21:11

Nache som shiỹaxauapi maye nnaictague' So Jesús, 'eeta': –¡Qomye damaye le'enaxat Jesús maye la'aqtaxanaxanec Ñim Lo'onatac 'Enauacna! Damaye chegaqa'a ye Nazaret maye huaigui ye 'alhua Galilea.