Mateo 20:19 - La'aqtaqa Ñim Lo'onatac 'Enauacna 2013

¹⁹ qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

Nuevo Testamento Toba Sur

¹⁹ qataq da ÿaneu'a nam ÿaqa'a ca chigaqa'ague, da yaqto' ÿi'enai' namayi, qataq da iuaxaatac, ime, qaq iuaxaneuo. Qalaxayi qom mashi ivi' caua tres na'axa'te, nachi namayi qaltaq nca'aleec.

Nuevo Testamento Toba Sombrero Negro

¹⁹ Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

Mateo 20:19 Referans Kwoze

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

Salmos 35:16

Ỹataqta aỹem saiyacnapec qataq aỹem ỹe'enai', da lmeenaxanaxac da aỹem ỹamato'ot qalaq huo'o da lquiỹaxa.

Hechos 21:11

Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Lucas 24:46

Nache 'enapeco': –Dam nanettañi ỹa'axat da ca Lca'aguishec Ñim Lo'onatac 'Enauacna, iuen da hua'auñi da qaỹalauat. Qaq qom mashe inoxoore'c caua tres na'axa'te, nache qaltaq nca'alec.

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.

Marcos 15:1

Qaq co'ollaq mashe yo'oxoñi, nache dataỹa't som lataxala'pi na ntaxaỹaxanaxanecpi, qataq so nqueroxonecpi maye lataxala' na judiopi qataq som dapaxaguenataxaatapeguec na nqataxacpi maye chegoqo'ot so Moisés, qataq 'enauac som nta'alpi maye loicnatac na lataxaguesat. Nache somayepi ỹauec So Jesús, qaicoñetta'a't naua lhua'q, nache ỹauegueua'a so Pilato.

Marcos 14:65

Huaña, nache huo'o na nqaigoqot So Jesús, qataq huo'o na ỹaxachigui na lashec Somaye, nache iuaxaatac, qataq 'eetega, 'eeta': «¡Ña 'aua'axat, chaq negue't na 'am iuaxaatac!» Nache so huataxanaqpi maye ilotague' aso no'onaxanaxaqui late'erai somayepi pa'aiguet da iuaxaatac So Jesús, iuaxaatapoigui na lashec.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Da na'aqtaguec so Job 30:8

Ne'ena ỹalleppi qaica ca naigui, 'eeta'am da qaica ca lta'a, ỹataqta saq taiguet da netalec ne'ena 'alhua, ỹoqo'oye qaiuaxaatalec da qaỹo'orauec.

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Mateo 27:26

Nache so Pilato isouec so Barrabás. Ime, nache damaxasoxoolec So Jesús da qairolec so nhuaxanaxanaxat da qaiuaxan na l-laq, qataq ỹanec da yaqto' qaiuaxaneuo.

Mateo 27:63

Nache qoỹeetega, qoỹeeta': –'Am Qarataxala', qomi' tachigui qarhuel se'eso tenataxanaxaic da la'aqtac co'ollaq ña nca'altauec, nache 'eetega da qom inoxoore'c caua tres na'axa'te, nache qaltaq nca'aleeguesop da nleuaxa.

Marcos 15:15

Qaq so Pilato ye huotaique da qaica camachaqca na shiỹaxauapi, nache isouec so Barrabás. Ime, nache damaxasoxoolec da qaỹalaqan So Jesús qaira'a ca nalaqnaxanaxat. Ime, nache qaiuaxaneguet so npe'enaxaqui.

Lucas 18:32

Qataq Aỹem qoỹanoigui qome nam chegaqauec shiỹaxauapi, da yaqto' Aỹem ỹe'enai', qataq Aỹem isheueetac, qataq Aỹem nqaigoqto'ot.