Mateo 2:8 - La'aqtaqa Ñim Lo'onatac 'Enauacna 2013

⁸ Ime, nache ỹamaxalo ye nỹecpiolec le'enaxat Belén, nache 'enapegalo, 'eeta': –Qanqo'oñiỹa yemaye, nache qauchemaxachiỹaique ca nogotolec. Qaq qom mashe qauanachiỹa, nache aỹem qaucoyiguiñi qome, yaqto' nataqa'en aỹem ñeqo'ona da sho'oxoren.

Nuevo Testamento Toba Sur

⁸ Ime, nachi ÿamaxaguelo da Belén, nachi 'enapegalo, 'eeta': –Qanqo'oñiÿa yimayi, nachi qauchimaxachiÿaique ca nogotolec. Qaq qom mashi qauanachiÿa, nachi aÿim qaucoyiguiñi qome, yaqto' nataq'en aÿim ñoqo'ona da shi'oxoden.

Nuevo Testamento Toba Sombrero Negro

⁸ Qama'le dajotegue di'me Belén, nataq'aen enaac: —Jamoyi, auec'achiya da'me daja', nataq'aen yataqachiñe anemichiyaque ga'me ua'a ga'me notolec; qom auañiya qama'le jayem a'uaqataĝañiyem qaedi nach'e ena'am jec'ata qama'le 'ñonaĝachigui joga'me.

Mateo 2:8 Referans Kwoze

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

1 Reyes 19:2

Nache aso Jezabel ỹamaq so lamaxashec da 'enapega so Elías, 'eeta': «Na atamnaxala'pi ỹataqta aỹem sa ỹala'ac da ỹauo'o ca ñeuaxanaguec qonte', qom ñaq 'eeta'am nagui da saishet da 'am se'enaqteeteguet da qonetec ñi 'oonolec som 'aualauatpi na'aqtaxanaxanecpi.»

2 Samuel 17:14

Nache so Absalón qataq 'enauac so Israel le'ecpi, ỹaỹamaxareeta de'era la'aqtac so Jusay, cha'aye ỹoqta ỹaỹamaqchiguiñi naqa'en, saq 'ena'am da lapaxañi la'aqtac so Ajitofel. Cha'aye Ñim Nataxala', nache 'ena'ac co'ollaxa da yaqto' saipac naqa'en da laỹaanataxanaxac so Ajitofel, qataq taỹa'a naqa'en da l-leuaxa so Absalón.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 2:7

Nache so Herodes ỹataqta nqañoxotchiguiñi da iỹaxaneugalo soua ỹaanaxanaxaiqa. Nache ichemaxatta'ape da chaq negue't so na'a'q co'ollaq nachaxanalo aca huaqaañi.

Mateo 2:9

Qaq co'ollaq ime da la'aqtaxanaxac so nta'a Herodes, nache soua ỹaanaxanaxaiqa je'c. Huaña, nache qaltaq nachaxan aso huaqaañi maye ilotra'a co'ollaq hua'ague da nala' lliguisheguem. Nache hua'auta'ague da tatra'ague soomaye, choche ivitta'a da vi'iiguet co'ollaq nalotelec cam nỹec maye hueta'a so nogotolec.