Mateo 19:7 - La'aqtaqa Ñim Lo'onatac 'Enauacna 2013

⁷ Nache som chegaqaigui na fariseopi inattaco' So Jesús, 'eeta': –Qaq ¿ta'ainco' qone' so Moisés ye qomi' no'onaxata'agueta da lamaxasoxonaxac da 'eetega ca ỹale ishet da ỹalat aca lhua, da ime da ỹo'ot aca lmalate da ỹalat acamaye?

Nuevo Testamento Toba Sur

⁷ Nachi qainat somayi, qoÿiita': –¿Tá'ainco' qone' so Moisés yi damaxasoxoolec da qoÿami' aca nhua aca lmalate da qaÿalat, ime, nachi qaÿamaqhuec?

Nuevo Testamento Toba Sombrero Negro

⁷ Jogaa'me yachimaĝadeta: —Qama'te ¿toqoch'e Moisés damaĝajoĝolegue da'me qoyanem jaga'me lomalate da'me qoca'e jaga'me noua, qama'le naq'aeta da'me qoyeladegue?

Mateo 19:7 Referans Kwoze

Mateo 5:31

Nataqa'en soua qaỹoqteguelo vi'iye so Moisés 'eeta' da la'aqtac: «Da huo'o ca mashe saishet da huotaique da queta da neta'aguet aca lhua, nache camaye, iuen da ỹo'ot aca lmalate da nalate' acamaye.»

Marcos 10:4

Nache somayepi 'enapeco': –Qomye so Moisés ỹasheetem ca ỹale da ỹalat aca lhua, qalaxaye ỹauo'o aca lmalate da ỹalat acamaye.

Malaquías 2:16

Cha'aye Ñim Nataxala' maye Natamnaxala' na Israel le'ecpi, 'eeta': «¡Qantelỹa'a qome dam saq cha'a qarca'alaqai, qataq saishet da saqaupaquiilec ca qara'aqtaqui; cha'aye Aỹem seqaiga cam ỹalat aca lhua, qataq nshepaxanaqcheela't da ỹo'ottac de'era qauem!»

Mateo 1:19

Qaq so José maye huotaique da lhua asomaye, somaye ỹataqta no'on da lataxac, nache saishet da ỹa'axatec da huaigui aso María. Nachaqrata da huotaique da saishet da ỹaỹaana'a't naqa'en na shiỹaxauapi da ỹalat asomaye.

Jeremías 3:8

qataq nataqa'en ỹauaachigui da Aỹem sheca'ai añim saỹalaq Israel qataq salat añimaye souaxat dam lquisheguetaxac maye ỹo'ottac. Qalaxaye añim saỹalaq Judá maye lqaỹa añi Israel, qaica co'ollaxa ca lcolanaxa, nacherata da nataqa'en añimaye jec, da ỹo'ot da nquisheguetaxac.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Mateo 19:6

Ỹoqo'oye caua mashe huarona't caamaye saishet da 'eeta'am da dos shiỹaxau', nacherata da 'eeta'am da 'oonolec. Qaq ỹoqo'oye Ñim Lo'onatac 'Enauacna da mashe ỹauaxaỹaxana't ca ỹale qataq aca 'alo, nache qaica ca ishet da icolaxachiguilo.

Mateo 19:8

Qalaxaye So Jesús 'enapeco': –So Moisés ỹasheeta da qaỹalat aca nhua co'ollaxa, cha'aye ỹataqta qami' qaramchiguilo qataq saishet da qaualaqaiguet Ñim Lo'onatac 'Enauacna. Qalaxaye Ñimaye nache chegoqchiguiña co'ollaq cheta'ague da do'onataxan da saishet da ỹaỹamaxaren da ca ỹale ỹalat aca lhua.