Mateo 2:7 - La'aqtaqa Ñim Lo'onatac 'Enauacna 2013

⁷ Nache so Herodes ỹataqta nqañoxotchiguiñi da iỹaxaneugalo soua ỹaanaxanaxaiqa. Nache ichemaxatta'ape da chaq negue't so na'a'q co'ollaq nachaxanalo aca huaqaañi.

Nuevo Testamento Toba Sur

⁷ Nachi so Herodes ÿataqta nqañoxotchiguiñi da iÿaxaneugalo soua ÿajnaxanaxaiqa. Nachi inatta'pe da chaq negue't so na'a'q co'ollaq nachaxanalo aca huaqajñi.

Nuevo Testamento Toba Sombrero Negro

⁷ Chane'eja Herodes yiyaĝanalo jogaa'me yatenaĝanaĝayaqa qaedi yataqachiñe yayatenaĝatec da'me dojo', qama'le jogaa'me 'yaĝadetem jo'me nolo' ca'li di'yoĝoma jaga'me uaqachiñi.

Mateo 2:7 Referans Kwoze

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

1 Samuel 18:21

cha'aye so Saúl nache lhuennataxa co'ollaxa da ỹanem so David aso llale, da yaqto' asomaye ỹaneguet somaye da lhuaqỹaxac so filisteopi. Huaña nache so Saúl qaltaq 'enapego' so David, 'eeta': Nagui maye ishet qome da 'am ỹaronaxanec.

Éxodo 1:10

Qaq ỹoqo'oye selaqaique qome ca lataxac da yaqto' saishet da nache 'eetai' da nquictauec namayepi, cha'aye saiuena'a da huo'otaq huo'o ca alaataxac, nache namayepi ỹalegoigui ca qampa'aguenaxauapi, nache qomi' deloguito qataq nache ca'ai ne'ena 'alhua.»

Apocalipsis 12:15

Qaq se'eso shiguiỹac leguemaxaic iquetetec na 'etaxat chegaqaigui na alap, qaq nache chegoqchigui da huo'o so tala da huotaique da huaỹoxon naqa'en asa'aso 'alo.

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 2:8

Ime, nache ỹamaxalo ye nỹecpiolec le'enaxat Belén, nache 'enapegalo, 'eeta': –Qanqo'oñiỹa yemaye, nache qauchemaxachiỹaique ca nogotolec. Qaq qom mashe qauanachiỹa, nache aỹem qaucoyiguiñi qome, yaqto' nataqa'en aỹem ñeqo'ona da sho'oxoren.

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Hechos 24:22

Qaq co'ollaq hua'aqchigui de'era so nta'a Félix, qaq somaye ye ỹataqta ỹaỹateeta da llec nam ỹa'amaqteetac So Jesús, nache somaye nañaxaañi naqa'en so ntaxaỹaxac. Nache 'enapeco': –Qom ivita da nvi' ca huataxanaq lta'a Lisias, nache qaltaq huo'o qome ca saỹaten de'era qancotaitapigui.