Mateo 2:16 - La'aqtaqa Ñim Lo'onatac 'Enauacna 2013

¹⁶ Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Nuevo Testamento Toba Sur

¹⁶ Qaq so Herodes co'ollaq ila'a da soua ÿajnaxanaxaiqa ÿatenachi't somayi, nachi ÿataqta dalemata. Nachi damaxasoxoolec da qaÿalauat so ñaqpiolec, ivida'a nam mashi ivi' naua dos vi'iyi qataq na ÿapacteec ñaq qapi'olecpi, ÿataqta nmatchiguiñi 'enauac som netaña yi Belén qataq naua loiguiyi, ipacchigui naq'en da l'aqtaxanaxa'c soua ÿajnaxanaxaiqa.

Nuevo Testamento Toba Sombrero Negro

¹⁶ Mane'e ca'li ñe'me Herodes yetaden queda'me jaajo' yatenaĝanaĝayaqa ja yoqochideta ca'li da'me 'laqatac, qama'le yataqachiñe dalemata. Chane'eja damaĝajoĝolegue da'me qoyala't gaa'me ñoqolqapi jo'ne 'lachaqa't di'me Belén choqogaa'me dajoedauo, qoyachiyoĝotetelegue gaa'me dojolqa ne'uoidi chayovida'a ga'me 'najode', naq'aeta da'me naloqotenaĝa'tegueta gaa'me noloqo'ote jo'ne 'laqataĝanaĝa'j jogaa'me yatenaĝanaĝayaqa.

Mateo 2:16 Referans Kwoze

Isaías 59:7

naua lapia'ate qalaq taigueta da nqalgoqtague' na qauem, qataq nqalgoqtague' da icoldec naua ltago'q cam qaica ca ỹasouaxat. Naua lhuennataxaco qalaq nda'a't da tatapigui lauel da lalaataxanaxac, naua lqauaxaqui' da jec qalaq nda'a't da no'onaxatañi nam ilaxachiguipi qataq nam nlaxaañi.

Proverbios 28:15

'Eeta'am ca llon maye desoqtac, huo'otaq aca potai maye nqouaqato, ca qauemaic maye ilotague' na shiỹaxauapi choxoraq.

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Oseas 10:14

nache na maiche 'arhuo' le'ecpi lliỹa't qome, qataq 'enauac na lpaqtaxat na nỹecpi qailaxachigui, 'eeta'am ye Bet Arbel co'ollaq nlaxaañi so nta'a Salmán, co'ollaq qaỹalauat so 'alpi cañe' qanqa'en so llalaqpi.

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

2 Reyes 8:12

Nache so Jazael, inat somaye, 'eeta': ¿Ta'ainco' ye 'anỹeetac? nache so Eliseo, 'enapeco': Cha'aye saỹaten da 'auo'otec qome ca qauem na Israel le'ecpi, cha'aye 'auavigaxat qome na lle'eguenaxaquipi, qataq 'aurolec na ỹeelonec da 'aualauat na nsoxoppi, qataq 'aualauat nam ñaqpiolec maye llalaqpi namayepi, qataq 'aupeleca'ague ana da'am ana hualaxaipi.

Jueces 16:10

Nache aso Dalila 'enapega somaye, 'eeta': ¡Qache aỹem 'auatenachet! ¡'Am choche aỹem 'auatenachettaco'! Qalaxaye nagui, aỹem 'anqouaguectaxa da aỹem 'aua'aqtaxanem ca 'eetec ca lataxac da ishet da 'am qaicoñerai'.

Génesis 49:7

¡Qauem, aja', ỹoqta 'eesa da qauem de'era nnogoxonaxa'c maye saishet da qanpaxat! ¡Aỹem selagaxatoiguilo qome daamaye, 'enauac na nhuo' Israel le'ecpi!

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Da na'aqtaguec so Job 12:4

Qaq na'aictoxo' da qaica ca sasouaxat qataq ayem qui'itta, qataq caillaye da seỹaxana Ñim Lo'onatac 'Enauacna qalaq aỹem ỹasateguet, qaq nagui na sheetega ñauochaxauapi, qalaq nda'a't da aỹem ne'eetapigui.

Números 24:10

Qaq so Balac co'ollaq hua'aqchigui de'era, nache ỹataqta dalemataỹa so Balaam, nache ivigoxoguilo naua napocna, nache iuaxana't naua lhua'q, nache 'eeta': Aỹem, 'am seỹaxana co'ollaxa da yaqto' 'auasaxalec ca qauem 'ara'aqtac na ñepa'aguenaxauapi, qaq nagui mashe ivi' tres da talec 'anqa'en da 'onaxaic 'ara'aqtac namayepi.

Números 22:29

Nache so Balaam, 'enapeco': ¡Qomye souaxat da ỹataqta aỹem 'aue'enai', ten ctaxa da ñasoqta'a ca ỹainec, nache 'am salauat nagui!

Génesis 39:17

Qaq co'ollaq mashe nvireuo so lhua, nache da'aqtaxanem, 'eeta': «Som 'arlatac hebreo, maye qomi' 'anauegueua'alo, somaye inoxonoigui ñi ima', nache huotaique da aỹem lauañi'.

Génesis 39:14

nache asomaye iỹaxaneuga so namaxashecpi maye hueta'a se'eso nma', nache 'enapego', 'eeta': «Ña qauloỹa som hebreo maye nauegueuo so ihua, somaye anac da qomi' ỹi'inai'salo. Somaye aỹem nnoxoneua'a, nache huotaique da aỹem lauañi', qalaxaye aỹem ña'axannec da ỹa'alaxac.

Mateo 2:1

So Jesús lañoqo' ye nỹecpiolec le'enaxat Belén maye huaigui ye 'alhua Judea, huetoigui so na'a'q co'ollaq so Herodes maye 'amaqtaqaic da ilotague' yi'iye 'alhua. Nache nvitra ye nỹecpi ye Jerusalén soua ỹale't, chegoqtra'ague da yo'oxoñi. Soomaye napaxagueetrega ana huaqaañipi.

Mateo 2:7

Nache so Herodes ỹataqta nqañoxotchiguiñi da iỹaxaneugalo soua ỹaanaxanaxaiqa. Nache ichemaxatta'ape da chaq negue't so na'a'q co'ollaq nachaxanalo aca huaqaañi.

Mateo 2:17

Qaq de'era ỹataqta ipacchiguilo naua leregui'she som la'aqtaxanaxanec Ñim Lo'onatac 'Enauacna le'enaxat Jeremías, maye 'eeta':

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.