Mateo 20:26 - La'aqtaqa Ñim Lo'onatac 'Enauacna 2013

²⁶ Qalaxaye da qoñiita, saishet qome da qoñiitec de'era, nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi.

Nuevo Testamento Toba Sur

²⁶ Qami', qalaxayi sa ishit da nachi 'eetec de'eda da qadataxaqui. Chaqdata da ca nshitaique da 'amaqtaqaic da qoñiita, qalaq camayi huapegue' na laÿipi,

Nuevo Testamento Toba Sombrero Negro

²⁶ Qalaĝaja 'noota qom ja naq'aeta da'me dojo' queda'me mach'e ami, dite da'me qom 'uo ga'me jo'ne jetaque p'ajaye da'me ami, 'noota qom nach'ega necochoqo't ena'uaque jogaa'me laqaya',

Mateo 20:26 Referans Kwoze

Marcos 10:43

Qalaxaye da qoñiita, saishet qome da qoñiitec de'era. Nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi,

Marcos 10:45

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac, qataq ñanac da sesoueeguesop na lasouaxashetpi na shiỹaxauapi, qataq san da ñachaalataxac da lasheue damaye.

Marcos 9:35

Nache So Jesús nso'ooñi, nache iỹaxanalo soua doce lapaxaguenataqa, nache 'enapegalo, 'eeta': «Da huo'o ca 'oonolec da qoñiita da huotaique da 'amaqtaqaic, nache camaye iuen da hueta'a ca pa'atec ndaqa', qataq nacheca ca lamaxashec na laỹepi.»

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

1 Pedro 4:11

Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.

Mateo 25:44

Nache namayepi 'enapec qome: «'Am Qarataxala', sa ỹauano' da 'am seloqta'a da 'auqouat, qataq da ỹaguec na 'araquip. Qataq saishet da sa'axasoqtapeguelec da huo'o ca huaña da qoca'ai ye 'aralamaxat 'arma', qataq saishet da 'am seloqta'a da qaica ca 'aỹa'aañi. Nataqa'en saishet da sa'axasoqtapeguelec da 'am sa no'on huo'otaq da qonetaigui añi ncoñetaxanaxaqui. Ỹoqo'oye saishet da 'am setauanaq.»

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Filemón 1:13

Qaq aỹem ishettaxa da ñellañi namaye, da yaqto' aỹem itauan da 'anmeneguet, nagui da ñaq aỹem qaicoñettai' souaxat da no'on na'axaỹaxac maye sa'axattac.

2 Timoteo 1:18

Qaq ỹoqo'oye huo'o da ñaquitaxac da So Qarataxala' Jesús da ỹaalec da lauotaxanaqtaic que'eca na'a'q qom Ñim Lo'onatac 'Enauacna nmit 'enauac na shiỹaxauapi. 'Am ỹataqta 'auaỹateeta da so Onesíforo ỹataqta lta'araic da ltaunaxanaxac co'ollaq souaqta'a ye Éfeso.

2 Corintios 1:24

Qomi' saishet da sauoqtaique da qami' sa'aqtaxanaxama cam iuen da qaua'amaqchiñi, cha'aye qami' mashe qauaỹaañita da lataxac. Nachaqrata da qomi' sauoqtaique da qami' setauana'q da yaqto' ỹataqta qauamaichiguiñi.

Hechos 13:5

Qaq co'ollaq ivitra yemaye, nache huetra'a so ñegaxasom le'enaxat Salamina. Huaña, nache ỹa'axattrac da la'aqtac Ñim Lo'onatac 'Enauacna, huetraigui ana napaxaguenaxaquipi na judiopi. Qaq so Juan Marcos, nache nnaictagueto soomaye da itauaata'ape.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

Mateo 27:55

Nataqa'en qalota so 'alpi qaỹoqteuga da demeenaxatac, asomayepi ca'attague' co'ollaxa So Jesús, qataq itauaatac Somaye co'ollaq chegoqta'ague da Galilea.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Mateo 20:27

Qataq ca 'oonolec da qoñiita da nshetaique da la'auaxanec, qalaq camaye nacheca ca lamaxashec na laỹepi.

Lucas 22:26

Qami', qalaxaye saishet da nache qoñiitec de'era. Cha'aye ca 'oonolec da qoñiita da nshetaique da ỹo'oxoraq, nache camaye iuen da ỹe'enaxat da qaica ca la'amaqchec da ỹalectaigui na laỹepi. Qaq cam nataxala', camaye iuen da huapegue' na laỹepi.