Mateo 19:6 - La'aqtaqa Ñim Lo'onatac 'Enauacna 2013

⁶ Ỹoqo'oye caua mashe huarona't caamaye saishet da 'eeta'am da dos shiỹaxau', nacherata da 'eeta'am da 'oonolec. Qaq ỹoqo'oye Ñim Lo'onatac 'Enauacna da mashe ỹauaxaỹaxana't ca ỹale qataq aca 'alo, nache qaica ca ishet da icolaxachiguilo.

Nuevo Testamento Toba Sur

⁶ Nachi caamayi sa ishit da 'ico' dos. Chaqdata da 'eeta'am ca 'oonolec. Qaq ÿoqo'oyi ca shiÿaxaua sa ishit da isoguilo caua ÿadonaxanaxana't ñi Dios.

Nuevo Testamento Toba Sombrero Negro

⁶ Chane'eja ja dojolqa dite da'me male onolec; tade'to' gaa'me jo'ne Dios yapotena't, 'noota ta'le ja yecolaĝachiguilo ga'me jiyaĝaua.

Mateo 19:6 Referans Kwoze

Marcos 10:9

Ñim Lo'onatac 'Enauacna da ỹauaxaỹaxana't ca ỹale qataq aca 'alo, nache caamaye qaica ca ishet da icolaxachiguilo.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Romanos 7:2

Qaq saloqnaxana aca 'alo maye mashe huaron, acamaye na namaxasoxonaxacpi ña ncoñetta'ai' naqa'en ca lhua qom huo'otaq camaye ña nca'altauec. Qalaxaye que'eca lhua qom huo'otaq ileu, nache acamaye ishet da huesoueeguesop na namaxasoxonaxacpi maye icoñetta'aguet naqa'en camaye.

Efesios 5:28

Ca ỹale mashe huaron, ỹataqta ỹauotec aca lhua, 'eeta'am da lauotaxanaqtaic da lalamaxat lo'ocỹaxac. Qaq ca ỹauotec aca lhua, camaye 'eeta'am da lauotaxanaqtaic da maiche lo'ocỹaxac.

Malaquías 2:14

Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat!

Proverbios 2:17

acam ỹalat co'ollaxa ca lhua maye naloxoua, nache icoua'ai so naỹamaxataxac maye ỹanot co'ollaxa Ñim Lo'onatac 'Enauacna.

Malaquías 2:16

Cha'aye Ñim Nataxala' maye Natamnaxala' na Israel le'ecpi, 'eeta': «¡Qantelỹa'a qome dam saq cha'a qarca'alaqai, qataq saishet da saqaupaquiilec ca qara'aqtaqui; cha'aye Aỹem seqaiga cam ỹalat aca lhua, qataq nshepaxanaqcheela't da ỹo'ottac de'era qauem!»

Mateo 19:5

Ỹoqo'oye Ñim Lo'onatac 'Enauacna 'enapeco': «Ca ỹale ca'ai ca lta'a qataq aca late'e, da yaqto' lmayaxaua aca lhua. Huaña, nache caamaye 'eeta'ama da 'oonolec shiỹaxaua.»

Mateo 19:7

Nache som chegaqaigui na fariseopi inattaco' So Jesús, 'eeta': –Qaq ¿ta'ainco' qone' so Moisés ye qomi' no'onaxata'agueta da lamaxasoxonaxac da 'eetega ca ỹale ishet da ỹalat aca lhua, da ime da ỹo'ot aca lmalate da ỹalat acamaye?