Mateo 2:11 - La'aqtaqa Ñim Lo'onatac 'Enauacna 2013

¹¹ Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Nuevo Testamento Toba Sur

¹¹ Qaq co'ollaq inoxoodoigui so noÿic, nachi iloda'a so nogotolec qataq aso late'e María. Ime, nachi i'alyiñi naua l-llicte, nachi ÿi'oxodeetrac somayi. Ime, nachi ÿauajnguilo soua lachoxonaxaqui', nachi qaÿachitec na chigaqaigui na oro, qataq na nchinaxanaxat, qataq na lcha'q ana qo'ipaq l'enaxat mirra.

Nuevo Testamento Toba Sombrero Negro

¹¹ Ca'li tadoue ga'me emec qama'le yauata ñe'me notolec nataq'aen María mach'e lat'e; qama'le yejoidiñe naa'me leliquetel da'me 'nonaĝachidegue joñe'me. 'Youachi'ñeta naa'me naicaua lete' qama'le yate'm oro nataq'aen ga'me jo'ne jama ga'me laeta, choqoga'me yoĝoqui 'me davioĝo'n jo'ne li'i jaga'me epaq mirra.

Mateo 2:11 Referans Kwoze

Isaías 60:6

Nache 'am nlaxagui qome ana cameellopi maye lalopi nam chegaqa'a ye Madián qataq ye Efa, qataq anac qome 'enauac nam chegaqa'a ye Sabá nachetac na lcat oro qataq na nchenaxanaxat maye ama na laita, nache ỹa'axatec qome nam huo'o da llo'oxoyec maye ỹo'otpi Ñim Nataxala'.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Lucas 2:16

Nache so qagueta lo'opi ỹataqta iỹalapigui' da jec da nqo'oneua'a ye nỹecpi ye Belén, nache ỹanatra aso María qataq so José, nataqa'en so nogotolec huetangui aso lquia'axaqui na shiguiỹacpi maye nlo.

Mateo 2:2

Nache soomaye denataxaata'ape, 'eeta': –¿Hua'ague ca hueta'ague ca nogotolec maye cheta'ague da ñiguiñi qataq taỹa'a da lta'a na judiopi? Cha'aye de'era nala' lliguisheguem maye sepa'aqta'ague, qomi' ñeloqta'a aso la'anaqte huaqaañi. Qaq ỹoqo'oye ñanaguenaq da yaqto' sho'oxorenaq camaye.

Salmos 95:6

Qauanaqui qome, sa'araxayiñi naua qarllecte da sho'oxorenaq, sa'araqoto naua qarllecte Ñim Nataxala' maye qomi' lo'onataqa.

Salmos 72:15

Qaq nache 'eetai' qome da nca'altauec que'eca nta'a, qataq qoỹanem na lcat oro maye chegaqa'a ye Sabá, qataq saishet qome da vi'iiguet da qanatameetalec, qataq 'enauaque naua na'axa'te da qaỹasaqtapeguelec da nchoxonnataguec.

1 Reyes 10:2

Qaq asomaye co'ollaq ivireua'a ye Jerusalén, nache lỹateuo so 'amaqtaqaic ltauapi, netalec aso nauanaxanaxapi, qataq pa'atañi so lla'ac coraxat, qataq so qalota oro, qataq so ỹataqta no'on coma'pi. Qaq co'ollaq ivireua'a so Salomón, nache denataxanec 'enauac nam tatapigui lauel,

Números 7:14

qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat,

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Mateo 14:33

Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Apocalipsis 5:8

Qaq co'ollaq chochaq ỹo'ot de'era, nache soua cuatro shiguiỹa'c maye nca'altraue'c qataq soua veinticuatro nqueroxonqa ỹa'aroto naua l-llectel Somaye. Qaq ñi 'oonolec se'esoua nqueroxonqa huo'o ana lvique, qataq lasoqta'a soua ỹomaxaqui' maye nlaqchigui na nchenaxanaxat ama na laita maye naigui da nqouagaxaunaxac na lalamaxatpi Ñim Lo'onatac 'Enauacna.

Lucas 2:38

Qaq co'ollaq ime da la'aqtaxanaxac so Simeón, nache aso Ana nquigueuo, nache chegoqchiguiña da ỹo'oxoreetac Ñim Lo'onatac 'Enauacna, qataq ỹa'axattac se'eso nogotolec Jesús, da'aqtaxaatapeguem 'enauac nam iuattaique da Ñim Lo'onatac 'Enauacna huesochiguiñi naqa'en na hueta'a ye nỹecpi le'enaxat Jerusalén.

1 Samuel 10:27

Qalaxaye sa qoue naxa nam shiỹaxauapi maye qauema naua la'aqtaqa, nache 'eetaco': «¿Qache nacheso' so qaỹauotaique da qomi' nca'alaxatrec se'eso?» Nache ỹataqta qaỹo'otaatac, qataq saishet da qaỹo'oxoren, qalaxaye so Saúl saishet da iqocha'a somayepi.

Números 7:86

Qataq so doce nemaxanaxatpi oro, maye ñi 'oonolec soomaye ivi' ciento diez gramos, qataq nlaqchigui so nchenaxanaxat, cha'aye nachañi añi lasheue na qoỹaneua'a so npe'l. Qaq da ima'a't da lsallaxa 'enauac se'eso oro, nache ivi' mil trescientos veinte gramos.

Levítico 6:15

Nache ca 'oonolec caamaye, ỹauota'a 'oonole napocna da ỹacona ca ỹataqta no'on lsoche ana ala ca nañiguishec, qataq lalegue ca aceite, qataq ca nchenaxanaxat qo'oipaq lcha'q ama na laita maye huetalec aca'aca nachetaqtaxanaqte. Qaq 'enauac acamaye, nache ỹavigaxat, ỹachalec añi nca'atoxonaxalate da nachetaqtaxanaqte, maye naigui da qaiuennate da Ñim Nataxala' lalamaxat 'enauacna, yaqto' da ama laitaỹaxac ỹamaateguet Ñimaye.

Éxodo 30:34

Ñim Nataxala' 'enapega so Moisés, 'eeta': «'Aulaique qome aca ỹotta'a't huouepi maye ama da alaitaỹaxac, qataq 'eeta'a't 'anqa'en ye lcata ca 'auacona lcha'q aca ámbar, gálbano, qataq ca no'on nchenaxanaxat,

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Salmos 45:8

Qaq 'enauac na 'ogoxot ỹataqta quichigui da laitaỹaxac na coraxat maye chegaqaigui ana mirra, áloe, qataq ana canela. Qataq da l-lamaxa ana nviquepi maye huo'oi naua lque'ete, ỹo'ot da 'antonaxac da qouetaigui ca nỹec lta'araic maye llo'oxoraxat na marfil.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

1 Reyes 10:10

Ime, nache asomaye ỹanem so nta'a aso tres mil novecientos sesenta kilos so oro, qataq so ỹataqta qalota coraxat, qataq so ỹataqta no'on coma'. Qaq saishet da qaỹauanapega ca 'eeta'am de'era, da qanda'a ye Israel ca ỹataqta qalota coraxat, da 'eeta'am se'eso lachetaqtaxanaxat asa'aso nate'e ye Sabá, da ỹachet so nta'a Salomón.

Éxodo 30:23

«'Alaique qome aca ỹataqta no'on huoue maye ama da laitaỹaxac, nache seis kilos 'anqa'en ca ỹataqta no'on lcha'q le'enaxat mirra, qataq tres kilos ca lcha'q aca canela, qataq tres kilos ca 'eco' coqta maye ama da laitaỹaxac,

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Mateo 2:10

Qaq se'esoua ỹaanaxanaxaiqa co'ollaq qaltaq ilora'a aso huaqaañi, nache ỹataqta lta'araic da ntonaxa'c.

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Juan 19:39

Qaq nataqa'en so Nicodemo, maye huo'o so pe co'ollaq naua'a da detaxaỹapegue' So Jesús, somaye nachetac so treinta kilos na qaỹalecna't qo'oipaq lcha'q, le'enaxat mirra qataq áloe.