Mateo 20:2 - La'aqtaqa Ñim Lo'onatac 'Enauacna 2013

² Nache camaye naỹamaxate' que'eca 'onataxanaxaicpi da do'onataxaalec naqa'en añi lasheue ca 'oonolec na'a'q da do'onataxan ca ỹale. Ime, nache ỹamaxauga ca lanaxanaqa' da do'onataxan.

Nuevo Testamento Toba Sur

² Nachi somayi detaxaÿapegue' se'eso 'onataxanaxaicpi da do'onataxaalec naq'en aso 'oonole denario yi 'oonolec na'a'q. Ime, nachi ÿamaxauga so lanaxanqa' da do'onataxan.

Nuevo Testamento Toba Sombrero Negro

² Qama'le gaa'me onataĝanaĝayaqa yiyamaĝade'n da'me qoyejeteneque onolec denario jo'ne nalo'taguet ga'me onolec nolo'. Yem qama'le yama' qaedi t'onataĝa'n.

Mateo 20:2 Referans Kwoze

Apocalipsis 6:6

Nache sa'axaỹa so na'aqtac chemaxangui na laiñi soua cuatro shiguiỹa'c maye nca'altraue'c, 'eeta': «Añi lasheue ca 'onataxanaxaic ye 'oonolec na'a'q, nalotalec da qaisheenaxana ca un kilos na trigo huo'otaq ca un kilos na cebada. ¡Qalaxaye saishet qome da huo'o ca qona'ac na aceite qataq na lataxa!»

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

Lucas 10:35

Qaq so lỹa na'a'q co'ollaq mashe yaqta'a da jec se'eso Samaria le'ec, nache nqatsheguem aso lsheetenaxanaqte, nache ỹami' som lma' se'eso nanataqa'. Nache 'enapega, 'eeta': ‹'Aulo'ogue qome ne'ena ỹale. Qom huo'o aca ỹacauec lavigaxaiste, qaq maiche sesheeten qom ñe'eguelaq.›

Lucas 1:15

Que'eca 'aỹa'alec camaye ỹataqta 'amaqtaqaic qome naqa'en Ñim Lo'onatac 'Enauacna. Camaye saishet da nỹomgui na lataxa, cha'aye So Saqcha'a Na'añaxac Qui'itta netaigui camaye qom saxanaxa da ñiguiñi.

Mateo 22:19

Ñaq Aỹem qauachaxañiỹa qome acam anom lcatole maye qaisheetenaxana da qaisheeten ca nta'a. Nache qandoua'a aso 'oonole anom maye chegaqaigui na lcat plata,

Mateo 20:13

Qalaxaye se'eso 'aco' 'enapega so 'oonolec somayepi, 'eeta': «¡Ñaq aỹem 'ana'axaỹaxana 'am ñauochaxaua! Aỹem saishet da huo'o ca 'am so'otec saỹaỹamaxañi. 'Antoueeta'actaxa da qomi' co'ollaxa, ñaỹaanaqchigui da 'am 'auo'onataxaalec añi lasheue ca 'onataxanaxaic ye 'oonolec na'a'q.

Mateo 18:28

Qalaxaye co'ollaq choche huenoxonec da ca'ai so lma' so nta'a se'eso namaxashec, nache natena'aguet so lo'onataxanaxaua maye huo'o aso lavigaxaiste ivi' cien ana anom maye chegaqaigui na lcat plata. Nache ỹaconot na lqosot somaye, nache ivigoqto'ot qataq 'eetega, 'eeta': «¡'Ausheeten nagui añi 'aravigaxaiste!»

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

2 Crónicas 34:3

Qaq co'ollaq ivi' soua ocho vi'iye da lo'onataxanaxac, co'ollaq ñaq nsoqolec so Josías, nache somaye nmitaique Ñim Natamnaxala' som chegoxoguet David. Qaq so vi'i doce da lo'onataxanaxac, nache ỹacoolec da iqui'itaxat ye Judá qataq ye Jerusalén nqateua'a so atamnaqa'pi maye huaña so qaỹoqotcheguemec, qataq so lqui'ipi aso Asera qataq so nqolacpi, qataq so ne'enaqtacpi maye chegaqaigui so nqatelliguishec lcat,

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

1 Samuel 3:21

Qaq Ñim Nataxala', nache queto'ot da nachaxaatac naxa da huaña ye Silo, cha'aye nacheye ye huaña naxa da ỹanem so Samuel da la'aqtac.

1 Samuel 3:1

Qaq so nsoqolec Samuel, nache queto'ot co'ollaxa da do'onataxaatacot Ñim Nataxala', qaq so Elí ilotague' somaye. Qaq se'esoua vi'iye saishet da ỹa'atta'a't da qaỹa'aqtega ca la'aqtac Ñim Nataxala', qataq qaica ca ỹanem da huo'o ca lauanaqchec.

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.

1 Samuel 2:18

Qaq se'eso nsoqolec Samuel, somaye nache queto'ot da do'onataxaatacot Ñim Nataxala', ỹaatañi naxa so efod maye chegaqaigui na lino.

Mateo 9:37

Nache So Jesús 'enapegalo soua lapaxaguenataqa, 'eeta': «'Eesa da ỹataqta qalota nam iuen da inoxoneua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹamaxashecpi da ỹa'axat da no'on na'axaỹaxac.

Mateo 20:1

Da lo'onataxanaxac Ñim Lo'onatac 'Enauacna maye imattalecna, damaye 'eeta'am cam lalamaxat ca nanqa' ana uva maye 'ottauec da nte'etom da nmitaique ca lo'onataxanaxanecpi, da yaqto' nqat ana ala aso lañiguishe uva.

Mateo 20:3

Qaq co'ollaq mashe qaỹata'ague aso nala' se'eso nte'eta, nache qaltaq ỹe'eguelaxauec se'eso 'aco'. Nache somaye ilalec so laỹepi 'onataxanaxaicpi, somayepi hueta'a so nlagaqa' qaica ca lo'onatac.

Marcos 12:15

Qalaxaye So Jesús ỹaỹaten da somayepi choche ye'eguenataxaatac, nache ỹasategueto', 'eeta': –¿Ta'ainco' da qauauoitaique da Aỹem qavi'iguiñi? Ñaq Aỹem qandoiua'a aca 'oonole ana anom lcatole, maye nsheetenaxanaqte.

Lucas 20:24

'Ego', ñaq Aỹem qauachaxañiỹa acam anom lcatole. Ime, nache So Jesús inatta'ape soomaye, 'eeta': ¿Negue't lashec ñim huetalec? Qataq ¿negue't le'enaxat yem nanettalec? Nache soomaye 'ena'apo': –Qomye nacheñi ñim lta'a na nta'alpi maye netaña ye Roma.

Mateo 20:9

Ime, nache anac som do'onataxanpi co'ollaq mashe inoxootapiguiñi aso nala'. Nache ñi 'oonolec somayepi ỹaconeguet aso lasheue ye 'oonolec na'a'q da qaisheeten da lo'onataxanaxac ca ỹale.