Mateo 2:15 - La'aqtaqa Ñim Lo'onatac 'Enauacna 2013

¹⁵ nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Nuevo Testamento Toba Sur

¹⁵ Nachi huetra'a yimayi, chochi ivitta'a co'ollaq ileu so Herodes. Qaq 'eetec de'eda, yaqto' ÿataqta ipacchigui da l'aqtac ñi qadataxala' mayi i'axat so l'aqtaxanaxanec, 'eeta': Seÿaxana so ÿalec, chigoqchiguiña yi Egipto.

Nuevo Testamento Toba Sombrero Negro

¹⁵ naqaedi cha'li ueteda'a chayovida'a ca'li yeleu di'me Herodes. Da'me dojo' 'uo ca'li qaedi yepaquetelegue ga'me jo'ne joote 'yaĝatetac ñe'me Jaliaĝanec ca'li yojaĝanaĝan ga'me 'laqataĝanaĝanec: “Jachiyoĝota'ague di'me Egipto da'me jiyaĝana ñe'me Yalec.”

Mateo 2:15 Referans Kwoze

Oseas 11:1

Co'ollaq ñaq saxanaxa da ỹe na Israel le'ecpi, nache Aỹem ỹataqta ỹauotaxat, qataq sachegoxotchiguiña co'ollaxa ye Egipto da seỹaxana na ỹalaqpi.

Éxodo 4:22

Nache 'am qome qonapega ñi faraón, qoneta': Ñim Nataxala' da la'aqtac 'eeta': ‹So Israel nacheso so la'auaxanec ỹalec›.

Números 24:8

Ñim Lo'onatac 'Enauacna maye nqateeguesop ye Egipto namayepi, Ñimaye 'eeta'am ca huaca no'onaxa le'ec da la'añaxac. Na Israel ỹataqta nmatchiguiñi qome na ỹotta'a't shiỹaxauapi maye depa'aguenataxaatacpi, qataq ỹataqta inoxo'n naua lpi'ineqa, ỹapacaviiguilo naqa'en naamaye ana lchecnapi.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Mateo 1:22

Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Mateo 26:54

Qalaxaye ñaq 'aua'axaỹa'a damaye yaqto' ipacchigui, cha'aye da nache 'eetec de'era, nache ỹataqta ipacchigui dam 'enapec naua nanettralec ana nere maye huetalec na la'aqtacpi Ñim Lo'onatac 'Enauacna.»

Mateo 21:4

Qaq 'eetec de'era Somaye, yaqto' ipacchigui da ỹa'axat co'ollaxa so la'aqtaxanaxanec Ñim Lo'onatac 'Enauacna co'ollaq ỹiyiñi de'era maye, 'eeta':

Mateo 8:17

Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Mateo 2:19

Qalaxaye co'ollaq mashe ileu so Herodes, nache huaña ye Egipto da qaltaq nachaxana so José so lamaxashec Ñim Lo'onatac 'Enauacna, huaigui naqa'en so lo'ochaxa. Nache 'enapega, 'eeta':

Mateo 2:17

Qaq de'era ỹataqta ipacchiguilo naua leregui'she som la'aqtaxanaxanec Ñim Lo'onatac 'Enauacna le'enaxat Jeremías, maye 'eeta':

Juan 19:36

Cha'aye de'era qanayeuaigui, damaye yo'oq, yaqto' ishet da ipacchigui da 'enapec naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Saishet qome da huo'o ca qainoxon naua lpi'ineqa.»

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Hechos 1:16

«Qami' ỹaqaỹa't, ỹataqta ipacchigui co'ollaxa da la'aqtac So Saqcha'a Na'añaxac Qui'itta maye nanettañi co'ollaq ỹa'aqtaxanaxan so David, da ỹa'axata'a da so Judas nacheso som ỹaueca'aguet co'ollaxa som ỹaconeua'a So Jesús da icoñi'.

Mateo 27:35

Nache so alleppi maye iuaxaneuo So Jesús co'ollaq ime da iuaxaneuo, nache somayepi nallera't da yaqto' qaỹaỹaten chaq negue't ca taleguete soua alogo So Jesús. Nataqa'en qaỹauo'o so nerec, nache qoỹanaña na nalotcheguemec na lqaic So Jesús da ỹa'axat da huo'omshe qaiuaxaneguet so npe'enaxaqui Somaye. Qaq se'eso nerec, 'eeta': «'Ena na Jesús maye lta'a na judiopi.» –Nataqa'en huo'oi soua lỹa't maye qaiuaxaareuo dos 'etaxaloxoiqa, nache so 'oonolec soomaye qoỹana'ague da aloic So Jesús, qaq so lỹa qoỹana'ague da ne'emaq. Ime nache so alleppi nso'ooñi da yaqto' nauanaleguete soomaye.

Mateo 2:14

Nache se'eso pe so José naneltaxanegue da Egipto lỹatac aso María qataq so nogotolec,