Mateo 2:9 - La'aqtaqa Ñim Lo'onatac 'Enauacna 2013

⁹ Qaq co'ollaq ime da la'aqtaxanaxac so nta'a Herodes, nache soua ỹaanaxanaxaiqa je'c. Huaña, nache qaltaq nachaxan aso huaqaañi maye ilotra'a co'ollaq hua'ague da nala' lliguisheguem. Nache hua'auta'ague da tatra'ague soomaye, choche ivitta'a da vi'iiguet co'ollaq nalotelec cam nỹec maye hueta'a so nogotolec.

Nuevo Testamento Toba Sur

⁹ Qaq co'ollaq ime da l'aqtaxanaxac so nta'a, nachi soua ÿajnaxanaxaiqa je'c. Huaña, nachi qaltaq nachaxan aso huaqajñi mayi ilotra'a co'ollaq hua'ague da nala' lliguishiguem. Nachi hua'auta'ague da tatra'ague soomayi, chochi ivitta'a da vi'iiguet co'ollaq nalotelec cam noÿic mayi hueta'a so nogotolec.

Nuevo Testamento Toba Sombrero Negro

⁹ Ñe'me Herodes daloĝonataĝa'tegue da'me dojo', qama'le jogaa'me yatenaĝanaĝayaqa male eque'. Qama'le jaga'me uaqachiñi jo'ne yauata ga'me chiyoĝotegue, male dajoteda'ye jogaa'me, chayovida'a ca'li nalo'te' ga'me jo'ne ue'ta ñe'me notolec qama'le 'viguet.

Mateo 2:9 Referans Kwoze

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Salmos 25:12

Ca ỹale da huo'o naq 'enec naqa'en Ñim Nataxala', nache Ñimaye ỹachaxana ca ỹataqta no'on nqa'aic da yaqto' quegue camaye,

Mateo 2:8

Ime, nache ỹamaxalo ye nỹecpiolec le'enaxat Belén, nache 'enapegalo, 'eeta': –Qanqo'oñiỹa yemaye, nache qauchemaxachiỹaique ca nogotolec. Qaq qom mashe qauanachiỹa, nache aỹem qaucoyiguiñi qome, yaqto' nataqa'en aỹem ñeqo'ona da sho'oxoren.

Mateo 2:10

Qaq se'esoua ỹaanaxanaxaiqa co'ollaq qaltaq ilora'a aso huaqaañi, nache ỹataqta lta'araic da ntonaxa'c.