Mateo 19:8 - La'aqtaqa Ñim Lo'onatac 'Enauacna 2013

⁸ Qalaxaye So Jesús 'enapeco': –So Moisés ỹasheeta da qaỹalat aca nhua co'ollaxa, cha'aye ỹataqta qami' qaramchiguilo qataq saishet da qaualaqaiguet Ñim Lo'onatac 'Enauacna. Qalaxaye Ñimaye nache chegoqchiguiña co'ollaq cheta'ague da do'onataxan da saishet da ỹaỹamaxaren da ca ỹale ỹalat aca lhua.

Nuevo Testamento Toba Sur

⁸ Qalaxayi so Jesús 'enapeco': –Qomyi souaxat da qami' ÿataqta qadamchiguilo naua qadquiyaqchilli', ÿoqo'oyi qami' ÿashiitema da qaualachi aca qadhuai. Qalaxayi so hua'auchiguiñi co'ollaxa sa ishit da nachi 'eetec de'eda.

Nuevo Testamento Toba Sombrero Negro

⁸ Jesús enaac: —Moisés yajeta da'me nañeguema't gaa'me noua' qa'a nach'eda chiyaqayi da'me ja damichiguilo naa'me adai'lidi'; qalaĝaja ca'li 'uaechiñe ja naq'aeta da'me 'netaguec.

Mateo 19:8 Referans Kwoze

Génesis 2:24

Qaq ỹoqo'oye ca ỹale ca'ai qome ca lta'a qataq aca late'e, da yaqto' lmayaxaua aca lhua, nache caamaye 'eeta'am da 'oonolec shiỹaxaua.

Marcos 10:5

Nache So Jesús 'enapego' somayepi, 'eeta': –So Moisés ỹiyiñi co'ollaxa de'era lamaxasoxonaxac, souaxat da ỹataqta qaramchiguilo naua qarquiyaqchilli'.

Zacarías 7:12

Qataq ỹa'añaxachigui añi lquiyaqte, 'eeta'am naqa'en ca coma' maye le'enaxat diamante, da yaqto' saishet da na'axaỹaxana da napaxaguenataxanaxac, qataq nam namaxasoxonaxacpi, maye Ñim Nataxala' maye Qaica ca Ỹaqalanapec ỹachegoxotchigui so Saqcha'a La'añaxac, da ỹa'aqtaxanaxan co'ollaxa so hua'au la'aqtaxanaxanecpi. Qaq ỹoqo'oye Ñim Nataxala' ỹataqta dalemata,

1 Corintios 7:6

'Enauac de'era maye cheta'ague da qami' sa'axattapeguema damaye ỹalamaxat iqataxac, qaq saishet da ỹoqta ỹamaxasoxonaxac.

Mateo 8:31

Nache se'eso saqcha'a na'añaxac leguemaxaicpi nachoxoreetacot So Jesús, 'eeta': –Da qomi' 'anqateeguesopa ne'enaua ỹale't, nache no'on da qomi' 'auasheetema da saxaigui aya'aye cos late'epi.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Salmos 95:8

«Saishet qome da qaua'añaxachiiguilo naua qarquiyaqchilli', da 'eeta'am co'ollaq huaña ye Meribá, qataq da 'eeta'am so na'a'q co'ollaq huaña ye Masah, yem huaña ye toolec 'alhua,

Génesis 7:7

Qaq huaña co'ollaxa nache inoxonoigui aso notaxaqui, lỹatreuo soua llalqa, lhua, qataq soua latel, da yaqto' naneltaxaareguet so auot lta'araic.

Mateo 19:7

Nache som chegaqaigui na fariseopi inattaco' So Jesús, 'eeta': –Qaq ¿ta'ainco' qone' so Moisés ye qomi' no'onaxata'agueta da lamaxasoxonaxac da 'eetega ca ỹale ishet da ỹalat aca lhua, da ime da ỹo'ot aca lmalate da ỹalat acamaye?

Mateo 19:9

Qaq Aỹem shenapec da aca 'arhua da saishet da ncacheỹa'ai' ca lỹa ỹale, nache saishet da 'aualat qataq saishet da 'auaroneguet aca lỹa 'alo. Cha'aye da nache qonetec de'era, nache qaỹauo'o ca 'anhuaxanaguec, souaxat da 'auaroneguet aca lỹa 'alo.

Marcos 16:14

Ime, nache So Jesús nachaxanalo soua once lapaxaguenataqa co'ollaq soomaye ñaq deque'eta'ape. Nache nlaqtegalo soomaye souaxat da qaica ca lpi'iỹaxa'c, qataq da ỹataqta qaramchiguilo naua lquiyaqtel, cha'aye soomaye saishet da ỹa'amaqte'n soua nauaneto Somaye da mashe qaltaq qanca'alaxatec.

1 Samuel 25:43

Qaq so David nataqa'en huaroneguet co'ollaxa aso Ajinoán maye lma' ye Jezrel, nache 'enauaque da lhua't se'esoua dos.