Mateo 2:18 - La'aqtaqa Ñim Lo'onatac 'Enauacna 2013

¹⁸ «Qaỹa'aqtega da na'alaxac huaña ye Ramá, noinaxac qataq na'alaxac. Raquel añi nỹeetac souaxat ye llalaqpi, qaq sa nashen da qaicochaq, cha'aye mashe ileu yemayepi.»

Nuevo Testamento Toba Sur

¹⁸ Qai'aqtega da nvilÿaxac huaña yi Ramá, noinaxac qataq n'alaxac. Raquel añi noÿiitac souaxat yi llalaqpi, qalaxayi sa nashin da qaicochaq, cha'ayi mashi ileu yimayipi.

Nuevo Testamento Toba Sombrero Negro

¹⁸ “Qodomachitapega ga'me nejamaĝa di'me noic Ramá, noyenaĝac nataq'aen yataqachiñe t'adaic da'me nemalaqataĝanaĝac. Nach'añe Raquel, jo'ne noyetapelo'te gaa'me c'oqo'te qama'le qaya'te yaqanatet ta'le qoloyaĝanatet, qa'a joote yele'u.”

Mateo 2:18 Referans Kwoze

Jeremías 31:15

Ñim Nataxala' 'enapec: «Huo'o da qaỹa'aqtega na'alaxac chemaqtegueña ye Ramá, noinaxac maye ỹataqta daquicota. Qaq nachañi añi Raquel, nỹeeteguelec so llalaqpi, qaq saishet da ỹaỹamaxaren da qaicochaq, cha'aye mashe ileu 'enauac somayepi.»

Jeremías 4:31

Aỹem sa'aqtega da na'alaxac souaxat da qui'ic, 'eeta'am aca 'alo da cheta'ague da deco'o, qalaxaye nacheye yem Sión da la'alaxac de'era, maye dachottac qataq ỹaatrauec naua lhua'q nache, 'eeta': ¡Choxoraxaso' aỹem! ¡Aỹem ỹalauat qome na laataxanaxaicpi!»

Ezequiel 2:10

Qaq sauaachigui se'eso nhuaq da nchennaxanec asa'aso nere, qaq asomaye qoỹettaleguete 'enauaque naua laỹel, qaq da huetalec asomaye nachera da noinaxac qataq da na'alaxac souaxat da qui'ic, qataq na nasauaqtaxanaxacpi.

Génesis 37:30

Qaq ime, nache ỹe'eguelaxalo soua lqaỹa't, nache 'enapegalo, 'eeta': «¡Ca nsoq mashe qaica! Qaq nagui ¿hua'ago' ca sheetec?»

Apocalipsis 8:13

Qaq can ime de'era, nache sela'ague so vi'ic huaỹotac, queto'ot na piguem, nache sa'axaỹa so la'aqtac ỹataqta na'axannec 'eeta': «¡Ỹataqta qauem da taỹa'ague 'enauac nam huetalec ana 'alhua, qom ivita da ỹashiiyiguilo caua lasheerel caua lỹa't tres namaxa'she piguem lashe'!»

Da na'aqtaguec so Job 14:10

Qaq ca shiỹaxaua da ileu qalaq nache ỹataqta imeuo. Qataq da ileu, qalaq ¿hua'ague ca taigue?

Génesis 42:36

Qaq huaña, nache so Jacob 'enapegalo soua llalqa, 'eeta': «Qami' mashe huotaique da qaica qanqa'eñi ca ỹalec. So José mashe saishet da qomi' ỹalectaiguilo, qataq ca Simeón. ¡Qaq nagui qataq huotaique da qauotaxañic ñi Benjamín! ¡Qaq de'era qauem 'enauac da aỹem tateguelec!»

Mateo 2:17

Qaq de'era ỹataqta ipacchiguilo naua leregui'she som la'aqtaxanaxanec Ñim Lo'onatac 'Enauacna le'enaxat Jeremías, maye 'eeta':