Mateo 20:25 - La'aqtaqa Ñim Lo'onatac 'Enauacna 2013

²⁵ Nache So Jesús iỹaxanalo 'enauaque soomaye, nache 'enapegalo, 'eeta': «Ana 'alhua qauaỹaañita da lataxac na nataxala'pi maye saq judiopi maye ilotague' na shiỹaxauapi, saishet da huo'o ca ỹashenem da huo'o ca ỹo'ot da huo'otaq saishet da qaisoxon namayepi. Nataqa'en na nataxala'pi maye ỹo'oxoraicpi na 'alhuapi ỹataqta ỹachelec da la'añaxac ñi 'oonolec nam hueta'a que'eca 'alhua.

Nuevo Testamento Toba Sur

²⁵ Nachi so Jesús iÿaxanoiguilo soomayi, nachi 'enapegalo, 'eeta': –Qami' qauaÿajñi na lataxala'pi na ÿotta'a't shiÿaxauapi da namayipi ÿataqta 'eeta'am na 'aco' da ÿamaqpec na laÿipi, qaq nam 'añaxaicpi, namayipi ÿataqta i'otec da ÿalaxaguet da lamaxasoxonaxac naq'en na laÿipi.

Nuevo Testamento Toba Sombrero Negro

²⁵ Qalaĝaja Jesús yiyaĝanalo, qama'le enaac: —Auayachiñe gaa'me jo'ne qoyen p'ajodaye jena'me aleua jo'ne jaliaĝanaqa, queda'me nejaliaĝatelo'te ena'am da'me naqaenaua jo'ne mach'e ladi'p; nataq'aen jogaa'me p'ajodaye jo'ne 'uo da'me lañoqotaĝanaĝa'j ta'le nejaliaĝatelo'te nale jogaa'me laqaya'olqa.

Mateo 20:25 Referans Kwoze

Marcos 10:42

Nache So Jesús iỹaxanalo 'enauaque soomaye, nache 'enapegalo, 'eeta': –Qami' qauaỹaañita da lataxac na nataxala'pi maye ilotague' na shiỹaxauapi ana 'alhua, namayepi saishet da huo'o ca ỹashenem da huo'o ca ỹo'ot da huo'otaq saishet da qaisoxon. Nataqa'en na nataxala'pi maye ỹo'oxoraicpi na 'alhuapi, ỹataqta ỹachelec da la'añaxac ñi 'oonolec nam hueta'a que'eca 'alhua.

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Mateo 20:24

Qaq soua lỹa't diez lapaxaguenataqa co'ollaq noma de'era, nache soomaye ỹataqta dalemataỹalo se'esoua dos nqaỹa't Santiago qataq Juan.

1 Pedro 5:3

Saishet da 'eeta'am qanqa'eñi da qami' na'aco'ye nam qami' ipataxagueta Ñim Lo'onatac 'Enauacna da qauloỹeegue; nachaqrato' da qanpogoxoiñiỹapegue' da qami' laloqnaxanaqa'ate namayepi.