Mateo 2:4 - La'aqtaqa Ñim Lo'onatac 'Enauacna 2013

⁴ Nache so nta'a iỹaxanegue 'enauac so lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq nam ỹapaxagueetapeguec na shiỹaxauapi na nqataxacpi. Nache ichemaxattac da chaq hua'ague ca lañoqo' qome ca Lca'aguishec Ñim Lo'onatac 'Enauacna.

Nuevo Testamento Toba Sur

⁴ Nachi so nta'a iÿaxangue 'enauac na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam ÿapaxagueetapeguec na shiÿaxauapi na nqataxacpi. Nachi inat da chaq hua'ague ca lañoqo' qome ca nta'a mayi nca'alaxaqui.

Nuevo Testamento Toba Sombrero Negro

⁴ Qama'le Herodes damaĝajoĝolegue qaedi qoyiyaĝanalo ena'uaque gaa'me tamenaĝaiqui lo'olpi lejaliaĝanaqapi nataq'aen jogaa'me judiopi napaĝaguenoqo'tpi, qama'le yachimaĝatalo queda'me jach'e jogamaĝa niyi'ña ñe'me Dios Liquiyac.

Mateo 2:4 Referans Kwoze

Hechos 23:9

Nache 'enauac somayepi ỹa'alaqtagui; nache huo'o na nachaañi nam dapaxaguenataxaatapeguec na namaxasoxonaxacpi maye nache laỹepi na fariseopi. Nache namayepi 'eeta': –De'era ỹale, damaye saishet da huo'o ca ỹo'ot sa ỹaỹamaxañi, cha'aye saiuena'a da huo'otaq huo'o cam detaqtague' nam namaxashec piguem le'ecpi, huo'otaq nam saq cha'api na'añaxac. Qaq no'on da saishet qome da ñepa'aguenaqtague' Ñim Lo'onatac 'Enauacna.

Hechos 6:12

Qaq 'era da 'eeteque soomaye da inogoqche't na shiỹaxauapi, qataq na nqueroxonecpi, qataq nam dapaxaguenataxaatapeguec na namaxasoxonaxacpi. Nache ỹataqta sa ỹauo'o ca ldaqa' so Esteban da ỹacooreua'a, nache ỹaueguereua'a so nta'alpi maye nmit na nasouaxashet.

Mateo 21:23

Nache So Jesús huenoxoneua'a aso no'onaxanaxaqui late'erai. Qaq co'ollaq ña dapaxaguenataxaatac, nache nqo'oneua'a Somaye som lataxala'pi so ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna qataq som nqueroxonecpi maye lataxala'pi so judiopi. Nache inattac Somaye, 'eeta': –¿Negue't cam 'am ỹanem da 'ara'añaxac da huo'omshe 'auo'ot 'enauac de'era?

Mateo 7:29

cha'aye So Jesús da dapaxaguenataxaatac, qalaq ỹataqta huo'o naq 'ene'c naua la'aqtaqa. Qaq saishet da 'eeta'am nam dapaxaguenataxaatapeguec nam lamaxasoxonaxacpi so Moisés.

Hechos 4:5

Qaq so lỹa na'a'q, nache na lta'alpi na judiopi qataq na nqueroxonecpi maye nataxala'pi qataq na dapaxaguenataxaatapeguec na namaxasoxonaxacpi dataỹa't, huaña ye Jerusalén.

Juan 8:3

Nache huo'oi soua dapaxaguenataxaatapegueque na namaxasoxonaxacpi qataq soua chegoqraigui na fariseopi, nauegueua'a Somaye aso 'alo maye qaỹauanalec da ncachetague' ca sa lhua. Nache qanachaalataxangui na laiñi som shiỹaxauapi.

Juan 7:32

Na fariseopi co'ollaq hua'aqtapogoigui na shiỹaxauapi da 'eetega So Jesús, nache namayepi qataq nam lataxala'pi na ntaxaỹaxanaxanecpi nama'q soua huataxanaq lashe' maye ilotegueto aso no'onaxanaxaqui late'erai, da yaqto' ỹaconeua'alo Somaye da icoñe't.

Juan 3:10

Nache So Jesús 'enapeco': –'Am maye 'auapaxagueetac naxa na Israel le'ecpi, qalaq ¿ta'ainco' ye sa 'auaỹaten de'era?

Lucas 23:10

Qaq nataqa'en nachattauo nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ỹataqta qalota na ỹasaqteguelec da 'eetega lasouaxashet Somaye.

Lucas 20:19

Nache so lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so dapaxaguenataxaatapeguec na namaxasoxonaxacpi, somayepi nshetaique da nache ỹaconeua'a se'eso na'a'q So Jesús, cha'aye ỹaỹaten da nacheso somayepi ỹalamaqchigui de'era daloqnaxaatega Somaye. Qalaxaye ñe'etega som shiỹaxauapi.

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 27:1

Qaq co'ollaq mashe yo'oxoñi, nache 'enauac som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi, mashe nmachigui da lataxac da yaqto' ỹalauat So Jesús.

Mateo 26:47

Qaq co'ollaq ñaq detaqtac So Jesús, nache nvi' so Judas, som 'oonolec soua doce lapaxaguenataqa. Qaq somaye ỹataqta qalota so nnaictague' ỹalleppi na'atchigui na lainec qataq na npon 'epaq. Somayepi nache lamaxashecpi som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam nqueroxonecpi maye lataxala' na judiopi.

Mateo 26:3

Nache se'eso na'a'q nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam lataxala'pi na judiopi dataỹa't, huaña ca lma' so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, le'enaxat Caifás.

Mateo 21:15

Qaq som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi, somayepi co'ollaq ỹauaachigui de'era saqaỹauanapega maye ỹo'ot So Jesús qataq co'ollaq hua'aqchigui so ñaqpiolec da ỹo'oxoreetac So Jesús maye Lca'aguishec Ñim Lo'onatac 'Enauacna. Nache ỹataqta dalemata,

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Salmos 2:2

Na nta'alpi qataq na nataxala'pi ana 'alhua, qalaq huaxaỹa't qome da dataỹa'aguet Ñim Nataxala', qataq ca nta'a maye lca'aguishec Ñimaye.

Nehemías 12:7

Salú, Amoc, Hilcías qataq so Jedaías. Qaq 'eso som lataxala'pi so ntaxaỹaxanaxanecpi, qataq so maiche lauo' le'ecpi somayepi, co'ollaq ñaq qanayeeta'aguet so Josué.

Esdras 10:5

Qaq co'ollaq huaqchigui se'eso na'aqtac so Esdras nache nachaañi, da iỹaxaneuga so lataxala'pi so ntaxaỹaxanaxanecpi, qataq so leviitapi, qataq 'enauac so Israel le'ecpi nache 'enapega da 'enauac ipacchigui da la'aqtac so Secanía. Nache 'enauac somayepi ỹasat da ipacchigui se'eso na'aqtac.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

2 Crónicas 36:14

Nataqa'en 'enauac so nataxala'pi ye Judá, qataq so ntaxaỹaxanaxanecpi, qataq so nhuo' le'ecpi nquigaxattec da saỹalaq, nache quegue da ỹo'ottac nam qaiqaiga maye ỹo'ottac som ỹotta'a't shiỹaxauapi, maye ỹaqa'a da la'amqaanataxanaxac, qataq saiyacnapec aso atamnaxaqui maye lalamaqte Ñim Nataxala', maye maiche lca'aguishe Ñimaye, da nache lma' maye naña ye Jerusalén.

2 Crónicas 34:15

Qaq nache saỹaỹaloxon da da'aqtaxanem so Safán, da somaye ilalec aso nere maye huetalec da nqataxac, huaigui aso atamnaxaqui maye lalamaqte Ñim Nataxala', nache ỹanem asa'aso nere so Safán,

2 Crónicas 34:13

Soomaye nataqa'en lataxala'ate so nỹoxosoxonaqpi, qataq ilotague' 'enauac so 'onataxanaxaicpi. Qaq 'enauac so leviitapi da nvicnaxanaqpi, qataq huo'o so neraxanaqpi, nmeenaxanaxanecpi, qataq so ilotague' so lasompi.

Mateo 2:3

Nache so nta'a Herodes qataq 'enauac som shiỹaxauapi maye netaña ye nỹecpi ye Jerusalén, ỹataqta dalemata co'ollaq hua'aqchigui de'era na'aqtaxanaxac.

Mateo 2:5

Nache somayepi 'eeta': –Qomye huaña ye nỹecpiolec le'enaxat Belén yem nataqa'en netaigui na 'alhua Judea, cha'aye nacheye ye ỹiyiñi so la'aqtaxanaxanec Ñim Lo'onatac 'Enauacna co'ollaq 'eeta':