Mateo 20:4 - La'aqtaqa Ñim Lo'onatac 'Enauacna 2013

⁴ Nache 'enapega somayepi, 'eeta': «Qami' nataqa'en qanqo'oñiuga qome ye ỹanaxanqa' da qauo'onataxañi. Aỹem ỹataqta sepagaqchiichigui qome aca lasheue ca qaro'onataxanaxaqui.» Nache somayepi jec da do'onataxan.

Nuevo Testamento Toba Sur

⁴ Nachi 'enapega somayipi, 'eeta': “Qami' nataq'en qanqo'oñiuga qome yi ÿanaxanqa' da qauqataxañi. Aÿim ÿataqta sepagaqchiichigui qome aca lashiue ca qad'onataxanaxaqui.” Nachi somayipi jec.

Nuevo Testamento Toba Sombrero Negro

⁴ Qama'le dojapegue'to, enaac: «Nach'e ena'am ami auecaechiya di'me yanaĝanaqa' qaedi a'uonataĝañi, qama'le ami jejeteneque ga'me mach'e adajo'vii.» Jogaa'me eque' ca'li.

Mateo 20:4 Referans Kwoze

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

Tito 3:8

Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Colosenses 4:1

Qaq qami' 'aco'pi, ỹataqta qauo'oche ca ỹaỹamaqchiguiñi, qataq ỹataqta qaupagaqñiichigui da nsheetenaguec ca qarlataqui. Qami' qauennachiỹa'a da nataqa'en huo'o ñi qana'aco'oi maye neta'ague da piguem, Ñimaye nacheñi Ñi Jesucristo maye Nataxala'.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

Mateo 9:9

Qaq So Jesús co'ollaq ca'ai yi'iye, nache ila'a so ỹale le'enaxat Mateo. Somaye nso'ootañi, netaigui aso lo'onataxanaxaqui da ỹacootapeeguet ana nsheetenaqte ca nta'a maye netaña ye Roma. Nache So Jesús 'enapega somaye, 'eeta': «Aỹem 'auca'ategue.» Nache so Mateo ñesheguem, nache ca'ategue So Jesús.

Mateo 20:3

Qaq co'ollaq mashe qaỹata'ague aso nala' se'eso nte'eta, nache qaltaq ỹe'eguelaxauec se'eso 'aco'. Nache somaye ilalec so laỹepi 'onataxanaxaicpi, somayepi hueta'a so nlagaqa' qaica ca lo'onatac.

Mateo 20:5

Qaq co'ollaq mashe na'a'q laiñi, nache qaltaq ỹe'eguelaxauec se'eso 'aco', nache qaltaq ilalec so laỹepi. Qataq so mashe dasheta aso nala', qaltaq ỹe'eguelaxauec, nache qaltaq ilalec so laỹepi.