Mateo 20:14 - La'aqtaqa Ñim Lo'onatac 'Enauacna 2013

¹⁴ Qaq ỹoqo'oye 'am no'on da 'auaconeguet ana 'arasheue, ime, qaq qojec. De'era saishet da 'atapegueua'a, cha'aye aỹem ñeshetaique nataqa'en da 'eeta'am aso 'ansheetenaqte aca sanem som do'onataxanpi co'ollaq inoxootañi aso nala'.

Nuevo Testamento Toba Sur

¹⁴ Qaq ÿoqo'oyi 'am no'on da 'auaconguet ana 'anshiitenaqte, ime, qaq qojec. Cha'ayi aÿim ñishitaique da 'eeta'am aso 'anshiitenaqte aca sanem som pa'ateec da do'onataxan.

Nuevo Testamento Toba Sombrero Negro

¹⁴ Chane'eja auaconeguet jana'me adajo'vi qama'le oc. Qom jayem jetaque janem onole denario jenjo' jo'ne p'ategue t'onataĝan, da'me ñaloqote'teguet jaga'me am janem,

Mateo 20:14 Referans Kwoze

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Lucas 15:31

Nache so lta'a 'enapeco': ‹'Am ỹalcolec, 'am, nache 'eetai' da aỹem qoneto'ot. Qaq ỹoqo'oye 'enauac nam aỹem hueto'ot 'aralamaxat.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Romanos 3:4

¡'A'i, saishet! Chaqrata da Ñim Lo'onatac 'Enauacna ỹataqta 'eesa da ipacchiguilo naua la'aqtaqa, qaq na'aictaxa da 'enauac na shiỹaxauapi tenataxanaxaicpi. Cha'aye nache 'enapec naua ñiyigui'she maye nanettalec ana nere maye huetalec na la'aqtacpi Ñimaye, 'eeta': «Da 'autaqa, nache qaila'a da ỹataqta 'eesa da qonapec, qataq da 'anachattec da 'am qanmit, nache 'auauegaxan.»

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Mateo 20:13

Qalaxaye se'eso 'aco' 'enapega so 'oonolec somayepi, 'eeta': «¡Ñaq aỹem 'ana'axaỹaxana 'am ñauochaxaua! Aỹem saishet da huo'o ca 'am so'otec saỹaỹamaxañi. 'Antoueeta'actaxa da qomi' co'ollaxa, ñaỹaanaqchigui da 'am 'auo'onataxaalec añi lasheue ca 'onataxanaxaic ye 'oonolec na'a'q.

Mateo 20:15

Cha'aye aỹem maiche soiqueetac ana aỹom cam sataxaateuga. ¿Ta'ainco' ye aỹem 'anquiỹatega souaxat da aỹem choxonnataxanaxaic?»