Mateo 2:5 - La'aqtaqa Ñim Lo'onatac 'Enauacna 2013

⁵ Nache somayepi 'eeta': –Qomye huaña ye nỹecpiolec le'enaxat Belén yem nataqa'en netaigui na 'alhua Judea, cha'aye nacheye ye ỹiyiñi so la'aqtaxanaxanec Ñim Lo'onatac 'Enauacna co'ollaq 'eeta':

Nuevo Testamento Toba Sur

⁵ Nachi somayipi 'eeta': –Qomyi huaña yi Belén yim huaigui yi 'alhua Judea, cha'ayi nachiyi yi ÿiyiñi so l'aqtaxanaxanec ñi Dios co'ollaq 'eeta':

Nuevo Testamento Toba Sombrero Negro

⁵ Jogaa'me enapega't: —Nach'edi Belén mach'e aleua jo'ne Judea; qa'a naq'aeta da'me yediñe di'me Dios 'laqataĝanaĝanec, enaac:

Mateo 2:5 Referans Kwoze

Juan 7:42

Ye naua nanettaleguete ana la'aqtac lmalate Ñim Lo'onatac 'Enauacna, naamaye ỹa'axa't da que'eca Lca'aguishec Ñimaye, camaye chegoxoguet na llalaqpi so nta'a David, qataq lañoqo' ye Belén, yem nỹecpi maye lma' co'ollaxa so David.

Rut 1:1

Qaq se'esoua vi'iye co'ollaq ye Israel ñaq ilotague' so nataxala'pi, nache huo'o so nqouaxa 'enauac yi'iye qanayeetaña 'alhua. Huaña nache so ỹale maye lma' ye Belén, yem huaigui ye 'alhua Judá, somaye lache, nqo'ona ye lỹa 'alhua le'enaxat Moab, qaq lỹatac aso lhua Noemí qataq soua dos llalqa.

1 Samuel 16:1

Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Rut 4:11

Nache so nqueroxonecpi qataq 'enauac som ỹauaatauopi ỹasategueto' somaye, 'eeta': Aja', qomi' sauanaqchigui damaye. Qaq Ñim Nataxala' ỹanem asa'aso 'alo maye huenoxoneua'a qome ca 'arma' da 'eeta'am aso Raquel, qataq aso Lea, maye sachegoxosoxogueta qomi' Israel le'ecpi. Qaq 'am ỹataqta 'am ỹo'oxoraic qome na Efrata, qataq 'am 'amaqtaqaic na Belén.

Rut 1:19

Qaq huaña nache soomaye je'c, quetregue so nqa'aic nache choche ivittra'a ye Belén. Qaq co'ollaq mashe ivildeua'a ye Belén, nache so shiỹaxauapi ỹataqta huo'o da le'elaxa souaxat soomaye. Nache so 'alpi 'eeta': «¿Saishet peta'a da nachana ana Noemí ana'ana?»

Josué 19:15

Qaq 'eso so doce huaqta'a't nỹecpi maye ỹotta'a't naua nañalo, qataq so lauoreuapi nma'piolec maye huaigui se'eso 'alhua, nache ỹalectauo ye: Catat, Nalal, Simerón, Idala qataq ye Belén.

Génesis 35:19

Qaq 'era da 'eetec aso Raquel co'ollaq ileu, qaq nache qailareña so loigue so nqa'aic maye taỹa'a ye Efrata, yem le'enaxat nagui da Belén.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 2:4

Nache so nta'a iỹaxanegue 'enauac so lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq nam ỹapaxagueetapeguec na shiỹaxauapi na nqataxacpi. Nache ichemaxattac da chaq hua'ague ca lañoqo' qome ca Lca'aguishec Ñim Lo'onatac 'Enauacna.

Jueces 17:7

Qaq huo'o co'ollaxa so nsoqolec maye chegoxoguet so lauo' so Leví maye chochaq hueta'a co'ollaxa ye Belén som lma' so maiche lauo' le'ecpi so Judá.