Mateo 20:12 - La'aqtaqa Ñim Lo'onatac 'Enauacna 2013

¹² nache qoỹeetega so 'aco': «Se'eso pa'atecpi da do'onataxan so mashe inoxootañi aso nala', somayepi nache 'ena'am 'anqa'en da qansheetenaguec qomi' maye so'onataxanaqtac so na'axalom, ñeque'eenaqtapigui so ntap. Qaq de'era saishet da ỹaỹamaxañi.»

Nuevo Testamento Toba Sur

¹² qoÿiita': “Se'eso pa'ateecpi chochi cada'acolec da do'onataxan, qalaq 'am 'eeta'am 'anqa'en añi qadashiue da 'aushiiten. Qamaq qomi' imauec so na'a'q da ñique'etaxanaqchigui so ntap da so'onataxanaqtac.”

Nuevo Testamento Toba Sombrero Negro

¹² enapega't: «Naajo' p'atedegue jo'ne t'onataĝadiye onole jaga'me hora, qama'te nach'e qo'mi analoqotenaĝa'tegueta jogaa'me, qo'mi jo'ne ñapogaĝanaĝaguet ga'me dejali nataq'aen ga'me netap nale nolo'.»

Mateo 20:12 Referans Kwoze

Lucas 12:55

Qataq na la'at da nashiiyisheguem da chegaqa'ague da taguiñi, nache qoñiỹapecnaxa da qara'aqtaqui: ‹¡Yo'oqta da huotaique da napaxaỹañi!› Qaq damaye ipacchigui.

Santiago 1:11

Añi nala' da ỹaguec na le'eraxa, nache ana huoue deqaqa, qataq nlleuchiguiñi ana lauoxo, nache deqat da lyac. Qaq 'era da 'eetec nataqa'en ca sallaxanec. Camaye qataq da lsallaxa saishet da 'eetai'.

Efesios 3:6

Qaq de'era 'eetapeguec maye saqcha'a, damaye, 'eeta': Chegoqchigui So Jesucristo da 'enauac nam saishet da judiopi, namayepi nataqa'en ishet da ỹaconeguet da nca'alaxa qataq nam qaỹachaxanapecotpi na Israel le'ecpi. Ime, nache ỹauaxaỹaxana't da yaqto' ima'a't da nhuo' le'ecpi. Qaq dam iuen da ỹo'ot namayepi 'eeta' ỹaconeguet da no'on na'axaỹaxac.

1 Corintios 4:11

Nagui ñaq 'eetalec da huo'o da qanque'etaxanaxac na qarqouaxa, qataq na qaraquip, qataq qaica ca ñapoxoña. Na shiỹaxauapi saishet da qomi' iyacna'ape, qataq qaica ca ỹoqta qarma'.

Romanos 3:30

Cha'aye 'oonolec Ñim Lo'onatac 'Enauacna qaica ca lỹa. Qaq nacheñi Ñimaye ñim ỹaỹamaxareeta 'enauac nam huo'o da lpi'iỹaxac So Jesucristo, na'aictaxa da judío huo'otaq da saishet.

Romanos 3:27

Da souaqto'ot Ñim Lo'onatac 'Enauacna, nache iuen da saishet da ño'oxonnaqtai'. Cha'aye Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac So Jesucristo, qaq saishet da chegoqchigui da salaxasoxoguet na namaxasoxonaxacpi maye chegoqo'ot so Moisés.

Malaquías 3:14

Qomye qami' qoñeỹapec naxa: Da qaỹo'onataxaatacot Ñim Lo'onatac 'Enauacna, qaica ca naigui. ¿Negue'to' cam sachegoxotaqaigui da so'otaqtac dam lamaxasoxonaxac Ñimaye, da sanaqtrañi naua qarasouaxaqui da sataqto'ot Ñim Nataxala' maye Qaica ca Ỹaqalanapec?

Malaquías 1:13

Qataq qami' qoñiỹapec: qomi' mashe ñasamaxaisop 'enauac de'era, nache Aỹem qauo'otañi 'enapec Ñim Nataxala' maye Qaica ca Ỹaqalanapec. Qalaq ñaq 'eetalec da qaupicheetega da samachiguiñi da aỹem qaỹa'añiỹot ca shiguiỹac maye chochaq ncachaxat, qataq ca lapat ca huaỹoraxaic, huo'otaq sano'on.

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Mateo 20:11

Qaq co'ollaq ỹaconeguet aso nsheetenaqte, nache se'eso 'onataxanaxaicpi denoỹa so na'aco'. Nache qauem na ỹasaxalec la'aqtacpi,