Mateo 2:2 - La'aqtaqa Ñim Lo'onatac 'Enauacna 2013

² Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Nuevo Testamento Toba Sur

² Nachi soomayi denataxaata'pe, 'eeta': –¿Huá'ague ca hueta'ague ca lta'a na judiopi mayi chita'ague da ñiguiñi? Cha'ayi de'eda nala' lliguishiguem mayi sepa'aqta'ague, qomi' ñiloqta'a aso l'anaqte huaqajñi. Qaq ÿoqo'oyi ñanaguenaq da shi'oxodenaq.

Nuevo Testamento Toba Sombrero Negro

² qama'le denataĝa'n jogaa'me: —¿Jach'e ga'me ue'ta ga'me judiopi lejaliaĝane'j jo'ne yemta niyiñe? Qa'a jauanaĝa jaga'me neuaqachiñi jo'ne chiyoĝogue ga'me nayapije'ma jañe'me ajeua, qama'le ñanaĝaquena qaedi 'ñonaĝataĝaye.

Mateo 2:2 Referans Kwoze

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 60:3

Na ỹotta'a't shiỹaxauapi qalaq naỹa qome na 'arcoỹaraxanaxat, na nta'alpi qalaq anac qome da naỹa nam le'eraxa nam yo'oxoñi maye 'anachattaigui.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Hebreos 1:6

Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Lucas 23:38

Qaq huo'o som nerec maye neta'aguet na lsheenec pa'asheguem so npe'enaxaqui maye 'eeta': «'Ena na Lta'a na judiopi.»

Lucas 23:3

Nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Salmos 2:6

«Mashe sogote da sauo'o ñi nta'a da ilo'ogue añi Sión, añim qui'itta ñeqasoxonaxa.»

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Lucas 19:38

Nache 'eeta': –¡Ỹataqta ỹo'oxoraq da llecỹaxac na Qarta'a, maye nactaigui da le'enaxat Ñim Lo'onatac 'Enauacna! ¡Huo'o qome da nlagaxayec na piguem! ¡Qataq 'enauac da qaỹauatton da la'añaxac Ñim Lo'onatac 'Enauacna!

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Jeremías 30:9

Nache namayepi Aỹem do'onataxanot qome, Aỹem Lataxala' qataq Natamnaxala' qataq so David, som sanem qome namayepi da lta'a.

Salmos 45:11

cha'aye ñi'iñi nta'a ỹataqta nqopita da 'aryacỹaxac, qaq ñimaye nacheñi ñi 'arataxala', qaq no'on da 'aualaxaguet qome ñimaye.

Juan 9:38

Nache se'eso ỹale ỹa'aroto naua l-llectel So Jesús, nache 'enapega, 'eeta': –'Am Ỹataxala', 'am sa'amaqten.

Juan 19:19

Nache so Pilato damaxasoxoolec da qoỹanagui na pa'asheguem so qo'oipaq so nerec maye 'eeta': «Jesús Nazaret le'ec, maye Lta'a na judiopi.»

Juan 12:13

Nache so shiỹaxauapi, iquesoq ana laue ana chaic, nache qata'aguet So Jesús. Nache ỹa'alaqtalec, 'eeta': –¡Sho'oxorenaq Ñim Lo'onatac 'Enauacna! ¡Ỹataqta ỹo'oxoraq da llecỹaxac, nam nactaigui da lamaxasoxonaxac Ñim Nataxala'! ¡Ỹataqta ỹo'oxoraq da llecỹaxac nam Lta'a na Israel le'ecpi!

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Mateo 2:3

Nache so nta'a Herodes qataq 'enauac som shiỹaxauapi maye netaña ye nỹecpi ye Jerusalén, ỹataqta dalemata co'ollaq hua'aqchigui de'era na'aqtaxanaxac.