Mateo 2:13 - La'aqtaqa Ñim Lo'onatac 'Enauacna 2013

¹³ Qaq co'ollaq mashe je'c soua ỹaanaxanaxaiqa, nache so lamaxashec Ñim Lo'onatac 'Enauacna nachaxana so José huaigui so lo'ochaxa. Nache 'enapega, 'eeta': –Qoñisheguem, nache 'eltaxan ye nogotolec, qataq añi late'e 'aigue da Egipto. Nache qoueta'a qome yemaye, nato' qom 'am shenapega. Cha'aye ñi Herodes anac da nmitaique ye nogotolec da huotaique ỹalauat.

Nuevo Testamento Toba Sur

¹³ Qaq co'ollaq mashi je'c soua ÿajnaxanaxaiqa, nachi so lamaxashic ñi qadataxala' nachaxana so José co'ollaq huaigui so l'ochaxa. Nachi 'enapega, 'eeta': –Qoñishiguem qome, nachi 'auacoosop yi nogotolec, qataq añi late'e, nachi 'ananeltaxangue da Egipto. Nachi qoueta'a qome yimayi, to' qom 'am shinapega. Cha'ayi ñi Herodes anac da nmitaique na nogotolec da ÿalauat.

Nuevo Testamento Toba Sombrero Negro

¹³ Ca'li joote eque' gaa'me yatenaĝanaĝayaqa, qama'le yitaĝa 'uo ga'me piyem le'ec taue q'aen da'me 'lochaĝa ñe'me José da'me naloĝoneguet qama'le dojapegue': “¡Oñijeguem, auachi na'me notolec nataq'aen jana'me lat'e, qama'le auapiyenegue di'me Egipto! Nach'edi ovi'ta chayovida'a qom am ja'aqataĝanem, qa'a Herodes nemitaque qomle na'me notolec qaedi yalat.”

Mateo 2:13 Referans Kwoze

Hechos 12:11

Huaña, nache so Pedro cheta'ague da ỹoqta ỹa'amaqten de'era. Nache 'enapeco': –Nagui saỹaten da qache ỹoqta 'eesa de'era, da Ñim Nataxala' namaq so lamaxashec da aỹem nca'alaxateeguesop ñi Herodes qataq 'enauac dam nshetaique da aỹem ỹo'otec nam judiopi.

Hechos 10:7

Qaq co'ollaq jec so namaxashec piguem le'ec maye da'aqtaxaatac, nache so Cornelio iỹaxaneugalo soua dos soua lamaxa'she qataq so 'oonolec huataxanaq le'ec maye nataqa'en ỹo'oxoreetac Ñim Lo'onatac 'Enauacna qataq ỹataqta lpe'et.

Hechos 5:19

Qalaxaye so lamaxashec Ñim Qarataxala' ỹauatoiguilo soua laso'omi aso ncoñetaxanaxaqui se'eso pe, nache nqatre'c soomaye. Nache 'enapegalo', 'eeta':

Mateo 2:12

Qaq co'ollaq ime', nache Ñim Lo'onatac 'Enauacna, ỹauo'o so lqataxac ỹachaigui da lo'ochaxa soua ỹaanaxanaxaiqa da 'eetegalo da saishet da ỹe'eguelaqtreuga ye netaña so nta'a Herodes. Nache soomaye tatreuga ca lỹa nqa'aic co'ollaq ỹe'eguelaxaregue ca lma't.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Da na'aqtaguec so Job 33:15

Cha'aye huo'o naxa da huaigui da qarchoxonaxac ye pe, qataq huo'o da huaigui naqa'en da qarloxoc da so'ochaqta.

Da na'aqtaguec so Job 33:17

da yaqto' qolqa'ai naqa'en na so'otaqtac qauempi, qataq qomi' qaỹoqtalo naqa'en da 'amqaanaxac.

Josué 4:18

nache soua ntaxaỹaxanaxanaqa maye ỹachetrac aso arca maye laỹe' da naỹamaxataxac Ñim Nataxala' co'ollaq quera'aisalo ye laiñi so Jordán, nache co'ollaq mashe peleguete so daqaqtelec 'alhua, nache se'eso 'etaxat so tala qaltaq ipactegue da jec, nache ipaxaaleguete naua loiguiye so tala, qataq nache ipactegue da maiche lataxac co'ollaxa.

Apocalipsis 12:14

Qalaxaye Ñim Lo'onatac 'Enauacna ỹanema asomaye soua dos laua't na vi'ic, da yaqto' huaỹo da datauec, nache qaỹoqta naqa'en so shiguiỹac leguemaxaic, taỹa so toolec 'alhua da yaqto' Ñim Lo'onatac 'Enauacna ilotague' asomaye iviraxattre'c caua tres vi'iye, qataq ca laiñi ca lỹa vi'i.

Hechos 16:36

Nache so ncoñetaxanaxaqui lo'o 'enapego' so Pablo, 'eeta': –Huo'o da la'aqta'c soua nmit na nasouaxashet, da yaqto' qami' sesore'c. Qaq ỹoqo'oye nagui qami' ishet da qaunoxoñiiuec, nachaqrata da qaulaquiitapiguiñi.

Hechos 10:22

Nache soomaye 'ena'apo': –Qomi' lamaxa'she ñi huataxanaq lta'a, le'enaxat Cornelio. Ñimaye no'on da lataxac qataq ỹataqta ỹalaxaguet Ñim Lo'onatac 'Enauacna. Ỹoqo'oye 'enauac na judiopi ỹataqta huo'o naq 'enec naqa'en qataq lauotaxat. Qaq huo'o so chegaqasheguem lamaxashec Ñim Lo'onatac 'Enauacna 'enapega da 'am namaxasoxona, da yaqto' 'anqo'ona ye lma', nache ñimaye ishet da na'axaỹaxana cam 'ara'aqtaxanaxac.

Hechos 7:19

Qaq se'eso nta'a ỹataqta nquiỹa na Israel le'ecpi, nache ỹatenachet. Nataqa'en, sa icherapec da 'enapega namayepi da ỹalat na ñaqpiolec maye cheta'ague da ñiguiñi da yaqto' ileu.

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Apocalipsis 12:6

Qaq asa'aso 'alo qalaq datauec, taỹa cam toolec 'alhua, qaq huaña da Ñim Lo'onatac 'Enauacna ỹami' ca lma' qataq ilo'ogue, iviraxattre'c caua tres vi'iye qataq ca laiñi ca lỹa vi'i.

Josué 4:10

Qaq soua ntaxaỹaxanaxanaqa maye ỹachetrac aso laỹe' da aỹamaxataxac, qalaq nache nachattrañi, huetraña ye laiñi so tala Jordán, ivitta'a da so Israel le'ecpi ỹo'ot 'enauac na damaxasoxoolecpi Ñim Nataxala' maye ỹamaxalec co'ollaxa so Josué. Qaq 'enauac nam 'enapecpi co'ollaxa so Moisés, ỹo'ot so Josué. Qaq huaña, nache so Israel le'ecpi ỹataqta iỹalapigui' da taitague da le'ego so tala.

Josué 3:13

Nache caua ntaxaỹaxanaxanaqa maye ỹacheta'ape añi arca maye laỹe' da naỹamaxataxac Ñim Lataxala' 'enauac na huetalec ana 'alhua, qom mashe piguinguilo ye 'etaxat, nache se'eso tala colaxagui qome na 'etaxat, nache na 'etaxat maye chegaqasheguem, namaye vi'iiguet qome 'eco' da npaqtaxanaxat.»

Apocalipsis 12:4

Qaq so la'araxashet somaye ira'a da ỹanataxaalec ana 'alhua, som 'oonolec lpa'axac ana huaqaañipi maye neto'ot na piguem. Qaq se'eso shiguiỹac leguemaxaic, somaye nachatto'ot asa'aso 'alo maye huotaique da deco'o, da huotaique da chec so llalec da choche ñiguiñi.

Mateo 2:22

Qalaxaye so José co'ollaq ỹaỹaten da so Arquelao, qoỹanagui da lo'onataxanaxac so lta'a Herodes da qaltaq ilo'ogue ye 'alhua Judea, nache somaye ỹataqta huo'o da lcolanaxa. Ime, nache so lamaxashec Ñim Lo'onatac 'Enauacna 'enapega so José huaigui so lo'ochaxa da taỹa ye 'alhua Galilea.

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Mateo 2:14

Nache se'eso pe so José naneltaxanegue da Egipto lỹatac aso María qataq so nogotolec,

Hechos 12:7

Nache nque'elaxatta da nachatteuo so lamaxashec Ñim Lo'onatac 'Enauacna, nache ỹataqta yo'oqchiguiñi naqa'en na pa'auo aso ncoñetaxanaxaqui. Nache som namaxashec ỹa'areua'a na laỹe so Pedro da nquetoxon. Nache 'enapego', 'eeta': –Qoñisheguem, 'anque'emgue. Nache soua lque'ete naua lhua'q so Pedro ñere'c.

1 Reyes 11:17

Qalaxaye so Hadad ye ñaq nogotolec, nache datauec co'ollaxa taỹa ye Egipto, ca'atoigui so laỹepi edomiitapi maye lamaxashecpi so lta'a.