Mateo 20:15 - La'aqtaqa Ñim Lo'onatac 'Enauacna 2013

¹⁵ Cha'aye aỹem maiche soiqueetac ana aỹom cam sataxaateuga. ¿Ta'ainco' ye aỹem 'anquiỹatega souaxat da aỹem choxonnataxanaxaic?»

Nuevo Testamento Toba Sur

¹⁵ Cha'ayi ¿sa ishito' peta'a da aÿim maichi soiqueetac ca sangui aca maichi aÿom? ¿Loqo' chaq 'am 'adquiÿatega peta'a da souaxat da aÿim choxonnataxanaxaic?”

Nuevo Testamento Toba Sombrero Negro

¹⁵ ¿qo'li ja chimaqachiñe ga'me mach'e je'etec jana'me ñaicaua? Uotaĝa ¿qo'li auep'agueñi queda'me jayem choĝodenataĝanaĝaic?»

Mateo 20:15 Referans Kwoze

Deuteronómio 15:9

Qataq saishet qome da 'anasheeteuo ca qauem 'arhuennataxa, da nayeetauo ca vi'i siete, maye laloxoqui da qaỹapalaxat aca navigaxaistepi. Nache da 'aulo'ot ca 'arqaỹa maye huo'o da lhuenaxanaxa nache saishet da qauem da 'arashiguiỹaxac, da saishet da 'aỹa'anem ca da'aalaxataique, cha'aye camaye ishet da iỹaxanot Ñim Nataxala', nache huo'o naqa'en ca 'arasouaxashet.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Efesios 2:1

Qaq qami' qoviitaigui co'ollaxa da 'eeta'am da qami' leuaxaiqa, souaxat da sa qaualaiguet Ñim Lo'onatac 'Enauacna qataq qoviitaigui da qaye'etaxalqoi.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

1 Corintios 4:7

Cha'aye ¿negue't ca 'am ỹanagui da 'anataỹaña na 'araỹepi? ¿Negue'to' ca saq chegoqo'ot Ñim Lo'onatac 'Enauacna na 'am hueto'ot? Qaq Ñimaye da 'am ỹanem na 'am hueto'ot, qaq ¿ta'ainco' ye 'ana'amaqteetac, 'eeta'amo' da 'enauac na 'am hueto'ot maiche 'ara'añaqteguishec?

Hechos 13:45

Qalaxaye nam judiopi co'ollaq ila'a da ỹataqta qalota na shiỹaxauapi, nache huo'o da lquiỹaqa' soomaye. Nache quetot da 'eetega so Pablo da choche isomtac 'enauac nam ỹa'axattac, qataq nataqa'en ỹataqta isheueetac.

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

Proverbios 23:6

Saishet da 'auqui'iỹa'ai' ca shemataqaic, qataq saishet da 'auqopitta'a na no'on aloq,

Deuteronómio 28:54

Qaq ivira'a qome ca ỹale maye ỹataqta huesota qataq soxoraic, camaye ỹataqta nquiỹa qome da ilota'a ca lqaỹa, qataq aca lauotaqte lhua, qataq caua llalqa maye ñaq huo'oi,

Éxodo 33:19

Qalaxaye Ñim Nataxala' 'enapeco': «Aỹem, 'am sachaxana qome 'enauac da ỹoqouagaxanaqtaic, qataq 'am sa'aqtaxanem qome da ỹe'enaxat. Qataq Aỹem sechoxoren ca taalec da sechoxoren, qataq ñeqouaguec cam taalec da ñeqouaguec.

Santiago 5:9

Saishet qome da huo'o ca quetapeguelec ca lỹa, yaqto' Ñim Lo'onatac 'Enauacna saishet da ỹauo'o ca qanhuaxanaguiiqui, cha'aye Ñimaye nacheñi Ñim qomi' nmi't qataq saqaỹaloq da nvi'.

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

Efesios 2:5

Qaq ỹoqo'oye na'aictaxa da souaqtaigui co'ollaxa da 'eeta'am da qomi' leuaxaiqa souaxat na qarasouaxashetpi, qalaxaye Ñimaye qomi' ỹanema da qarca'alaxa co'ollaq nca'alaxatec So Cristo. Qomi' ñeca'alaxauec, chegoqchigui da lsoxoyec Ñim Lo'onatac 'Enauacna, na'aictaxa da saishet da saxaguet damaye.

Jeremías 18:6

«¿Saishet peta'a nataqa'en da sañoxot da nache sheeteque qami' Israel le'ecpi, dam 'eetec ñim nshaxa lo'o da ỹo'ot se'eso nshaxa? Qami' qoñiitaiguilo naua ihua'q, qoñiita'am som nshaxa maye netaiguilo naua lhua'q so nshaxa lo'o. Qaq 'era da ỹa'aqtac Aỹem Nataxala'.

Mateo 20:14

Qaq ỹoqo'oye 'am no'on da 'auaconeguet ana 'arasheue, ime, qaq qojec. De'era saishet da 'atapegueua'a, cha'aye aỹem ñeshetaique nataqa'en da 'eeta'am aso 'ansheetenaqte aca sanem som do'onataxanpi co'ollaq inoxootañi aso nala'.