Mateo 20:1 - La'aqtaqa Ñim Lo'onatac 'Enauacna 2013

¹ Da lo'onataxanaxac Ñim Lo'onatac 'Enauacna maye imattalecna, damaye 'eeta'am cam lalamaxat ca nanqa' ana uva maye 'ottauec da nte'etom da nmitaique ca lo'onataxanaxanecpi, da yaqto' nqat ana ala aso lañiguishe uva.

Nuevo Testamento Toba Sur

¹ Da l'onataxanaxac ñi Dios mayi neta'ague da piguem, damayi 'eeta'am cam lalamaxat ca nanqa' ana uvas mayi 'otta da nte'etom da ilaique ca l'onataxanaxanecpi, da yaqto' nqat ana ala aso languishi uvas.

Nuevo Testamento Toba Sombrero Negro

¹ Jesús yitaĝa enaac: —Qa'a joga'me lejaliaĝa ñe'me Dios jo'ne na'ague di'me piyem ena'am da'me dojo': 'uo ca'li ga'me jiyaĝaua jo'ne loĝot ga'me nanaĝanaqa'. Qama'le ec da'me ne'teta netetapiye gaa'me onataĝanaĝayaqa qaedi e'n yelodelegue ga'me lanaĝanaqa' jo'ne uva lichidijat.

Mateo 20:1 Referans Kwoze

Mateo 13:47

Nataqa'en da lo'onataxanaxac Ñim Lo'onatac 'Enauacna, damaye 'eeta'am ca naleguec maye qaỹalliguingui aca auaxai, nache ỹataqta ỹalecta't nam lalliiguishec nỹaqpi.

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Juan 15:1

So Jesús queto'ot da da'aqtaxaatapeguema soua lapaxaguenataqa 'eeta': Aỹem Nachaỹem maye sheeta'am aca 'eesa nañiguishe uva, qaq Ñim Ita'a, qalaq Ñimaye 'eeta'am cam ilotague' aca'aca nañiguishe.

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Mateo 22:2

«De'era lo'onataxanaxac Ñim Lo'onatac 'Enauacna, 'eeta'am ca nta'a da ỹauo'o ca lquia'axac da ỹo'oxoren da laronaxac ca llalec.

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Mateo 13:31

So Jesús nataqa'en ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca ala ana le'enaxat mostaza maye ỹacona ca shiỹaxaua da ỹaalec ca na'alhua.

Mateo 25:14

De'era lo'onataxanaxac Ñim Lo'onatac 'Enauacna, damaye 'eeta'am da 'eetec co'ollaxa so ỹale da huo'o da lhuennataxac da qaỹoqtegue ca taigue. Nache iỹaxaneugalo soua lamaxa'she, nache ipataxaleguete aso alom da iloregue.

Marcos 13:34

Qaq de'era 'eeta'am ca shiỹaxaua da huo'otaq taigue ca qaỹoqtegue. Qalaxaye da yaqta'a da jec, nache iỹaxaneuga ca lamaxashecpi da ipataxalec da ilo'ogue ca lma'. Nache ñi 'oonolec ỹataqtac nam ipataxalec lo'onataxanaxac, qaq ca ilotague' ca lasom qalaq 'enapega da ỹataqta nlotec.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Mateo 21:28

Nache So Jesús nataqa'en 'enapeco': –¿Chaq 'eetec ca qarhuennataxaqui de'era qami' sa'axatema? 'Eeta': Huo'o so ỹale huo'oi soua dos llalqa. Nache 'enapega so llalec ỹe, 'eeta': «'Am ỹalec, qojec qome 'auo'ot ye ỹanaxanqa' maye uva lma'.»

Mateo 20:2

Nache camaye naỹamaxate' que'eca 'onataxanaxaicpi da do'onataxaalec naqa'en añi lasheue ca 'oonolec na'a'q da do'onataxan ca ỹale. Ime, nache ỹamaxauga ca lanaxanaqa' da do'onataxan.