Mateo 19:5 - La'aqtaqa Ñim Lo'onatac 'Enauacna 2013

⁵ Ỹoqo'oye Ñim Lo'onatac 'Enauacna 'enapeco': «Ca ỹale ca'ai ca lta'a qataq aca late'e, da yaqto' lmayaxaua aca lhua. Huaña, nache caamaye 'eeta'ama da 'oonolec shiỹaxaua.»

Nuevo Testamento Toba Sur

⁵ Ñi mayi nataq'en 'enapeco': “Ÿoqo'oyi ca shiÿaxaua ca'ai ca lta'a qataq aca late'e, da yaqto' lmayaxaua aca lhua. Huaña, nachi caamayi 'eeta'am ca 'oonolec shiÿaxaua.”

Nuevo Testamento Toba Sombrero Negro

⁵ Nataq'aen enaac: «Qo'che' ga'me jiyaĝaua yaĝanegue ga'me let'a nataq'aen lat'e qaedi uaĝayet jaga'me loua, qama'le ga'me dos ena'am ta'le onolec jiyaĝaua.»

Mateo 19:5 Referans Kwoze

1 Corintios 7:4

Aca 'alo maye mashe huaron, acamaye saishet da lalamaxat da lo'ocỹaxac, nache 'ena'am ca ỹale. Cha'aye da huarona't, nache aca 'alo lalamaxat ca ỹale, qaq ca ỹale lalamaqte aca 'alo.

1 Corintios 7:2

Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

Efesios 5:31

Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Ca ỹale ca'ai ca lta'a qataq aca late'e da huaron, nache lmayaxaua aca lhua. Ime, nache que'ecaua dos 'eeta'am da 'oonolec da lo'ocỹaxac.»

1 Corintios 6:16

cha'aye da hue'eguet acamaye, nache mashe 'eeta'am da 'oonolec da no'ocỹaxac. Qaq damaye nache 'ena'ape naua nanettaleguete ana la'aqtac lmalate Ñim Lo'onatac 'Enauacna 'eeta': «Caua dos ivira'a da 'eeta'am da 'oonolec.»

Salmos 45:10

Ñaq aỹem 'ana'axaỹaxana 'am ỹalole, ñaq 'ana'axaỹaxaachigui da shenapec: Ñaq 'aucoua'aisalo qome caua 'arta'al qataq ca 'arhuo' le'ecpi,

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Salmos 63:8

'Enauac da ñachaalataxac 'am hueto'ot, na 'oiguishec 'arhuaq qalaq nache 'eetai' da aỹem nasoqtañi.

1 Samuel 18:1

Qaq so David co'ollaq ime da na'aqtaxaatague' so Saúl, nache so Jonatán ỹo'ot da ỹataqta nauochaxaua so David, nache ivira'a da 'eeta'am da maiche nachaalataxac da lauotaxanaqtaic somaye.

Deuteronómio 11:22

Qaq da ỹataqta qaualaqaiguet 'enauac ne'ena namaxasoxonaxacpi maye qami' sanema nagui, qataq qauauochec Ñim Nataxala' maye Qanatamnaxala'ai, qataq qoquiitegue da lataxac da llecỹaxac Ñimaye,

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Deuteronómio 4:4

qalaxaye 'enauac qami' maye qaualaqaiguet co'ollaxa Ñim Nataxala' maye Qanatamnaxala'ai, ñaq qanca'alleetauec nagui.

Génesis 34:3

Qalaxaye somaye ye ỹataqta nqopita asomaye, nache huo'o da lyaxa da ỹañoxot asomaye da nataqa'en nqopita somaye.

1 Reyes 11:2

maye Ñim Nataxala', saỹasheneguet co'ollaxa so llalaqpi so Israel le'ecpi, co'ollaq 'eeta': «Saishet qome da qauaroñiiguet anamayepi, qataq anamayepi sa qanashiñiiguet qome da qami' huaronegueta, cha'aye dasheuec qome naqa'en da qarquiyaqteỹaxaqui, nache qanatamñiitacot naqa'en na natamnaxala'pi.» Qalaxaye ñaqaiyeta so Salomón, nqopita'aguet co'ollaxa asomayepi, nache huaroneguet.

2 Samuel 1:26

¡Qaq aỹem ỹataqta saquico, souaxat 'am ỹaqaỹa Jonatán! ¡Cha'aye 'am ỹataqta aỹem 'arauotaxat co'ollaxa! Qaq de'era 'arauotaxanaqtaic co'ollaxa, napacalec da lauotaxanaqtaic aca 'alo.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Mateo 19:6

Ỹoqo'oye caua mashe huarona't caamaye saishet da 'eeta'am da dos shiỹaxau', nacherata da 'eeta'am da 'oonolec. Qaq ỹoqo'oye Ñim Lo'onatac 'Enauacna da mashe ỹauaxaỹaxana't ca ỹale qataq aca 'alo, nache qaica ca ishet da icolaxachiguilo.

1 Samuel 25:43

Qaq so David nataqa'en huaroneguet co'ollaxa aso Ajinoán maye lma' ye Jezrel, nache 'enauaque da lhua't se'esoua dos.